من انتى ................................؟؟؟؟؟؟؟؟؟؟؟؟؟؟؟؟؟

انتى مني

ساكنه نني

عايشه فرحي

وحاسة جرحي

وعارفه اني

اني زي طير مهاجر وانتى داره

طير وهاجر ف البلاد

لف كل الكون وداره

وانتى ضيه في عز ليله

وانتى شمس تقيد نهاره

ما انتى قصده واختياره

واختياره تكوني وطنه

وطنه انتى

ايوه انتى

م انتى ف الاحلام سكنتي

وانتى بحنانك رسمتي

جوه قلبي وردتين

وانتى بجمالك كتبتي

في القصايد كلمتين

كلمتين والمعني منك

كلمتين دلوني انك

انك انتى حلم عمري

وعايشه عمري

وعدا سني

اصل حزني مداري سني

ونفسه سني يبان ف بسمه

ونفسي تبقي ليا قسمه

واحلى قسمه

وتبقي جوه عيوني رسمه

واحلى رسمه

لقلب صافي وحضن دافي

ومعنى باقي جوه فني

م انتى مني

وساكنه نني

وعارفه فرحي

وحاسه جرحي

وعارفه اني

إني دايب

ونفسي إني

إن أعيش العمر جنبك

وأبقى طول العمر

احبك