مشكلتنا مع الكلية

تاريخ التسجيل : 15/02/2009

اانا نفسى اننا نلاقى مكان فى الكلية نظيف نقعد فية فى الفاصل بين المحاضرات الكلية شكلها يسد النفس كل اما ندخل نحس اننا داخلين المدرسة والعربيات ليها مكان تقعد فية واحنا لا احنا كدة بنكرة الكلية Evil or Very Mad

ياريت نشوف حل دة راى كل اصحابى مش انا بس

تاريخ التسجيل : 02/02/2009

عنديك حق فعلا الكليه صغنونه اوي مفرود يعملونا اي حاجه فيها ويظبطوها كده ويخلوا شكلها شيك وياريت لو يعملوا جنينه فيها ويجملوها كده يعني Mad

تاريخ التسجيل : 15/02/2009

اشكراااا لحضرتك على التعليق على موضوع الاهداف التعليميةوانا فعلا استفدت وان شاء الله هبحث وهقترح على حضرتك وعلى زملائى المواضيع

تاريخ التسجيل : 18/02/2009

ياريت بجد يكون فى اماكن فى الكلية الواحد يقدر يقعد فيها
او حتى يعمل فيها الشغل العملى
لاننا بنتبهدل جدا فى الاوقات اللى بين المحاضرات

تاريخ التسجيل : 01/02/2009

بسم الله الرحمن الرحيم
بناتى أنا معاكم أن من حقكم تجدوا أماكن للجلوس والتجول لكن المهم الأن انكم تنظروا بنظرة إنسان متفحص لنظافة الكلية على جميع المستويات
أعتقد إنه لايصح بنا ومعظم الكلية أو بمعنى أصح الغالبية العظمى من السيدات والبنات وتكون كليتنا بهذا الحال
علشان كده أنا بقترح وأنا أول المشاركات أن نبدأ بتنظيف وتجميل كليتنا بأنفسنا وبجهودنا الذاتية
انا منتظرة رأيكم وأقتراحتكم لرفعها والبدء

تاريخ التسجيل : 15/02/2009

اازي حضرتك يادكتوارة انا بشكرك على النتيجة احنى كلنا جبنا تقديرات كويسة وربنا يكرمنا كلنا الترم التانى
اانا كنت عايزة اوضح لحضرتك ان عمال النظافة اساسا مش بيقوموا بتنظيف الكلية عشان احنا نقدر نحافظ على الى هما نظفوا بلاضافة الى ان الكلية خليا من اى مساحة خضرة تعطى لها جمال حتى لو كانت المساحة صغيرة

تاريخ التسجيل : 01/02/2009

انا معاكم ان العمال مش بيعملوا مهام النظافة لكن احنا متفقين ان مينفعش نقعد فى مكان مش نظيف يبقى على الاقل ننظف احنا بانفسنا بقدر المستطاع والى حابب يشترك معايا فى حملة النظافة يلا يتفضل

تاريخ التسجيل : 02/02/2009

انا اكن سعيدة لو اشتركت معاكم فى حملة النظافة بتاعت الكلية بس اتمنى ان المسئولين فى الكلية يحسوا بالتغير اللى هانعملة

فعلا الموضوع ده مهم جدا وكان من اهم اسبابى الى كانت مخليانى عاوزه احول من الكليه اول السنه .وانا بقترح تبقى فى توعيه للطالبات لانهم للاسف اصلا معندهمش اهتمام بنظافة المكان بارغم من انه بيكون نظيف. وكمان عايزين عدد سلة المهملات يزيد شويه فى كل مدرج.وشكرا
flower

الموقع : من امام الجهاز تاريخ التسجيل : 24/02/2009

انا من الفرقة الاولى وانا من وجهة نظرى ان المشكلة دى مشكلة بنسبالنا اكتلر لاننا اول سنة ندخل فيها الكلية وبصراحة مكناش متوقعينها كدة ويمكن تكون المشكلة دى عامل مؤثر علينا سلبيا بعدم التفاعل مع الكلية لانها بالنسبالنا ماستقبتناش بالشكل اللى كنا نتمناه ما علينا ......... انا بقترح :
1- اننا نعمل ندوات بشان النظافة
2- ونعلق بعض اللافتات اللى تحرك الموضوع وتفكر البنات
3- وممكن طبعا ومن السهل اننا نزود الباسكتات فى كل انحاء الكلية
4- وعلي ادارة الكلية بقى توجيه ورقابة العاملين بشكل يساعدنا اننا نحافظ على نظافة الكلية

