رجل تتمناه النساء

رجـل.. تتمناه النساء


يكشف الباحث مارتن دوكمانز في دراسة لمعهد الزواج البريطاني عن مميزات وصفات الرجل الذي لا تنساه المرأة ، قائلاً إن الإحساس المرهف والروح المعطاءة هي حلم كل النساء ، وعندما تجدها مجتمعة في رجل لا تستطيع أن تنساه مهما طال الزمن.
وسمات الرجل العصري الذي تفضله النساء علي اختلاف الطبقات والمستويات العلمية يحددها مارتن دوكمانز في النقاط الآتية ، حسب ما ورد مجلة " أخر ساعة":
- الرجل الذي يكون كريماً في عواطفه ويده ويهبها الأمان والحنان.
- اللين في تعامله الرقيق في مشاعره والقوي الشخصية بلا غرور الواثق من نفسه.
- الذي تشعر وهي معه برجولته وأنوثتها.
- الذي يدللها ويرويها عشقاً.
- الذي يقدر إحساسها ومشاعرها ويحن عليها وقت حزنها وألمها.
- يستمع لها ويقدر رأيها ويطلب مشاركتها ويحترم وجهة نظرها.
- في بعض الأمور يفضلها عن نفسه.
- يسامحها إذا كانت أخطاؤها بسيطة ويعفو عنها.
- يكون غيوراً عليها بدون تحكم أو تسلط.
- يطرب مسمعها بكلمات دافئة مليئة بالحب والغزل.
- يحتمل تقلب مزاجها ويشاطرها المزاح والضحك.
- يفرح إذا فرحت ويحزن لحزنها ويقف معها سنداً وعوناً.
- تشعر أنه يحتاجها في كل لحظة.
- يفتخر بها ويراها في عينه غالية جوهرة ثمينة.
- تهبه عمرها لثقتها به وتعتمد عليه.
- الحار في عواطفه الذي تشعر معه دوما أنه لا يري غيرها.
- يشركها بمعرفته وأسراره.
- تري دموعه ولا يخفيها عنها.
- يشعرها بأنها ملكت فؤاده وعقله

كل هذه الأشياءرائعة وتتمناها كل فتاه أن تكون متوفرة فى شريك حياتها لكن هذه الصفات جعلتنى أفكر بكل صفة منها وجعلتنى غير راضية بالمرة لأنها ليست مجتمعة بشريك حياتى بل أغلبها غير موجود وهذا جعلنى محبطة وأفكر بشدة بالأنسحاب والبعد بدلا من أن أظل طوال عمرى أنتظر منه مثل هذه الأشياء علما بأنى شبة متأكدة من أنى لن أحصل معه على ما أريده يوما وشكرا ليكى يا رحيق عالموضوع ممكن تقولوا لى رأيكم ايه

ميرسى ليكى يارحيق بصراحة كلها صفات حلوة اوى بس طبعا مستحيل تتجمع فى شخص واحد
waa831990 بصى لو انت اصلا مش بتحبى شريك حياتك او مفيش قبول من ناحيتك يبقى انصحك متكمليش عشان متندميش
لكن لو انت بتفكرى بس انك عايزاه زى اللى مكتوب فوق لا طبعا تبقى غلطانة لانه مش شرط انه يكون كدة بالعكس كمان ده صعب انه يكون كدة
اهم حاجة يكون فى بينكم قبول وحب واحترام
وربنا يقدملك اللى فيه الخير

شكرا ليكى بجد يا ايناس عالمشاركة أنا بحبه وكنت حاسة انه كان بيحبنى أوى وكان بيعمل معظم الصفات دى لكن اتغير وحاولت أعدل حاجات كتير فيا لكن هو اتغير ومفيش أمل يرجع تانى يعنى هو مثلا كان كريماً في عواطفه ويده ويهبها الأمان والحنان.ولم يعد ,وحاليا يتسم بالغرور والتعالى وأوقات بحس انه مبقاش بيحترم حد دايما الناس مش عجبينه, أوقات كثيرا يشعرنى انى الرجل وأنى المسؤلة عن كل شىء أنا التى لابد وأن تطمئن عليه وأصبح لا يسأل اذا لم اسأل وكان مسبقا هو الذى يسأل كثيرا,أصبح لا يقدر إحساسها ومشاعرها ويحن عليها وقت حزنها وألمها,كان قديما يفضلنى على نفسه كثيرا أما الآن هو وفقظ, كان يسامح سريعا وأصبح لا يسامح فى أبسط الأشياء ويكبر الموضوع,أصبح لايحتمل تقلب مزاجها ويشاطرها المزاح والضحك.
- لايفرح إذا فرحت ويحزن لحزنها ويقف معها ولا يطيق أن يكون سنداً وعوناً,أما أنا فما زلت أحبه ولا أعلم هل سيعود مثل لأول أم لا أنا حاولت كتير انى أرضيه بس مفيش حاجة بتلاضيه أبدا وبيقول أنا مش متغير

ميرسى ليكى يا رحيق موض1وعك جمييييييييييييييل جدا فعلا اكيد الصفات دى كل البنات تتمنى تكون موجودة فى الانسان اللىترتبط بيه بس اكيد عمرنا ما هنلاقيها موجودة فى شخص واحد

شكرا ليكي waa831990 أنتي وإيناس ولؤلوة وعلي مشاركتكم وفعلا الصفات دي من الصعب ان تتوفر في شخص واحد بس أكيد موجوده بنسب مختلفة ومتفاوته
بس اللي أنا مؤمنه بيه ان كل زوجة تقدر تغير كتير في زوجها وترتقي بيه عشان تخليه زي ما هيا بتحلم ، خاصة إذا حاولت أن تتحلي بمعظم الصفات دي وتكون النتيجة ان زوجها أكيد هايحس بيها ويعاملها بنفس المعاملة والأسلوب

موضوع جميل حقا
ولكن مفيش أي حد بتجتمع فيه الصفات دي
مستحيــــــــــــــــــــــــــــــــــــــــــــــــل
وتسلم ايدك على الموضوع رحيق

الموضوع حلو اوى
والمواصفات دى رائعه وفعلا هى مواصفات بتتمناها كل بنت
بس لو قعدنا ندور على حد فيه كل ده مع بعض يبقى مش هنتجوز اصلا
لان المواصفات دى كلها مش هتتجمع فى شخص واحد بس
انا راى ان الرجل الذى تتمناه اى مراه هو الرجل الذى يدق قلبها نحوه مهما كانت مواصفاته وطبعا يكون هو كمان بيحبها بعد كده كل حاجه ليها حل

شكرا ليكوا يافلة انتي وبوسي علي مشاركتكم الجميلة بس ياريت متفقدوش الأمل كده .
أنا معاكم فعلا الصفات دي من الصعب ان تتوفر في شخص واحد بس أكيد موجوده بنسب مختلفة ومتفاوته
بس اللي أنا مؤمنه بيه ان كل زوجة تقدر تغير كتير في زوجها وترتقي بيه عشان تخليه زي ما هيا بتحلم ، خاصة إذا حاولت أن تتحلي بمعظم الصفات دي وتكون النتيجة ان زوجها أكيد هايحس بيها ويعاملها بنفس المعاملة والأسلوب