الفرق بين المرأه في السنه الاولى والسنه العاشره من الزواج

زائر

تشير الساعه الى 6:30 صباحا
تودع زوجها وهو رايح الشغل وتقول له تروح وترجع بالسلامه يا حبيب قلبي
الساعه 11 صباحا
بتتصل عليه في شغله وتقول له حبيت اسمع صوتك بس يا عمري
الساعه 3 العصر
تستقبله وهي متشيكه وتبوسه وهو داخل للبيت وتقول له
الغدا جاهز يا حياتي ..تحب تاكل دلوقتي ولا كمان شوية ؟؟؟
الساعه 5 العصر
تصحيه من النوم ببوسه وتقول له اعمل لك شاي يا حبي ؟
الساعه 6 المغرب
تسبل عيونها وتقول بكل خجل يا ريت يا حبيبي .. يعني لو
ما فيخاش غلاسه.. يعني اذا تقدر توديني شويه عند اهلي اذا كنت تقدر يا عمري
وقبل ما ينطق بكلمه تكمل هي وتقول اذا ما تقدرش خلاص مش لازم
وطبعا يضيع هو في نظره وابتسامه ...
ويوديها لاهلها ولو انهم ساكنين في القاهره وهو ساكن في اسكندريه
الساعه 8 بالليل
تتصل عليه على موبايله وتقوله ( اشتقت لك يا عمري .. يا ريت تيجي تاخدني ونروح للبيت )
وطبعا هو عارف مستنيه ايه في البيت فيقول للصحابه اسف والله راسي مصدهع ولازم امشي
الساعه 10 بالليل
تقعد في حضنه وتقوله ( الله يا حبي تفتكر ؟ تفتكر ايام الخطوبه لما كنت تعمل المستحيل عشان تشوفني .)
ويبدء الحديث الروماااااااااااااااااااااااااااااااااااانسي جدا جدا جدا
الساعه 11 بالليل
الوصول الى هذه الصفحه غير مسموح به
بعد مرور عشر سنوات
الساعه 6:30 صباحا
هي في سابع نومه
الساعه 11 صباحا
هي برضه في سابع نومه
الساعه 3 العصرتستقبله وهي متعصبه على الاخر وبتقوله (لازم تشوفلي حل مع عيالك دول
بنتك سارة هانم ماشاء الله عليها قطعت مريلتها في المدرسه وانت لازم تديني فلوس عشان اشتريلها واحد غيره
ولا بنتك بقى سلمى وقعت من على السلم وهي كانت ماشيه والظاهر انها اتكسرت...و …و …..و الى مالى نهااااااااااايه
الساعة 5 العصر هي بتفك عركه بين بنتها ساره وابنها صالح ويصحى هو على صوتها وهي بتدعي عليهم بجميع الامراض الخطيره
الحديث منها والقديم....
الساعه 6 المغربهو قاعد بيشرب الشاي وهي جنبه بتزن (عايزه اروح لماما اصل بنت خال جد ابن عم بابا عندها ولازم اروح اشوفها
وبعديها نروح نشتري مريله للبنت بدل الي اتقطع وبعدين بنت عمتي ولدت لازم اروم اشتري لها هديه من اغلى محل...
وتتوالى الطلباااااااااااااااااااات
الساعه 8 بالليل تتصل على جواله (انت فين ؟؟ رايح فين يعني ؟؟ مين معاك دلوقتي ؟؟ طيب بتعملوا ايه ؟؟ جي تاخدنا امتى ؟؟ لا لا ساعه ولا غيره تيجي دلوقتي احسن لك ولادك جنوني ... )
الساعه 10 بالليل
قاعدين هو وهي عند التفزيون واخيرااااااا هدوء تااااااااااااام والعيال كلهم نايمين والجو جميل
وفجأه ..
تروح ماده بوزها وتبدء في الكلام المعتاااااااااد ...
(انت مامتك مالها النهارده شفتها عن جارة ماما عدت من جنبي ولا كانها شافتني ولا سلمت عليا ولا حاجه ؟؟ )
وماتستناشهوش يرد وتكمل
واختك الهانم عازمه كل الجيران وكل الناس على الغدا النهارده وجيت علينا احنا ماعزمتنااش ؟؟
ده غير انها ماجتليش لما ولدت سلمى ؟؟ طيب اانا هوريهااااااااا والله لو حصل ايه انا مش هروح ازورها لما تولد ..
تسكت شويه بس وتكمل ...
واختك التانيه نوره هانم بتقول على صالح انه ييشبهني انا قصدها ايه يعني ؟؟
انا فاهمه قصدها يا ريت تفهمها انها لو مابطلتش حركاتها دي اني والله اوريها خليها تحترم نفسها بقى
تسكت لثواني بس وتكمل وبعصبيه شديده ..
ايوة تعالى هنا ده اخوك محمد اشترى لمراته هديه جميله جدا بدون مناسبه ساعه انما اييييييييه غاليه وجميل ..
ليه هي احسن مني ولا ايه ؟؟دي حتى مابتعرفش تطبخ يعني ... وتسكت شوية
ويقولها هو : خلاص يا حبيبتي هدي نفسك انا هشتريلك ساعه احسن منها
بكل عصبيه ترد عليه .. ياااااااااااااااااسلام يا خويا انت بتسكتني بالكلام الحلو ده يعني
ولا ايه والله مانت شاري حاجه انا مش عايزه حاجه منك انت فاكرني ايه انا ابوي يجبلي كل الي انا عايزاه
وتقوم وهي بتعيط وتقوله مش عايزه منك حاجه مش عايزه حاجه
الساعه 11 بالليلهي زعلانه ونايمه مع العيال
وهو يبيلعن اليوم الي اتجوز فييييييييييييييه