موضوع هام جدا جدا جدا

السلام عليكم ورحمه الله وبركاته
من غير مقدمات ياجماعه ( البنات اللى هايقعدوا فى المدينه الجامعيه ) هو ده محور كلامى
ازاى هايروحوا الكليه والمدينه اصلا مش هتسكن دلوقتى خالص ومكتوب ورقه هناك فيها اسماء الكليات اللى هاتسكن كلها ومحددين الوقت كمان اللى هايسكنوا فيه ومكتوب جنبها ( الا كليه رياض الاطفال ) طيب واحنا نروح الكليه ازاى
ونيجى من بلدنا كل يوم ونروح وكل ده عشان بيقولوا ان فى ترميمات هناك فى مبنى رياض الاطفال طيب والترميمات دى متعملتش ليه اثناء الاجازه ماهى كانت طويله والدراسه اتجلت كمان واللى كمان بيقول اننا هنسكن فى 17 /10 او متاخر كمان عن كده واعايزنا يعنى طول الفتره دى نروح ونيجى ولا ايه يعنى ده حتى كليتنا عملى ولازم الحضور


مش كفايه علينا الجدول مش عارفين اصلا احنا هنتنفس ازاى السنه دى بجد والله حرام اوى

فعلا يانانو انت متاكده من الكلام ده
يعني مفيش سكن لينا دلوقتي
امال بيقولو الي جايبه تقدير جيد جدا في الكليات العمليه هتسكن 7/10 ليه
ولا الكلام ده للكليات التانيه
وده للاربع فرق كله مش هيسكن
وبعدين السنه الي قبل الي فاتت انا فاكره ان الموضوع ده حصل
وكنت انا في الفرقه الاولي وصحابي اقعدوا فتره لما جالهم سكن
هو كل شويه ترميمات ولا المبني الي رمموه كليه تانيه خدته وبيرمموا واحد تاني علي حساب كليتنا
ومفيش اي حد بيهتم بالشكاوي الي بتخص الدن الجامعيه خالص
نتكلم في الفاضي ولا حد بيسأل عننا وفي الاخر هنسكن متاخر برده

والله ياجنه انا مش مش بقيت فاهمه حاجه وكمان بيقولوا ان البنات المنتقبه منعينهم من دخول المدينه هو انا مش منتقبه بس بجد ده حرام دى حريه شخصيه هما ليه يعملوا كده مايسيبوا كل واحد فى حاله
ومش عارفين احنا ايه حكايه الترميمات دى اللى هتوقف حالنا ان شاء الله
شكرا على ردك ياجنه

محدش يعرف يجماعه الدينه اخدت رياض اطفال الفرقه الاولي من مجموع كام

انا الحقيقه معرفش ليه بيعملوا كده

واللهى الواحد مش عارف يعمل ايه
حتى التدريب العملى هنعمل فيه ايه

وانا لما رحت وسألت قالوا

جيد جدا يوم 13 وجيد بعدها

ده لو خلصوا اصلا وممكن يمدوها لو ما خلصوش

اما على البنات المنقبات ربنا يعنهم

ومش هنقول غير حسبنا الله ونعم الوكيل

فى كل واحد مش بيتقى ربنا فى المسؤليه اللى عليه

ياريت لو فى جديد تبلغونا يا بنات

المدينة أخذت من مجموع 344 هذا ما سمعته من البنات..

شكرا يااشراق
والمجموع ده لبنات ادبي
واولي هتسكن فين
وامته

لو سمحتم ياجماعه لو حد راح الكليه وسأل ع المدينه يقولنا اخر الاخبار هناك ايه لان الواحد تايه ومش عارف يعمل ايه ولا افضل قاعده فى بيتنا ومش اروح الكليه خالص الواحد بجد زهق
وممكن طلب تانى لو حد بيحضر فى الكليه يعرفنا النظام ايه وفى حضور وغياب ولا اول اسبوع ده عادى
انا اسفه ع الاطاله بس لو سمحتم ممكن سرعه الرد
وشكرا لاستماعكم

انا مروحتش الكليه يانانو
بس البنات بيقولو ان المحضرات الاسبوع ده كانت تمهيديه
والمعيدات قالت شغل العملي هيبدا من الاسبوع الجاي
ومفيش مدرسه بكره عشان الاسامي منزلتش
والمدينه بيقولو ان ممكن يكون في تسكين علي الورق بس مش هتعدي في المدينه
وده حسب التقديرات بس ده كلام مش عارفه فعلا ولا لأ
وممكن مفيش تسكين دلوقتي خالص الا بعد اسبوعين الله اعلم
ولسه معرفش الكليه هتعمل ايه