تفتكروا جوزيه هايعمل ايه

البرتغالى مانويل جوزيه رجع يدرب الاهلى تانى انا شخصيا مش عارف ليه مش متفائل لكذا سبب
أولا: جوزيه لما كان بيدرب الاهلى الفترة اللى فاتت كان كل النجوم اللى معاه فى قمة مستواهم- بس دلوقتى للاسف كلهم مش فى مستواهم
ثانيا: جوزيه درب انجولا واتحاد جدة السعودى واقالوه ومعملش حاجة ولا اضاف بصمه
علشان كده مش متفائل برجوعه
ده راى
انتوا رائكم ايييييه

بصرااااااااااحة انا انبسط كتييييييييييييير لانه رجع بيكفى انه لما كان معهم كانوا فى قمة مستواهم وهما بيفهموا عليه كتييييير يعنى مش لسه هيتعودوا عليه
وواضح ان اللاعيبين كمان مبسطوين برجوعه هو عاطيهم امل فى بكرة وانشالله خيييييييير
انا بحب الاهلى كتيييييييييييييييييييييييييييييييييييييييييييييييييييييييير الله معهم

السلام عليكم انا شخصيا مع رنبن الصمت على الرغم انى مليش فى الكورة بس ان شاء الله النجوم ترجع الى مستواهم

بصراحه انامعاكم يا بنات وبايد رايكم كلكم كفايه الفترة الي قعدها جوزيه سابت بصمة محدش يقدر ينساها في تاريخ النادي الاهلي وصحيح الاعبين كانوا في مستواهم بس هما بيحبوا المدرب ده فاعتقد انهم كلهم هيسعوا عشان يرجعواالانجازات من تاني زائد ان جماهير الاهلي بتحب جوزيه يعني هيستنوا عليه حتي لو خسر مباراه او حاجه لانهم مش هينسوا الي عملوا جوزيه مع النادي الاهلي .

اما بالنسبه انه محققشي انجازات مع اي نادي تاني فانا اعتقد اننا مالناش اي دخل بالنوادي التانيه احنا الي يهمنا النادي بتاعنا وان مانويل جوزيه من اهم الاسماء الي دربت النادي الاهلي وسابت بصمتها والزمن يشهد بكده وبعدين هو معاه تشكيله لاعيبه كويسه جدا تقريبا احسن لاعيبه في مصر وكمان معاك عنصر الشباب يعني هيدمج الاتنين مع بعض واحنا المستفيدين .

وفي النهايه فعلا الايام بيننا نشوف جوزيه هيعمل ايه معاهم

انا ملاحظ انكم كلكم مش معايا فى راى
عموما انا اهلاوى جدا واتمنى ان كلامكم يكون صح وانا غلط ولو ان اشك كتير فى كده
بس خلاص خلينا نشوف الايام هاتقول ايه