ممكن من فضلكم نغير اسم كلية رياض الاطفال ؟؟؟؟

سلام عليكم....كلامك حلو اوى يا دودو وفعلا عندك حق انا بعانى من المشكلة دى لحد دلوقتى وانا

متخرجة منها من تلات سنين لما بقول لحد انى اتخرجت من رياض اطفال يندهشوا و (يتنحوا)على طول

اروح مفسرة انها تندرج تحت كليات التربية تبتدى الناس تستوعب وتفهم وطبعا بيفتكروا انى فى الكلية

كنت بتزحلق على الزحاليق وبتمرجح بالمرجيحة واقعد افهمهم برضه اد ايه الكلية صعبة وايه اللى كنا بندرسه.....

شوفى يا دودو
بجد أنا كمان كنت بعانى من المشكلة دى كمان
بس دلوقتى خلاص الناس عندهم وعى أكتر من الأول ونظرتهم إتغيرت كتير للكليه
وإنتى مش هتعرفى الفرق غير لما تتخرجى منها
أنا واحده من الناس كنت باخد تريقة كتير ويقولوا هتطلعى دادة أطفال
بس إنتى تعرفى أنا عشان حبيت الكلية كتير ودخلتها برغبتى
دلوقتى بقيت معيده فيها عقبالك إنتى كمان

انا كمان دخلت الكليه دى رغبه اولى وبردوا نفسي اوى ان اسم الكليه يتغير وحتى لما نتخرج مانبقاش معلمات رياض اطفال وبس يبقى اسمنا متخصصات في الطفوله انا خدت شويه تريقه بس اقنعت الي حوليا بعد عناء 3سنين ان كليتى مهمه ولها دور هام لايقل عن اي وظيفه من مهندس اودكتور او معلم للكبار
بس الناس الي ماتعرفناش مجردمابنقول كدهبيضحكوا او يتريقوا وفي ناس اصلا بتقولى يعنى ايه اصلا فاكرين ان الناس الدبلومات هما الي بيعلموا الاطفال في الحضنات

سلام عليكم...أنا أضم صوتى بشدة لدودو وجهة نظرك صح مليون فى المية...انا برضه كان أدامى اختيارات تانية غير رياض اطفال لكن فضلتها عنهم والحمد لله كنت الخامسة على دفعتى برضه وكان المفروض اكون معيدة...لكن مش هى دى الفكرة ،،واعتقد ياولاء ان لسة الوعى عند الناس متغيرش اوى فى كتير اوى للأسف تفكيرهم عقيم ولسة بيبصوا للكلية من نفس وجهة النظر اللى بتدل على جهل كبير

شوفى يا روءه مهما كانت نظرة الناس للكلية بتاعتنا
بس مش ده المهم لكن الأهم نظرتنا إحنا ليها عامله إزاى
ومقتنعين بيها أد إيه وبتفيدنا فى حياتنا وبنفيد اللى حوالينا منها إزاى
كل ده برده لازم نفكر فيه
وبيقولوا إنه هيكون فى تخصص إنجليزى قسم خاص بالكلية ، قسم لذوى الإحتياجات الخاصة كمان
يمكن الأقسام دى لما تتعمل فى المستقبل تغير النظرة كتير خالص
يعنى تخيلى كده يا دودو لو قلتى أنا فى رياض أطفال إنجليش زى تجاره إنجليش مثلا يعنى
يمكن لما يعملوا كده النظرة تتغير شويه

وهل هنالك من يربى الطفل بالانجلش احنا علشان يعنى نعلى من شأن كليتنا نتمسح فى لغة غيرنا ولما بتقولى يا ولاء أن أقول للناس " رياض أطفال انجلش " يعنى أنا بأخذ قمتى عن طريق لغة غيرى على الرغم أنى مصرية وإلى بكلمه مصرى وعلى الرغم إن ربنا مدينا لغة خاصة بينا وذات شأن عالى فهى لغة القرأن لأة نتمنظر على بعضينا ونقول " أنا التخصص الفلانى انجلش ".
بس أكيد أن الكلية عاملة قسم لغة أنجليزية لتسهيل عملية التراجم وليس من الضرورى أن نقوم بالترجمة من الأجانب إلى المصريين بل نترجم من اللغة العربية إلى اللغة الأجنبية لأننا ذات أصول عريقة فى مجال التربية للاستفادة من غيرنا أو افادة غيرنا .
وعندما أريد أن أقوم برفع منزلة شئ هام جدا جدا جدا وجار الزمن عليه نتيجة الاستعمار الفكرى فلا أقوم برفع قيمته وشأنه عن طريق اظهار أننا نقوم بالدراسة بلغة غيرنا فهذا يعبر تعبيرا واضحا عن نقطة ضعف عندنا وهى " عقدة الخواجة " .

