معلش ادوشكم معايا النصايح من كترها تعبتنى و مش عارفه اعمل ايه بصراحه

هاى انا اسمي المستعار نقاء و ياريت تنادونى بيه
بس كان عندى مشكله من وجهه نظر الغير عبيطه بس انا مش عارفه احلها
بادئ ذى بدء زى مابيقولوا
انا كاى بنت بحمل هم الكليه جامد
ماليش فيها اصحاب
و انا صعبه التواصل جدا و مش بعرف اعمل اصحاب و مش عارفه اعمل ايه
ده غير الشغل التقيل
غير المخاوف اللى عاملين يخوفوهلنا من 3
و انا فتالته حاليا
ده غير ان انا للاسف شايله من 2 مادتين
انا خايفه جدا من الدراسه
و مكتئبه ده غير المشاكل اللى عندى
انا مش عارفه حتى امارس اى هوايه من هواياتى
صعب الموضوع بقي
و انا منزعجه جدا
مش عارفه اكون اصحاب ابدا
خايفه من 3
ده غير المادتين اللى شايلاهم
و المشاكل الى عندى
هى مشكلخ هابله بس انا حبيت اخد رايكم
باي مستنيه اى رد و انا انشالله هخش كل يوم

ازيك يا نقاء بصى يا حبيبتى متسمعيش الكلام ده اللى يقولك تالتة صعبة اوى هى مش صعبة اوى هى النظلرى فيها سهل جدا بس هى المشكلة شوية فى العملى ومتقلقيش كله بيعدى بالعكس التقديرات فى تالتة سهلة جداااااااا ولازم تدخلى وانت متفالة عشان تعرفى تحققى كل اللى انت عايزاعه واهم حاجة متسمعيش كلام اللى يفضلوا يقولو الكلية صعبة والكلام ده دة تهبيط مش اكتر وربنا يوفقك

ازيك يا نقاء عامله ايه
انا من رأي لؤلؤة متسمعيش لحد لان كل واحد بيتكلم عن نفسه وليس عن الكليه عامة وصدقيني الكليه جميله جدا جدا والسنه وكل المواد حلوه هو العملي كتير ومحتاج انك تعملى المطلوب منك في ميعاده عشان ميتراكمش عليكي.
بالنسبه انك معندكيش اصحاب فانت ممكن على الاقل تتصاحبي على البنات اللي في شعبتك والترم ده بالذات هتتجمعوا كتير للشغل العملي فحاولي تتقربي منهم
وربنا يوفقك ان شاء الله

ازيك يانقاء انا معاكى فى سنه تالته وبصراحه كل الكلام اللى سمعته عن سنه تالته انها سهله بس شغلها كتير شويه بس لو انتى عملتى الشغل بحب مش هاتكونى مهمومه خالص
ولو بقى على حكايه المادتين اللى انتى شايلهم انتى بس تذاكريهم اخر الترم وتمتحنى فيهم بس تبقى تقابلى الدكاتره بتاع المواد اللى انتى شايلها ولو محتاجين منك شغل تعمليه وخلاص او تجيبى بتاع السنه اللى فاتت اللى عملتيه وان شاء الله خير يعنى متقلقيش
وربنا يعينا كلنا السنه دى وياريت اتعرف عليكى هو انتى مجموعه ايه ؟ وكنتى شعبه كام السنه اللى فاتت ؟
عشان نبقى اصحاب ومتلقيش نفسك خالص وخليكى متفائله
اسفه ع الاطاله

و لا يهمك يا قمر خالص شكرا قوى لنصيحتك انتى و الناس التانيه بجد انا شعبه 15 و السنه اللى فاتت كنت شعه 15 رقم 5 سلاموز

نقاء حبيبتى اكيد احنا نعرف بعض انا كمان كنت فى نفس الشعبه شعبه 15 رقم 15
بصى اقولك على حاجه هاتعرفينى على طووول انا اطول واحده فى شعبتك