شكرا

تاريخ التسجيل : 15/02/2009

ااحنا هنكون سعداء جداااااا لو قدرنا فعلا نخلى الكلية شكلها نظيف وانا اتمنى انا اكون معاكم فى تنظيف الكلية شكرااااااااااا لدكتورة منال لانها اهتمت بالموضوع cheers

تاريخ التسجيل : 01/02/2009

حقيقى انا سعيدة لتقبل ولو قلة من البنات الفكرة وهقترح بعض الاقتراحات بالاضافة الى اقتراحات زميلتكم العزيزة
مثلا نقوم باعدا بعض السلال من خامات ومخلفات البيئة وشكل جميل ونقوم بتوزيعها فى كل ارجاء الكلية
ان نحرص على نظافة المدرجات اثناء التواجد وبعدها والتاكد من غلق الانوار والمراوح
وانا فى انتظار المزيد من المقترحات حتى لو ادى الامر الى ان نقوم بانفسنا بنظافتها

انا معاكو فى الموضوع ده

لانى بجد نفسى انزل من البيت وانا مبسوطه انى رايحه الكليه

بس للاسف بحس انى رايحه المدرسه بكل ما فيها من مدرسين بيجبروكى على انك تيجى

واذا عديتى الحد المسموح فى الغياب يبقى هتروحى تعملى اعاده قيد .. فعلا فعلا شغل مدارس

لكن فى الكليه لما تعدى الحد المسموح يبقى انتى كدا شايله الماده بس بصراحه علشان مش اظلم الكل فيه دكاتره مش بياخدو الغياب

وسبحان الله بتلاقى الاقبال فى الحضور عندهم اكتر لان البنات بيبقو حابين انهم يحضرو لدكتور بيحترمهم

زى د/ انسى بصراحه عمرى ما شوفته بياخد غياب

نفسنا بجد نروح الكليه واحنا مش مجبرين على اى حاجه فيها .. ونشتغل واحنا نفسنا مفتوحه ونعمل كل اللى نقدر عليه ونحسن من مستوى الوسايل ونتطورها كمان

واعتقد ان كل بنت عارفه مصلحتها وعارفه ان حضورها فى زياده لمعلومتها واكييييد هيا اكتر واحده هتبقى حريصه على حضورها من غير اجبار من اى حد

ده بالاضافه للحمامات والمساجد غير صالحه للاستعمال الادمى ابدااااااا ..

وياريت تحلو الموضوع ده لانه فعلا بيمثل عبء على كل بنات الكليه

احنا كنا جايين الكليه وهنمووووت والدراسه تبدا فى سنه اولى

لكن دلوقتى نفسنا نخلص ونتخرج .. و جيبولى بنت واحده مش نفسها تخلص وتتخرج من الكليه ديه

والحمد لله ان فى اخر سنه فى حاجات كتيرر اتغيرت زى المدرجات اللى مكنتش بتكفى البنات وكنا بنعد فى الارض وده اتحل بتقسيم الفرقه لقسمين

وطبعا ان صوتنا يوصل للدكاتره بانشاء منتدى رياض الاطفال ده حل وهيحل حاجات كتير ان شاء الله

سورى اذا كنت طولت عليكم بس الواحد اتعقد بصراحه من حاجات كتيرر

انا بصراحه فى حاجه نفسى اعرافها بالنسبه للحمامات هى المشكله فى قلة النظافه ولا البنات . ولو كان فى البنات مهو كل واحده منهم عندها حمام واكيد مش بيبقى كده . ولو قلنا عشان العدد كتير طيب مهو فى بيوت بيوصل عدد الاسره لاكتر من خمسه وبيكون نظيف يبقى فى ايه وعايزه حد يرد عليا عشان فعلا انا واحده من الناس مش بدخل الحمام فى الكليه بسبب النظافه . scratch

الموقع : في الدنيا تاريخ التسجيل : 27/02/2009

المشكلة ان مفيش أي مساحة حول الكلية
ممكن يستغلوها وأنا فعلا مش عارفة
هي الكلية ليه صغيرة أوي كده
وكمان أصلا مفيش عندنا وقت
بين المحاضرات واحنا بجد بنتعب
من طول وقت المحاضرة
مفيش أي كلية فيها المحاضرة 4 ساعات
وفي دكاترة بيقعدوا وقت المحاضرة كامل
أنا فعلا مش عارفة ممكن يكون ايه الحل؟ Question

