لعبة الامثال الشعبية..............

بسم الله الرحمن الرحيم
اللعبة دى عبارة عن ان كل واحد يدخل يقول اى كلمة واللى يدخل بعده يقول مثل ينطبق على الكلمة دى
وانا هبدا واقووووووووووووووووول
(العدو)
يلا مستنية المثل ومستنية مشاركاتكم

امشي عوج يحتار عدوك فيك

وهقول كلمة حب

ضرب الحبيب زى اكل الزبيب,ان كان حبيبك عسل متلحسوش كله. {حمام}

إللي معاه قرش محيره يجيب حمام ويحمره



(((الشربة))

الي يتسلع من الشوربه,,, ينفخ في الذبادي

حلوه الفكره دي يا نوسه
مرسي كتير

الرجال

يا مأمن الرجال يا مأمن المية فى الغربال
الزجاج

اللى بيته من زجاج ميحدفش الناس بالطوب
واقول
العمى

ايه لسة معرفتوهاش اللى ميشفش من الغربال يبقى اعمى
واقول الجار

تصبح بخير يا جارى انت فحالك وانا فحالى. {الباب}

الباب الى يجيلك منة الريح سدة واستريح (القدرة)

اكفى القدرة على فمها تطلع البنت لامها واقول الوحوش

اجرى يا بن ادم جرى الوحوش للرزقك لم تحوش
واقول الصديق

ممكن الصديق وقت الضيق
واقوووووول
الضيف

اكرام الضيف واجب

واقول الصوم

يصوم يصوم ويفطر على بصلة واقول البصلة

يا داخل بين البصلة وقشرتها من ينوبك الا ...........
واقول اللئيم

يا ما تحت السواهى دواهى
واقول المال

اللى معاه قرش محيره يجيب حمام ويطيرة

واقول الفول

الفول بيربى العجول



واقول الزمار

يموت الزمار وصوابعة بتلعب واقول (الرياح)

تاتى الرياح محملة بالاتربة


اقول القرعة

البنت القرعه بتتحلها بشعر بنت اختها

انا هقول القط

ان غاب القط العب يا فار واقول ...........المحب

بصلة المحب خروف
واقول



المنحوس

المنحوس منحوس حتى لو علقوا فى رقبتوا فنوس
واقول


باب