تحليل الشخصيه

بسم الله الرحمن الرحيم
ان شاء الله انهاردة حكلمكم في موضوع بيهم ناس كتير قوي .
الموضوع باختصار ايه هي نوع شخصيتك .
ايه الحاجات اللي بتميز شخصيتك دي .
في البداية احب اقولكم ان فيه 3 انواع من الشخصيات وهم :-
1-الشخصية البصرية .
2-الشخصية السمعية .
3-الشخصية الحسية .
انت او انتي نوع من الشخصيات التلاتة دي .
طيب والسؤال ازاي اعرف اذا كانت شخصيتي دي بصرية او سمعية او حسية .
حقولكم كل شخصية واللي بيميزها وبكده حتعرف انت أي نوع من الانواع التلاتة .
اولا :- الشخصية البصرية ( ارني )
الشخصية دي ياجماعة بتتميز بالاتي :-
1-بيتكلم بسرعة قوي ممكن اللي قصاده ميفهمش كلامه من سرعته في الحديث .
2-بيتكلم كتير جدا عن المستقبيل واللي ممكن يحصل فيه .
3-طريقة التنفس بتاعته بتكون بشكل سريع .
4-بيكتشف الاخطاء الاملائية بسرعة .
5-بيحب يشوف اللي قدامه كويس علشان يقدر يسمعه كويس وبالتالي يفهمه كويس .
6-أي حاجة بيسمعها بيحب انه يكتبها او يرسمها علشان يقدر يفهمها كويس لانه حيعتمد علي بصره .
7-بيحب يعرف الموضوع بشكل عام قبل ميدخل في أي تفاصيل ليه .
8-ضعيف في حفظ المعلومات الشفوية .
9-بيميل في كلامه لاستعمال تعبيرات زي : انا مش فاهم وجهة نظرك – مش شايف ان كلامك صح
يعني تعبيرات فيها كلمات تتعلق بالبصر والرؤية .


ثانيا :- الشخصية السمعية ( اسمعني )


الشخصية دي بتتميز بالاتي :-
1-بيحب الكلام الكتير .
2-بيحب الاسئلة المتير برضه وبيحب يناقش كتير .
3-بيحفظ المعلومات الشفوية بسرعة علي عكس البصري .
4-بيحب يسمع اي صوت حوليه وبيركز قوي للصوت ده وايه هو مصدره .
5-مش بيحب يشوف الشخص اللي بيتكلم علشان يقدر يسمعه كويس .
6-بيحفظ الكلام اللي بيسمعه اكتر من اللي بيشوفه .
بيستعمل تعبيرات في كلامه زي : مش سامعك كويس – ممكن تعلي صوتك
يعني كلام متعلق بالسمع .
ثالثا :- الشخصية الحسية ( اشعرني )الشخصية دي بتتميز بالاتي :-
1-بيفضل الصمت معظم الوقت .
2-طريقة كلامه بتكون هادئة .
3-بيحب يستخدم اديه في الكلام علشان يقدر يوصل المعلومة للي قدامه .
4-بيميل في طريقة كلامه الي الماضي وايه اللي عمله زمان .
5-بيحب يدخل في تفاصيل الموضوع علي طول .
6-بيحب الحركة الكتير وهو بيتكلم مع اي شخص .
7-بيحكم علي الاشياء او الشخص اللي قدامه من احساسة اداخلي
يعني احساسه هو المحرك الاساسي ليه

ياتري بقي انت اي نوع من الشخصيات التلاتة دول ؟؟؟؟

الموضوع حلو كثيييييييييييييييييييييييييييييييييييييييييييييييييييير
بس أنا مش عارفة أحلل شخصيتى أنا فيه من الثلاثة أزاى أعرف أنا مين
شكرا

thanks mahy
القصد انك تحددي ايه اكتر شخصيه منهم قريبه منك
يعني لو خيروكي بين التلاته تختاري انهي

Merci
كده فهمت

حلوة اوى ميرسى ليك وانا طلعت الشخصية السمعية

وانا كمااااااااااااان يا نوسة شخصية سمعية
مش اخواااااااااااااات بقى
مرسى جدا يا سبيدر على موضوعاتك المتالقة دائماااااااااااااا

انا قارنت بين الاتنين صعب جدا مش عارفه اذا كنت سمعيه او بصريه مينفعش الاتنين ياspider على فكره الموضوع حلووووووووووووووووو جدا

انا من الحسية وفيني شوية صغننين من السمعية

على فكرة موضوعك حلو اوووووووى انا اول مرة اعرف احلل شخصيتى وطلعت الحسية
مرسى اوى spidr

انا كمان اكتشفت اني شخصيه حسيه
ومرسي ليك ع الموضوع الجديد

انا كمان فيا كتير من الشخصية الحسية..
تسلم ايدك الموضوع جميل جدا

انا خليط من الشخصيه السمعيع والبصريه

يعنى نقدر نقول الوسط بين الاثنين