السلام عليكم ورحمة الله وبركاته
كنت أحب أعرف إنت فى سنة كام يا دودو
الغرض من الأقسام الجديدة فتح مجالات جديدة متميزة فى سوق العمل يعنى إيه ؟؟؟
لو إنت بتشتغلى فى مدرسة عربى مرتبك من220 إلى 400 جنيه مثلاً أما لو تخصصك رياض أطفال إنجليزى تشتغلى فى مدارس لغات المرتب يبدأ من 600 إلى 1000 جنيه ولو تخصصتى فى مجال من مجالات ذوى الاحتياجات المرتب 1000 فيما فوق أو تشتغلى شغل خاص الساعة من 25 إلى 75 جنيه .
وبخلاف الجانب المادى إحساسك بتعلم مجال جديد فهناك شخصيات تحب أن تكون متميزة فى مجالها وهذا نوع من أنواع التميز فى المجال .
وقد يساعدك فتح التخصصات الجديدة فى إجادة اللغة مثلاً ( اللغة الآن إحتياج هام جداً جداً لفهم كل ما يدورمن حولنا وبسهولة ) وأعتقد بعد هذا الكلام فالعملية تختلف مش الاسم ولكن المهم ما سوف نتوصل له إن شاءعماً قريباً وربنا يوفقنا جميعاً لما فيه الخير لنا ولغيرنا ولكليتنا .
أشكرك يا دودو السلام عليكم ورحمة الله وبركاته هند إمبابى

انا مع حضرتك يا دكتورة هند بس ياترى الاقسام دى هتتفتح لما نتخرج ومنكنش استفدنا منها

انا فى الفرقة التالتة ياترى ممكن نستفيد من التخصصات دى فى اخر سنة

انا بصراحة عن نفسي بتتمنى اخد كل حاجة خاصة بالكلية لانى بحبها جدااااااااااا

وبحبك يا دكتورة جدااااااااااااااااا وانا بجد بعتبرك قدوة ليا ونفسي اكون زى حضرتك

وياريت تعجلوا فى موضوع الاقسام دى عشان نلحق نستفيد منها


ولكلام دودو الكلية مش اسم بس ملكيش دعوة بكلام الناس

انا الى بيقولى ايه يعنى رياض اطفال دى

مدرسة حضانة يعنى بجد مباخدش بكلام حد خااااااالص

كفاية اقتناعى انا بالكلية وخاصة اما تحققى حاجة فيها وتلاقى نفسك من العشرة الاوائل

دى فرحة ملهاش حل وكمان لما تشتغلى فى الكلية

بصراحة دى امنيتى ادعولى احققها ياااااااااااااااااااااااااااارب

السلام عليكم ورحمة الله وبركاته
وأنا كمان فعلاً يا هنوده بأحبكم جداً جداً وحبى لكم وحبى الشديد للكلية هو اللى بيخلى الواحد دائماً واثق من أهمية هذه الكلية وأهميته هو شخصياً بسببكم إنتم وتشجيعكم وحبكم لينا ، لذا نتمنى من الله أن تفتح هذه الأقسام على مستوى البكالوريوس وكما الدراسات العليا وبالتالى تفيدكم إن شاء الله ، وصدقينى رداً على حرام (الموضوع الآخر) هنوده لكل مجتهد نصيب ولايضيع الله أجر من أحسن عملا وأكيد تعبكم فى السفر ربنا هيكفئكم عليه أكيد إن الله عادل ولا يضيع تعب أحد أبداً .
السلام عليكم ورحمة الله وبركاته هند إمبابى

انا بجد بكلام حضرتك يا دكتورة هند بتفائل جدا اما بشوفك او بقرأ كلامك بتدينى امل كبييييييير جداااا فى الكلية

وفعلا لكل مجتهد النصيب بس والله يا دكتورة غصب عننا

اننا نشيل شغل عملى رايح جاى ويتبهدل هيا دى المشكلة