حلال المشاكل ( الزوجه النكدية )

الركن ده أنا فكرت أعمله باسم (حلال المشاكل) بحيث نعرض فيه المشكلات

الزوجية اللي بتكون سبب في هدم بيوت كتير مع العلم انها ممكن تتحل

وأنا فكرت في الموضوع ده لأن فعلا نسبة الطلاق زادت أوي في الفترة

اللي فاتت ، وكمان أصبحت العنوسة منتشرة بصورة مخيفة مش بين

البنات بس ولكن بين الشباب كمان ، وكمان عشان تكاليف الزواج بقت

صعبة والبيت اللي بيتكون وبيتفتح لما بتيجي مشكلة تفقله بيبقي صعب

أوي ، وكمان احنا عاوزين نحافظ على المجتمع بتاعنا ، وعشان نحافظ

عليه لازم نحافظ على الأسرة ونحاول نساعد في انها تكون مستقرة دايما

، مش لأتفه الأسباب تتفكك وكل واحد يروح لحاله .

عشان كده أنا بقترح ان احنا ناخدمشكلة مشكلة ونفكر في حلول عملية

ليها بحيث لما كلنا نفكر سوا أكيد هانوصل لحل كويس نحقق بيه الهدف

اللي قولتهولكم فوق .

لأن من الممكن أن واحدة فينا تتعرض لمشكلة من المشكلات دي فيما بعد

في المستقبل لا قدر الله ، أو أي حد من أصحابها أو أي حد من أقاربها

، وبالتالي احنا نكون قادرين ازاي نتعامل مع المشكلة ؟ وازاي نساعد في حلها ؟

ياريت ياريت كل الأعضاء يشاركوني في الركن ده ( حلال المشاكل ) اللي هاناقش فيه كل يوم مشكلة لحد مانوصل لحل واقعي ومقنع فيها.

بس ياريت نشارك كلنا

وياريت ناخد الموضوع بجدية

وأكيد كل واحدة هتشارك أكيد أكيد هاتاخد ثواب كبير أوي من ربنا

وأبدأ بأول مشكلة وهي

الزوج البخيل

أزاي تحاولي تعالجي المشكلة دي بحكمة وذكاء بدون اصطدام ؟؟؟؟؟؟؟؟

شكرا أوي ليكي ياإسراء دايما بتجبري بخاطري ويارب الفكرة

تعجب كل الأعضاء ويشاركونا لأنها فعلا مهمة وهانستفيد

كلنا منها

جزاكي الله خير ياإسراء على رؤيتك لحل المشكلة دي


وياريت نشارك أكثر ونشوف آراء باقي الأعضاء

طيب نبدأ مع مشكلة تانية وهي " الزوجة النكدية اللي مبيعجبهاش أي حاجة "

ياريت نشارك كلنا ازاي نعالج المشكلة دي وننصحها بايه ؟ وكمان ننصح زوجها بايه ؟

على فكرة أنا حاسة ان انت من ساعة ما اشتركت في المنتدي وانت نازل نقد في البنات أوي ، وده بصراحة مينفعش لأن لولا البنات مكنتش جيت على وش الدنيا

وبعدين لما هما مضايقينك كده أوي انت بتشترك في المنتدي بتاعنا لينا
روح اشترك في منتدي الرجالة لو احنا مزهقينك كده أوي

معلش انا كلامي جارح شوية بس بصراحة انت كلامك اللي قولته أشد وأصعب

شكرا ليك ياspider بس فعلا احنا بدل ما نلعن الظلام يبقي

لابد نضيء شمعة

ماشي؟

وده أكيد لما نستغل موقعنا في ان احنا نعرف عيوبنا

ونحدد الدواء اللي ممكن يصلحها

وكمان ننمي قدراتنا عشان منبقاش سبب في حالات

كتيييييييييير من الطلاق زي ماانت تفضلت وذكرت

وياريت نشوف مشاركاتك الإيجابية والإصلاحية

خف عليهم شويه ياسبيدر
دول النصف الحلو برده
هههههههههههههه
بصراحه موضيعكو جميله بس انتو دايما ظالمنا بردوه

شكرا لمشاركت يا corals_reef ولمرورك ، بس احنا بنتكلم

بكل إيجابية وانتو داخلين في النقد على طول مع أني

اراهن إذا لقيت موضوع في المنتدى بينتقد الرجال بقسوة وشدة زي ما أنتوا بتكتبوا

أنا أصلا زعلانة جدا وأنا بكتب الكلام ده لأني بنتقدكم فيه

بس بصراحة زي ما قلت قبل كده أحنا عاوزين بدل ما نلعن

الظلام نحاول نضيء شمعة

وياريت كلنا نساعد بعضنا

مرسى على موضوعكك يارحيق ومش على طول الستات هى اللى بتكون سبب النكد كتييييييييييييير الرجالة هما اللى بيكونوا السبب وده بعدم تقديرهم للمراة وبفرض رايهم سواء كان صح او خطا من غير تفكيييييييير
ودة ميمنعش برده ان الستات كتييييييييير بيكونوا سبب النكد

شكرا لمرورك يالؤلؤة ومشاركتك

وياللا بينا بقه نبدأ علاج المشكلة دي وياريت الكل يشارك ويقول رأيه

ازاي نعالج ؟ وبإيه ننصح المرأة دي ؟ وبإيه ننصح زوجها عشان يقدر يتعامل معاها

ويساعد في علاجها بدون مشكلات ؟؟

بلااااش تعمم الحكم على كل الستااات يا دكتور سبيدر
الدنيا لسه بخير.....
وفى ستاااات...
هى اللى مصبر الراجل على الدنيا وهمومها

((وجعلنا لكم أزراجا.....لتسكنوا إليها....وجعل بينكم مودة ورحمة...))
صدق الله العظيم

ميرسي أوي لحضرتك يا dr.oraefy وياريت تساعدنا في هذا القسم ( حلال المشاكل )

وأنا بشكرك ياسبيدر على مشاركتك ومش زعلانه منك لأنك أصلا في النهاية

هتتجوز وبرده هاتقابل بعض النمازج دي وياريت نشارك بإيجابية عشان نعرف

ازاي نتعامل معاها من باب الوقاية خير من العلاج

وده مش لينا بس بل احنا هانستفيد وهانفيد أهالينا وأصدقائنا في حل كتير من مشاكلهم

أرجوا أن تكون رسالتي وصلت للجميع