تاريخ التسجيل : 02/02/2009

بس صحيح هو مفيش اي حل نكبر بيه الكليه ديه بجد صغيره جدا بس انا سمعت ان كليه تربيه نوعيه واخده جزء من كليتنا فيا تري مينفعش ناخد الجزء ده تاني ونكبر بيه الكليه هههه

تاريخ التسجيل : 15/02/2009

هما وخدين جزء منا وكمان كليتهم شكلها احلى؟؟؟؟؟ احنا عايزين المكان بتعنا ههههههههههههه

تاريخ التسجيل : 25/02/2009

انا معاكم واصلا والدادات مش بيقوموا بتنظيف حاجة لان ريحة الحمام بتبقى باينة اوي اتمنى حتى من كل طالبة انها مترميش حاجة في الارض عشان

تاريخ التسجيل : 05/02/2009

يا جماعه المشكله فينا احنا احنا لازم نحافظ على المكان الي احنا بنقضي فيه معظم وقتنا
أكيد كلنا نظاففي بيتنا ليه منكش كمان نظاف في كليتنا احنا نشترك مع بعض زي مقالت الدكتوره ونجيب سلال ونحافظ على النظافه
فيها ايه لو واحنا ماشيين لقينا ورقه في الارض شلناه ورميناه حتى لو مش احنا الي راميينها
يمكن حد يشوفك بتعملي كدا يعمل زيك
بجد لو كلنا عملنا كدا أكيد الكليه هتبقى نظيفه
اما بالنسبه للحمامات بجد أنا مش بدخلها نهائي
احنا بنات ولازم نحافظ على نظافة الحمام
اعتبري دا بيتك وحافظي عليه يكون نظيف
يعني لو جاءنا زائر مش لازم نظافة الكليه تكون عاليه
ويسعدو الزوار بيها
ولا ايه

انا شايفة ان الكلية فعلا صغنونة اوووووووووووووووووووووووى ولازم يتصرفو بس يريت يحلو المشكلة دى قبل احنا ما نتخرج ويا ريت الكلية تنظف 10 شويات ويا ريت الجدول يكون فيه رفق بينا شوية لان احنا بنيجى على اخر محاضرة واللى بتكون دايما طويلة واما بنام اما نقعد نتكلم وعايزين نمشى ده غير اننا بنروح مقتولين ومش قادرين نعمل المطلوب مننا سواء ابحاث او شيتات او عملى ده غير اننا مش بنلاقى وقت نهائى ندخل فيه المكتبة فنتمنى ان الجدول يخف شوية عشان نعرف نعطى كل حاجة حقها ومعللللللللللللللش انى طولت عليكم بس بصراحة كنت مكبوتة ومصدقت اعبر عن نفسى هههههههه وميرسى ليكم كلكم ولدكتور منال ولاهتمامها بالموضوع

الموقع : بلد الامان تاريخ التسجيل : 27/02/2009

انا بقى مش متفائله خالص
لان لو حصل تغير هيكون بسيط جدا
يعنى مثلا الكليه هتكون نظيفه ماشى بس هى برضو صغيره جدا ودي حاجه منقدرش نغيرها ولا نتحكم فيها
ومش كده وبس وكمان الخدمات المتاحه قليله
ياريت متزعلوش مني

بصوا يا بنات

موضوع ان الكليه صغيره ف ده احنا متفقين عليه بس قولوا الحل من وجهه نظركم ..

هوا ممكن نفتح الكليه اللى جمبينا على الكليه بتاعتنا بس هيبقى الجو مش لذيذ واحنا مش هنحب الجو ده ومش هنبقى مرتاحين ..

وموضوع النظافه بتاعت الحمامات ..

