زوج: ايه ؟؟ مش هاتشربينى فنجان قهوه النهارده ولا ايه؟؟ زوجه: حاضر يا راجل مانا هاقوم اعمله اهه زوج: هاتعمليه ايه بس انتى بقالك ساعتين واقفه فى المطبخ ولسه ماعملتيش القهوه؟؟ زوجه:اديك بنفسك شايف انى بقالى ساعتين يعنى ربنا يعينى بقى فى وقفتى دى زوج: اه موال كل يوم بقى انتى هاتبدأى ولا ايه؟؟ زوجه: ابدا ايه يا راجل يعنى اما اتعب افضفض مع مين يعنى؟؟ زوج: وهو انتى ما بتتعبيش غير لما اطلب منك حاجه؟؟ زوجه: لا حول ولا قوه الا بالله هو ده ال ربنا قدرك عليه تقوله؟؟ مفيش كلمه حلوه الواحده تسمعها فى البيت ده؟ زوج: لاء بقى انتى شكلك عايزه تقلبيها نكد وانا مش ناقص كفايه عليا قرف الشغل وال باشوفه فيه..مش هايبقى النكده بره وجوه كمان زوجه: انا؟؟ انا نكد؟؟ كل ده عشان ايه؟؟ عشان باقولك ضهرى اتقطم من وقفه المطبخ؟؟ زوج: لاء وانتى الصادقه عشان انا ال استاهل عشان مانزلتش شربت فنجان القهوه تحت مع اصحابى انا استاهل والله زوجه: على الاقل انت بتخرج تفرفش روحك وتغير مناظر اما انا من المطبخ للشغل البيت للغسيل والعيال لما خلاص تعبت انا حاسه انى مخلعه من بعضى والله وعضمى كله بينشر عليا زوج : آه هاتقعدى تقوليلى ضهرى وتبدأى موال الشكوى تانى؟؟ زوجه: طيب قولى سلامتك حتى ؟؟ زوج: وانا؟؟؟ انا تعبى طول النهار وحرقة دمى فى الشغل وده يتنطط عليا وده يقرفنى مالهاش عندك اى تقدير؟؟ عمرك قولتيلى سلامتك ولا كلام من ده؟؟ زوجه : ياااااااه دانت صحيح قلبك اسود دانا طول النهار باقولك تسلم يا ابو العيال وربنا يخليك لينا ..ايه مش فاكر لى حاجه خالص؟؟ زوج: ولا فاكر انى سمعتك بتقوليها ابداً...........باقولك ايه؟؟ هاتعملى القهوه ولا انزل؟؟ زوجه: حاضر زوج: حاضر..؟؟؟ ومالك بتقوليها بمسكنه وذل كده؟؟ زوجه: باقولك حاضر حاضر مش عاجبك كده ولا كده؟؟ زوج:لاء دى بقت عيشه صعبه الواحد مش عارف ياخد حقه فى البيت ده ... زوجه: طب وهو حد واخد حقه فى البيت ده غيرك؟؟؟؟ زوج:طب والله مانا قاعدلك ...ومش عايز منك حاجه..... زوجه: ايوه اتلكك عشان تنزل وتسيبنى طررااااااااااااااااااخ
صوت لرزع باب الشقه ينهى معه المناقشه..... .والى لقاء جديد مع مناقشه اخرى
نانا
الموقع : من امام الجهاز تاريخ التسجيل : 24/02/2009
موضوع: رد: حوار بين زوجين الثلاثاء 17 مارس 2009, 5:22 am
ههههههههههههههههه ايه ده يا بنوته بلاش المناقشات دى دلوقتى علشان منتعقدش احنا عاوزين نتجوز يا ماما حرام عليكى امال اللى بناخده ده هنطلعه على مين ...............ههههههههههههههههههههههههههه
ياسمين شاكر
تاريخ التسجيل : 25/02/2009
موضوع: رد: حوار بين زوجين الجمعة 20 مارس 2009, 10:18 pm
فعلا والله ده اللي بيحصل في معظم البيوت كده والله عندك حق
امل
تاريخ التسجيل : 20/03/2009
موضوع: رد: حوار بين زوجين السبت 21 مارس 2009, 2:29 am
O
eman we safy
تاريخ التسجيل : 17/03/2009
موضوع: رد: حوار بين زوجين الأحد 22 مارس 2009, 10:24 pm
ههههههههههههههه والله دمهم خفيف لازم يبقى فيه كتير من المعامله الى زى دى بين الازواج على الاقل يمنع الملل فى العلاقات مينفعش يبقا كله ياحبيبى وياحبيبتى ///// توتر وخفض توتر
قمر الزمان
تاريخ التسجيل : 22/02/2009
موضوع: رد: حوار بين زوجين السبت 28 مارس 2009, 10:52 pm
هههههههههههههههههههههههههههههههههه
بجد جامدة موووووووووووووووووت
EMY
تاريخ التسجيل : 12/04/2009
موضوع: رد: حوار بين زوجين السبت 16 مايو 2009, 4:47 am
هههههههههههههههههه.....افضل وسيلة لانهاء النقاش بين زوجين. يايرى لما يرجع هتكون نسيت ولا هيكملوا..........ربنا معاهم
منى ناصر محمد كمال
تاريخ التسجيل : 22/02/2009
موضوع: رد: حوار بين زوجين السبت 16 مايو 2009, 6:49 am
موضوع: حوار بين زوجين 
O
