الثورة وقوائم التغيير في الكلية

شباب مصر ...شباب الكلية....حملة شعلة التغيير
السلام عليكم ورحمة الله وبركاته وبعد

من منا لم يتأثر ...من منا لم يتغير... من منا لم يثور....من منا لم يغضب ومن منا لم يفرح...ومن منا الان لا يسعى للتغيير
وما أكثر الأشياء التي تحتاج الى التغيير في حياتنا لذلك اقترح من جميع طالبات الكلية من الفرقة الاولى وحتى مرحلة الدكتوراه بل ومن العاملين بالكلية دعوة للمشاركة في عمل قوائم للتغيير...نذكر فيها ونحدد بدقة خطة للتغيير وما هي الأشياء التي تحتاج للتغيير ....التغيير في كل شيئ في الاشخاص والخدمات والتعليم والسلوكيات ارجوكم شاركونا في وضع قوائم تمثل بالنسبة لنا خطة للتغيير ....لايوجد حدود او ضوابط نريد ان نعيد صياغة وصناعة أنسان جديد بمتطلبات جديدة تحظى بالاتفاق وتحقق تطلعاتنا لمستقبل التعليم في مصر وخاصة أننا مسؤلين من خلال تخصصنا في قطاع الطفولة ...نعم نحن صناع المستقبل ولابد ان يكون لنا خطة لصناعة المستقبل وهو الطفل المصري االحر القائد والرائد والمتمرد والثوري والعالم والفقيه والزارع والصانع والمفكر والمقاتل.
أدعوكم فمن منكم سيشاركنا في قوائم التغيير فقط تذكروا أن من مات شهيدا كانت روحه ثمناً غاليا لهذا التغيير الذي نرجوه

تحياتي وتقدير

فكرة جميلة جداااااااااااااااااااااااااااااااااااااا يادكتور وده شئ متوقع من دكتور متميز مثل حضرتك وان شاء اللة كلنا معاك

عندك حق فعلا يا دكتور فى كل ما قلت و انا اشكرك جدا على التفكير فى تغير كليتنا على اثر الثورة
انا كنت فعلا نفسى حد من الدكاترة يفكر فى ده و اكيد لازم حضرتك تكون اول من يفكر فى ده لانك فعلا انسان يحترم
وياريت لو تسمحلى ان ابدأ معك فى كتابة مااريد فعلا تغيرة فى الكلية و هو فى خمس نقاط فقط:

1_معظم الدكاترة الدين لا يحترموا الطلاب و يعاملوهم كعبيد لديهم و يتكلموا معهم بطريقة غير ادميه دون ما يراعوا تعب هؤلاء الطلاب فى الكم العملي الدى يؤدونة و ايضا لا يروا انهم بشر و ليس الات لا تتعب ؛ فيامرو و يجب ان يطاعوا ؛ و يجب ما يقدم دائما ان يكون مبتكر و نقوم بعملة فى و قت لا يسمح باى ابتكار و فى بعض الاحيان يقطعوا الشغل الى ربنا يعلم اولياء هؤلاء الطلاب احضروا فلوس خاماته منين و بدل ما يحاولوا الدكاترة بتحسينة بتوجية الارشادات الى الطلاب .

2_الامتحانات العملى: او ما تدعى بدلك لانها فى اغلب الاحيان تكون نظرى فانا ارى بما انها نظرى فتوضع درجاتها على الشغل العملى الدى نقوم به طوال العام و تلغى لان لا داعى لها؛ و يوجد نوع اخر من هدة الامتحانات و هى بالفعل بتكون عملى ولكن ايضا بتكون بلا فائدة لمادا؟! لانها لايوجد بها( تغدية راجعة ) لان المفروض ان هدة الامتحانات تقيس مدى قدرتنا على الشغل العملى و لكن ما يحدث ان الطلاب يقومون بالشغل وياتى الدكتور للتقييم و لا يعطى فرصة لاحد ان يتكلم عن شغلة و يوضح فكرتة مع انها ابسط حقوق الطالب و لا حتى يقوم الدكتور بابداء راية سواء بالسلب او بالايجاب على الشغل ؛ فمن خطا فى شغلة سيظل هكدا بدون معرفة ان ما فعلة خطا ؛ و من ابدع فى شغلة و كان جيد سوف يحبط و لا يستطيع ان يقدم الاحسن لانة لا يرى تقدير يستحقة عنائه0

