كلية رياض اطفال انجليزي

بسم الله الرحمن الرحيم
لقد عرفت بموضوع انشاء كلية لرياض الأطفال انجليزي ولي تعليق على هذا القرار اسحوا لي أن أطرحه:
مما لا شك فيه ان هذا القرار ذو فائدة عظيمة ولكن فيه الكثير من الظلم في عدة نواحي:
1- ماهي إلا سنوات معدودة وسنجد هذه الكية مثل كلية تجارة انجليزي لها الريادة والتقدم ويقبل على دخولها العدد الأكبر من الطلاب ويتراجع ذكر كليتنا واقبال الطلاب عليها.
2_فرص العمل في مدارس اللغات سوف تتركز بصورة كبيرة على خريجي هذه الكلية .
3- كليتنا تعتبر الوحيدة من نوعها التي تدرس بها كل من اللغتين العربية والإنجليزية لترم واحد فقط على مدار اربع سنوات في حين ان كلية دار العوم حتى التي تهتم بدراسة اللغة العربية وما يختص بالمسلمين الا ان طلابها يدرسون سنويا اللغة الإنجليزية وايضا كليات العلوم والتي تكون الدراسة بها باللغة الإنجليزية إلا ان هناك مادة سنوية "لغة انجليزية " في حين تنفرد كليتنا بعدم دراسة هذه اللغة الا لترم واحد فقط
شكرا وارجو الإفادة

اولا السلام عليكم انتى معاكى حق فى كل اللى انتى قولتية
ولكن انا على ما اعتقد انهم مش هيفتحوا كلية رياض اطفال انجليزى زى تجارة وحقوق انجليزى انا اعتقد انها هيكون قسم او تخصص داخل الكلية زى اقسام علوم مثلا كيميا او فيزيا انتى فهمتى دا اللى انا فهمتة وبعدين ريا ض اطفال او انجليزى الانسان يقدر يثبت ذاتة فى كل حاجة بمجهودة والمدارس الخاصة هيا بتاخد المعلمات على اساس اولا التقدير والكفاءة واكيد لازم يكون فى عندك لغة واكيد اى طالب بيتخرج من اى كلية اول شىء يعملة بياخد دورة انجليزى وكمبيوتر يعنى كدة كدة هتدرسى انجليزى وربنا الموفق لنا جميعا انا فى الفرقة الاولى
والسلام عليكم ورحمة الله وبركاتة

السلام عليكم
انا بقترح ان يا ريت تبقى الكليه اقسام
مثلا :
تربيه خاصه
انجليزى
عربى
وبكده نبقى حققنا عنصر الشموليه للكليه وريحنا جميع الاطراف

فعلاً يا جماعة لو كليتنا اتعمل فيها الأقسام دى هيبقى ده أحسن لينا كتييييييييير بس فعلاً زى ما سحر قالت ده ممكن يسبب لنا مشكلة من ناحية فرص العمل بس برده لو حصل كده لازم منستسلمش ونعتمد على مجهودتنا وقدرتنا 0000000000000000 وهنقدر برده ننجح ان شاااااء الله

السلام عليكم يا جماعة بجد نفسى يبقى لكليتنا عدة اقسام

و افتكر ان دكتور خالد كلمنا فى الموضوع دة قبل كدة

لان التخصص مفضل فى العمل على سبيل المثال اللى منا

عاوز يعمل فى مجال ذوى الاحتياجات الخاصة يبقى مؤهل و

متخصص فية مش يبقى عندة مجرد فكرة عامة عن المجال

والله انا معاكو فعلا ياريت تكون فى اقسام فى كليتنا وكمان يكون هناك اهتمام بالغة الانجليزية والكمبيوتر

السلام عليكم ورحمه الله وبركاته
فعلا ياريت كليتنا تكون فيها اقسامودة هيخلى كل فرد يكون خبير فى مجال تخصصه.
وانا سمعت ان الكمبيوتر هيكون رخصة دوليه ما ينفعش نتخرخ الا واحنا ملمين بيه.
وياريت الكليه بتعتنا يكون فيه دورات زى باقى الكليات.

السلام عليكم
انا من رأى اننا ندرس طوال ال3سنين الاولى كل شى’ وفى السنة الاخيرة كل طالبة تتخصص فى القسم اللى هى عايزاه زى مثلا كلية الطب بيدرسوا كل شى’ فى ال6 سنين الاولى وبعدين يتخصصوا

وانا راى من راى سوسو2009

تسلم ايديكم كلكم يا جماعة على ردودكم وشكرا على الاهتمام بس بردك اللغة الانجليزية مهمة جدا ومينفعش اننا نتجاهلها في دراستنا حتى لو انشيئ قسم تاني في الكلية

انا اول مره اسمع القرار ده يعنى احنا مش هنبقى مهمين ذي بتوع انجليزى