هل تغيرت نظرة المجتمع الي معلمة الروضة

لم تتغير نظرةالمجتمع الي معلمة الروضة فمعظم الناس ينظرون اليها علي انها مهنةقليلة وليس لها اهميةولايعرفون انها مهنة حساسة للغايةوهي المسئولة عن تربية الطفل تربية سليمة

السلام عليكم ورحمة الله وبركاته
نورهان إن شاء الله هذه النظرة كل شوية بتتغير والسبب احتكاكنا بالمجتمع وشعورهم بأهمية دراستنا فى مجالات متعددة ومختلفة وهذا سوف تستشعريه لو دخلتى فى مجالات شغل حيث أننى رأيت هذا مع بعض زميلاتك التى تميزت مثلاً فى التخاطب ومجال otومجالات التوحد وصعوبات التعلم حتى الوسائل التعليمية أصبحت هناك شركات تطلب رياض أطفال مثل edu funوالعديد والعديد لذا لا تيأسى ولا تحبطى نحن نسعى لتغيير هذه الصورة والله معنا ولكل مجتهد نصيب أشكرك يا نورهان وأتمنى لك التوفيق د/هند إمبابى

مرسى بجد لحضرتك يا اجمل دكتورة
انا بجد بموووووت فى اراء حضرتك لان حضرتك يتدينى امل وانا استفد من حضرتك كتيييييييييييييييييير جدا ربنا يخليكى لينا يا احلى واطيب دكتورة

بصى يا نورهان انت اللى تقدرى تثبتى وجودك بنفسك وتعرفى اى حد يعنى ايه معلمة رياض اطفال من غير متنطقى ولا كلمة اصل الانسان بفعلة مش بكلامه اهم حاجة تكونى واثقة من نفسك ومتتاثريش بكلام اللى ميعرفوش يعنى ايه معلمة رياض اطفال لان اولى هما اللى يتاثروا بيكى مش انت اللى تتاثرى بيهم

السلام عليكم ورحمة الله وبركاته
طالبتى العزيزة او المعنى الصحيح ابنتى الغالية
لاتوجد مهنة ينظر لها المجتمع على انها هى القمة ومهنة اخرى فى الحد الادنى على العكس الانسان بعلمه وقبل علمه خلقه والتزامه وجديته يثبت كفاءته واتقانه ومهارته واكثر من ذلك يجد انه مرغوب والكل بيطلب ان يعمل معه واذا ارسلتى استفتاء الى كل دول الالم وخيرتيهم ان يكون هناك ترتيب لاهمية التخصص والوظيفة فانا واثقة بفضل الله ان تكون المعلمة المتخصصة فى مجال الطفل فى المقام الاول
د/منال بهنس

جزاكى الله خيرا د/هند ود/ منال
نحن نربى اجيال و يجب علينا ان نفتخر بهذا

ميرسي جدا لارائكم وشكرا حزيلا د/منال ود/هند وفعلا انا استا فدت جد ا من الكلية

فى الاول احب اشكر د هند و د منال على كلامهم

و احب اقولكم يا بنات

ان احنا دلوقتى مطلوبين للشغل ونظره المجتمع لينا بالشكل ده اتغيرت فعلا

احنا بقينا نتطلب بالتخصص تربيه رياض الاطفال .. مبقوش ياخدوا اى حد للشغل دلوقتى

انا طالبة فى الفرقة الاولى وبحب الكلية جدا لكن فعلا فى ناس كتير ينظروا الينا على اننا مدرسة فى حضانة لاقيمة لها ولكن انا بحاول اقنعهم على اننا معلمات رياض اطفال ولنا دور هام جدا فى تنشئة الطفل تنشئة سليمة وشكرا لارائكم المفيدة

طبعا نظرة اى كلام بس بكره يعرفوا قيمتنا

لا انا مااعتقدش ان النظره اتغيرت بيقولو عليها كليه مالهاش لازمه وكمان بيتريقوا على المدرسات ويقولوا ان احنا زى الدادات وظيفتنا ان احنا نغير الحفاضات وناكل الاطفال وكده يعنى وانا عن نفسي لما اصحابي عرفوا اننا دخلتها قالولى ليه كده دى كليه مالهاش لازمه

اتغيرت طبعا وطبعادي مقصدتش انه الراي الاصوب بس انا كل اللي عيشين جانبي مدركين اهميتي اوي وحتي بيستلفومني الكتب اللي كنت باخدها في الجامعه علي فكرة انتي بمقدرتك تعلي كليتك ونفسك بافكارك ومعلوماتك وثقافتك بايدك تغيري وجهة نظرالجميع