3_ المحاضرات : التى معظمها يكون عبارة عن قرائة لما فى الكتاب فكل طالب فى الكلية يعرف ان يقرا جيدا فنحن لا نريد من يقرا لنا بل نريد من يفهمنا و من يربط ما ندرس بامثلة من الحياة الواقعية ؛ و ايضا يوجد طريقة اخرى متهيالى انها من الجودة التعليمية ولكنى ارى ان القلة من يفهم من هدة الطريقة و هى طريقة ان تقوم الدكتورة بطلب من طالبة ما ان تحضر لكى تشرح المحاضرة القادمة فهدة الطريقة لا يفهم احد من الطلاب ما تقوم بة الطالبة من شرح فلا احد يفهم غير التى تشرح و احيانا بتكون حافظة مش فاهمة فهدة الطريقة تكون نافعة عندما تكون كل الدفعة محضرة و هدا بالتاكيد لن يحدث لان ليس احد فى الدفعة لدية وقت نتيجة للكم الهائل من الطلبات التى ورائنا فالدلك نحتاج من يفهمنا عالطول لان ليس لدينا الوقت لنفهم انفسنا ؛ فحتى الطالبة التى تحضر يعتبر هدا عبء عليها.
4_الشيتات:بجد كفاية شيتات نفسى اعرف وجه الاستفادة من الشيتات غير انها دليل على شراء الكتاب فممكن ان الشيت يتحول الى اسئلة تحت بعضها فى ورقة فى المكتبة مختومة من المكتبة و تكون هده الاسئلة مهمة او ملخصة للكتاب و تقوم المعيدات بتجميعها و هى مش محلولة و هدا دليل اننا اشترينا الكتاب و على الطالبات ان تنقلها قبل تسليمها و صدقونى قبل الامتحانات كل طالبة سوف تسعى الى حل هدة الاسئلة و مداكرة اجاباتها جيدا ؛ فكل المعيدات تعرف ان الطالبات تقوم بحل هدة الاسئلة نقل من الكتاب او تنقلها من بعضها دون مداكرتها لان ليس لدينا وقت ؛ فلا داعى ان نكون مثل الالات الكاتبة .
5_المدرسة:نفسى ان تخصص محاضرة كل شهر على الاقل تقوم بها الطالبات بعرض مشاكلها فى المدرسة و معرفة كيفية حلها بطريقة علمية لان معظم الطالبات لا يجدوا دكاترة المدرسة و المعيدين بينقدوا دائما بدون سبب حتى لو سالناهم على السبب يقولوا يوجد احسن و لكن لا احد يعرف اين الاحسن ؛و نفسى ايضا ان ان يكتفى بكشكول تحضير واحد فقط فلا داعى ان تكتب المعلمة و المعاونة نفس الكلام و نفس البرنامج بس فى كشكولين منفصلين و اسكيتش واحد فقط و ممكن ان نستغنى عن الاسكيتش و نقوم بتصوير البرنامج بكاميرة الموبايل او الوسائل فقط حسب ما يسمح بة طبيعة كل فصل فى الروضة و نضع كل هدا على CD و ننقدمة؛و ايضا يوجد شى بيضيقنى فى المدرسة ان المعيدة تقوم بالاهتمام و تقييم الكشكول و الاسكيتش دون الاهتمام بطريقة تقديمنا و تحكمنا فى الفصل و مدى استيعاب الاطفال مننا مع انى ارى ان هدا اهم بكتيير من شكل و جمال الاسكيتش

وشكرا لحضرتك انك اتحتلى الفرصة لقول كل هدا و اتمنى من حضرتك التغير ؛ و ادا كان هناك شئ قلتة خاطئ ارجو التوضيح؛و ان كنت حضرتك تريد اسامى للدكاترة و المعيديين الدين اتكلم عنهم فمن الممكن ان اقولها مع مواقف حدثت معى و مع اخرون من الطلاب اعرفهم و لكنى ارى ان لا داعى لدلك و لكن المهم ان كل هدا يتغير و من يرى انة مخطئ فيغير نفسه بنفسه

السلام عليكم ورحمه الله وبركاته

بما ان فى حريه فلازم اقول كل اللى عندى كفايه كده

اولا طبعا بشكر لحضرتك لاتاحه هذه الفرصه لنا ولكن اتمنى ان تكون الفكره جديه فأنا طالبه فى الفرة الثالثه ونحن منذ دخولنا الكليه ونحن نطالب بالتغيير ولكن .........التغير يسير بطئا فبطئا