اقترح عليهم اننا نلم من بعضينا مبلغ مش شرط يبقى كبيرر وتديه للدادات ونقولهم يظبتو الحمامات اللى فى المبنى القديم والجديد و المسجد كمان والبرجوله .. و بعد كدا نعلق على الكليه لائحات بالنظافه من الايمان ويعتبر ده صفحه جديده فى البدايه مع حمامات نظيفه ونحافظ عليها نظيفه وطبعا هنحط فيها اكتر من باسكت فى كل مكان فى الكليه بيحيث ان كل بنت تحب ترمى اى حاجه تلاقى ادامها باسكت ومتفكريش انها ترمى فى الارض او حتى من مدرج 105 على سقف البرجوله وديه انا شوفتها بعينى .. ربنا يسامحهم البنات دول

بس بجد ياريت نتغير .. وياريت لو موافقين على الاقتراح ده نروح لدكتوره منال او اى دكتور يتولى الموضوع ده ويبقى هوا الوسيط بينا وبين الدادات علشان اغلبيتنا ميعرفوش بعض هنا فى المنتدى ..

انا معاكى فى 90 %من الى انت قولتيه لكن فى موضوع ان احنا ندى الدادات مبلغ ما انا غير متفقه معاكى مش عشان الفلوس فى حد ذاتها لكن المشكله ان هما مفروض ليهم مرتب بيخدوه ولو جمعنا مبلغ يبقى عشان تقدير لهم سنا وجهدا مش عشان يقومو بمهامهم الطبيعيه . وعلى فكره انا من الناس الى بيقدرو الناس دى على صبرهم على المجهود الى بيعملوه. واتمنى ان كلامى ميكونش ضايق حد منى .ولو حد عنده وجهة نظر افضل اتمنى ان اعرفها لاننا نتعلم من بعضنا .وشكرا Smile

تاريخ التسجيل : 27/02/2009

احنا فعلا محتاجين لكلية نظيفة ولابد على العاملين بالكلية ان يحافظوا عليها عشان احنا لما نيجى ندخل الكلية تكون نفسنا مفتوحة ونحافظ احنا كمان عليها على الاقل لوجت واحدة ترمى حاجة فى الارض هتتكسف ترميها مدام الدنيا من حوليها نظيفةوبعد كدة احنا نقوم بدورنا فى تنظيف الكلية ونفسى لما ادخل الحمام احس انى داخلة حمام بنات وكل ما ادخلة الاقى الدنيا مطينة لوجود الماء على الارض وعدم تنظيفها فيا ريت لو عاملات النظافة يمسحوها كل فترة بسيطة ويسيبوا الباقى علينا من نظافة وبالنسبة لموضوع ان نعطى للعاملات مبلغ ما تقدير لهم وليهتموا بنظافة الكلية انا موافقة بس انا مشوفتش حد منهم من ساعة ما دخلت الكلية الا اثنين كانوا بيكنسوا المدرج فلو حد يعرف مكان بيقعدوافية يقولى واسفة انى طولت عليكم

يا mans خليكى واقعيه اكتر من كدا .. مرتب ايه اللى بياخدوه بس يكفى اللى هيعملوه

ده انتو حتى شوفتوا الحمامات شكلها ايه دول محتاجين اضعاف اضعاف اللى بياخدوه

وكمان انا بتكلم على موضوع انهم يتولوا الموضوع من اوله لاخره علشان حكايه المياه اللى بتقطع او بتغرق الدنيا و و و

علشان كدا اقترحت موضوع المبلغ ده .. واحنا بنتناقش عادى يعنى مفيش حد هيضايق ولا حاجه .. Wink

وبالنسبه لكلامك يا E0M0E

انا معاكى فيه بس بالنسبه للدادات انا بشوفهم كل يوم يا اما موجودين ادام باب الكليه او الخزنه او جمب الحمامات عند الدواليب الموجوده ادام الجيم

وكمان فى حاجه عايزه الفت نظرك ليها .. بليز يعنى بلاش توصفى ايه اللى فى الحمامات تانى علشان احنا عارفينه كويس
علشان فى ناس مش من الكليه ومن بلاد سعوديه وغيرها بيدخلوا المنتدى وشكلنا هيبقى عاااار ده غير اننا اتفضحنا واحنا بناقش مشاكلنا كدا .. بس مفيش حل غير كدا .. Embarassed

اخر حاجه .. لو حد عنده اقتراح تانى غير الاقتراح ده يقول علشان نحل المشكله !!

» ((( مشكلتنا التي اتعبتنا ))) ؟؟؟؟
» اين طالبات الكلية
» أين رساله الكلية
» زيادة الترفية فى الكلية
» نداء من كل طلبة الكلية