اولا : الدكاتره والمعيدين

قبل اعدادنا كمعلمات نموذجيات فيجب اعداد الدكاترة اولا لكيفيه التعامل معنا كطالبات فهناك مجموعه من الدكاتره لا يجدر بهم ان يدرسوا ويعدوا لمثل هذه المهنه ( فاقد الشئ لا يعطيه )
واعدادهم للتكاتف مع بعض فنحن نرى بأعيننا ونسمع بنفسنا ان ما يفعله فريق من الدكاتره داخل الكليه للاصلاح والتغيير يأتى بكل سهوله فريق اخر بهدم كل هذا

بصراحه فى معيدات فعلا قادره نها تكره اى بنت فى الكليه وممكن اقول اسماء لو حابين... اسلوبهم لا يليق ابدا بمهنتهم المعيده دى المفروض تبقى حاسه بالطلبه مش اول ما تبقى معيده خلاص بقى تنزل تهزيق وتزعيق وكمان شتايم فى البنات ليه ده كله بحسسونا انهم بيعطفوا علينا مش على اساس ان احنا جايين نتعلم مش نتبهدل وده كله ممكن يكون لرضاء الدكتورة بس مش اكتر يعنى عشان تبن بقى انها مسيطره وكده ولما نروح نشتكى للدكتوره من المعيده يا عيننا ما تشوف الا النور عمرها ما تطلع المعيده غلطانه ابدا وتبهدل الطالبه لانها فكرت تشتكى ما المعيده دى بنتها واحنا ................... ده غير ان اول محاضره دى بتبقى تدليل على الكتاب
وفى بقى دكتوره تانيه تخش فى اول محاضره تسالنا مين اللى شال الماده اللى كنت بديهالكم السنه اللى فاتت؟؟ نسالها ليه ؟؟؟
ترد: عشان اعرف مين اللى هيشيل الماده السنه دى .......طب ده نسميه تشجيع ولا ايه مش فاهمه...
ونفس الدكتوره تخش بعد محاضرة دكتورة تانيه تقول للقائدات خدوا غياب المحاضرة اللى فاتت هو هو فى المحاضرة دى وده معرفش راجع لايه يمكن للصداقه اللى بينها وبين الدكتوره اللى كانت قبلها ؟؟ بس مش قوى كده طب ما ممكن بنت تكون ما حضرتش المحاضرة الاولى وحضرت التانيه لا اله الا الله
ولا دكتور ربنا يمسيه بالخير دخلنا فى اول محاضره فى سنه اولى اولى يا ناس يعنى المفروض تحببونا فى الكليه يقولما خليكو جد معايا عشان انا اللى بيشيل الماده عندى بيشيلها الاربع سنين ده ايه العدل الصريح ده

بتهيالى كل ده مش لازم يبقى موجوووووووووووووووووود كفاااااااااااااااااااااااااااااااااااااااايه
ولازم الدكاترة تحضر بعض السكاشن وتشوف المعيدات بيعملو معانا ايه مش الدكتور يبقى بيتكلم فى وادى والمعيده فى وادى تانى ده غير ان فى معيدات كتيير بينفوا كلام الدكاترة مش بس بيخالفوهم وفى امثله كتيير على ذلك

ثانيا : العميد

نفسى يكون عميد الكليه بالانتخاب من الطلبه وده يبقى على مستوى جميع الكليات هل ليس من حقنا ان نختار من يقودنا اذا كنا نختار رئيس جمهوريتنا فمن السهل ان نختار عميد كليتنا وبصراحه فى المؤتمر اللى اتعمل بوجود عميد الكليه وهيئه التدريس والطالبات لسماع شكوانا اكتشفت ان التغيير لازم يجى من فوق فعميد الكليه بعيدا عنا كل البعد لا يستطيع ان يفهمنا ولم يتح لنا الفرصه الكافيه للنقاش والحوار
وساعتها كنت فى سنه تانيه وكانت دى اول مره نجتمع بالعميد هل هذا جيد عامين نلتقى بعميد الكليه مره واحده فقط خلالهما

ثالثا : المقررات والكتب

ليه نعمل كتاب 300 صفحه ونيجى فى الاخر نلغى 200 صفحه طيب ماهو من الاول ولا ده عشان الكتاب يبقى مالى العين كده وندفع واحنا ساكتين والله احنا مستعدين ندفع برضو بس الكتاب يبقى مريح نفسيا وحجمه معقول وميبقاش فيه غير اللى هندرسه

زى ما قالت الزميله على الشيت ايه لازمه الشيت اكل الدكاتره والمعيدين عارفين ان احنا بنحله من الكتاب احنا مش معترضين عليه كماده ولكن على طريفه تسليمه والعجله فى ذلك مما يفقد الشيت قيمته
ولو عشان تعرفوا احنا اشترينا الكتاب ولا لا نبقى نكتب اسمنا فى المكتبه اللى يشترى الكتاب يكتب اسمه وتسيبولنا الشيت نحله براحتنا ونذاكره احنا

رابعا : الامتحانات

العملى : ليه نفضل نعمل شغل طول السنه ونيجى يوم الامتحان نعمل حاجه مخصوص عشان الامتحان رغم ان الدكتور ممكن ميبقاش شاف اللى اتعمل طول السنه ده اصلا طيب ما نجيب حاجه من اللى احنا اشتغلناه طول السنه ده... وده بيخلى البعض يقول خلاص مش مهم شغل طول السنه ما هو كده كده الدكتور مش هيشوفه ... او بيشتغل باتقان بس طبعا بيبقى متغاظ لانه كان نفسه الدكتور يشوف شغل طول السنه اللى معمول بروقان مش شغل 3 ساعات واقلب
لا وايه ساعات كمان بيشوفهوش عشان بيبقى معاه دكتورين تانيين يعنى ممكن الدكتور ميشفش شغل مجموعه كبيره من البنات طول الترم والمفروض ان دكتور الماده هو بس اللى يشوف الشغل ويقيمه هو اللى فاهم ايه هى معايره عارف هو طلب ايه وبناء عليه هيقيم من خلاله اما الباقين ايه معيار تقيمهم مع احترامى لكل الدكترة طبعا

ولا الامتحان اللى اسمه عملى وهو نظرى ونتسال فيه واللى يخرج نساله ايه الاسئله وبيبقى امتحان ولا ليه اى لازمه

وامتحان تانى اسمه عملى برضو ولله فى لله ندخل الدكتوره تاخد الغياب وتشوف الشيت ونمشى وان الله يحب المحسنين

خامسا : الغياب والحضور

طبعا اغلبيه الدكاترة بياخدوا الغياب وده شئ قانونى ولا عليه غبار
لكن ميجيش دكتور يقول انا مابخدش الغياب يا بنات اللى عاوز يحضر يحضر واللى مش عاوز خلاص
ويجى فى محاضرة يقول طلعوا خدوا الغياب وبدون سابق انذار ده على اى اساس يعنى فى كتير مش موجودين مش حضرتك قولت مفيش غياب برضو ولا ايه طيب هتاخد الغياب يبقى تقول قبلها ان من المحاضرة اللى جايه فى غياب
ولا ايه ماهو يتاخد الغياب يا متاخدوش

سادسا ودى اهم حاجه : اللايحه


اللى كل ما نقول على حاجه عاوزين نغيرها تقوللنا اللايحه ياريت بقى اللايحه دى تتعدل

سابعا : المدرسه

شعار الكليه واغلب المعيدات هو : المدرسه كشكول واسكتش .... بس مش اكتر نفسى مره المعيده تدخل تشوفنى وانا بقدم النشاط نفسى مره تعلقلى على وسيله والله حراااااااااام تعبنا هو ده الاعداد اللى الكليه بتعدهولنا
المدرسه ليه فيها بيرتبط ال 5 درجات بتوعها بتنازلنا عن بعض الوسائل هل هذا حقا لهم
ياريت بجد تعدوا المعيدين لكيفيه تقيمنا فى المدرسه لان نزولنا فى المدرسه بالطريقة دى مش اسمه تدريب ابدا مفيش تدريب من غير تغذيه راجعه وتقييم شامل لكل الجوانب مش بس الكشكول

ثامنا : المنتدى

المنتدى المهجور اه مهجور مين بيدخل المنتدى من المعيدات اوحتى الدكاتره الا طبعا المعروفين زى دكتور محمد ودكتور خالد ودكتوره هند
يعنى بتهيالى البنات هما اكتر فئه بتتواجد فى المنتدى لكن التواصل مش من طرف واحد يا جماعه

اخرا وليس اخيرا الكليه كمكان غير مؤهله بالمره

البنجات عاليه ومش بنعرف نقعد مرتاحين
المراوح بايظه المفروض يبقى فى تكيفات مش مراوح
فى مدرجات مهجورة ومنسيه زى مدرج الروضه نفسى حد من الدكاتره يدخله ويشوف هيتحمل يقعد فيه اكتر من دقيقتين وده لانه مش بيتنضف والبنجات عليه شبرين تراب
الدادات ليه بتمسح بس قدام غرفه الجوده ومدرج سوزان والدور بتاع العميد اما بقيت الكليه فمش مهم خالص

شكرااااااااااااااااااا لحضرتك كتييير لاتاحه الفرصه اننا نتكلم بحريه في ما يخص الكليه
طبعا متفقه تماما مع ما قالوه اصدقائي قبلي
من ناحيه الكليه نفسها لازم يتم نظافتها علشان تكون واجهه مشرفه للجميع
بالنسبه للمعيدات والدكاتره صحيح فيهم ناس كويسه جدااااااااااااااااااا بس اكيد فيهم اللي مش كويس وفي معيدات اللي ممكن متجيش غير مرتين في الترم كله وتيجي تطلب مننا اللي البنات عملته طول الترم في سكشنين بس طيب احنا زنبنا ايه اننا بنحضر وهي مش بتحضر وفعلا في دكاتره تدخل تخلي البنات بتشرح طول المحاضره والبنت ممكن تكون بتشرح كويس وممكن تكون حافظه علي حسب انت وحظك ياتفهم ياماتفهمش.
اما الشغل العملي فهو رغم انه بيخلينا نفكر ونعمل حاجات جميله جدااااااااااا الا انه ممكن يقل من قيمته وجودته لما كل ماده تطلب في نفس التوقيت شغل عملي كتييييييييييييييييييييييييير ومش عارفين كطالبات ناخد قسط من الراحه او حتي نمسك كتاب نعرف ايه اللي فيه.
الشيتات بجد ممكن مبيكنش ليها لازمه لما نقعد ننقل من الكتاب الاجابه واكيد بننقل علشان يتسلم وممكن لما تتسلم ماتتفتحش اصلا وبيتعلم عليها ان البنت سلمت او ممكن تتفتح علشان تتاكد ان كل الاسئله محللوله وبس.واكيد في معيدات بتفتح الشيتات وبتقرأه وبتدي البنت الدرجه اللي تستحقها.
المدرسه بصراحه في دكاتره ومعيدات بتقف وتشوف شغلنل مع الاطفال عامل ازاي وممكن يعملوا نفسهم طفله وبيقعدوا مع الاطفال وبيسألوهم بس بصراحه هم التحضير وعمل الوسايل وخاصه في الامتحان النهائي بنكون شايلليين كميه وسائل للامتحان النهائي علشان المعرض وممكن مبيتبصش عليها اصلا.
المحاضرات بصراحه في محاضره بنكون حاضرييين علشان الغياب وفي محاضرات تانيه ممكن مش بيتاخد فيها غياب بس احنا عايزيين نحضرها مش معناها انه بلاش غياب بس احنا عايزيين كل المحاضررات تكون ممتعه وننتظرها من اسبوع الي اخر.
الوقت كمان مش معقول كل الوقت شغل عملي لازم يكون فيه وققت لمذاكره الكتاب علشان منجيش قبل الامتحانات بالظبط ونقعد نذاكر وده اللي معظمنا بيعمله وممكن يكون في حاجات مش فاهمنها ومش عارفيين نسال فيها مين.

زي ما فيه وحش في الكليه اكيد مش كلها سيئات يعني فيها اكيد الحلو بس محتاجين فعلا انها تتغير

السلام عليكم ورحمه الله وبركاته

شكرا جزيلا للدكتور المتميز دائما دكتور خالد النجار فعلا مبادره ممتازة من حضرتك بس يارب يارب يارب الي احنا عايذينه ده يتحقق فعلا ودي اول مرة نتكلم كده ويبقي لينا كامل الحريه بجد الف شكر لحضرتك ..

اولا:
طبعا انا مع زميلاتي في كل الي قالوا فعلا احنا بنعاني من الشيتات والشغل العملي بس انا كمان شايفه لماالدكتور يدخل المحاضرات وميشرحش حاجه ويقعدوا يتكلموا في مواضيع تانيه غيرها عن حياتهم واهتماماتهم مثلا وهما عملوا ايه او الدكاترة الي بتخلي مواعيد المحاضرات 4 ساعات وتدخل ويتشرح بس ساعه او اتنين وباقي الساعتين ميتشرحش فيهم حاجه زائد انهم مش بييراعوا ان قدرتنا على التركيز بتقل يعني مين يقدر يركز 4 ساعات ويقدر يستوعب في 4 ساعات او الدكاترة الي بتدخل ومش بتشرح حاجه وبتكتفي ان المعيدات هي بس الي تشرح واحنا المطلوب مننا نفهم من المعيدات باستثناء ان دكتور الماده بيدخل وبيقعد يتكلم عن نفسه وانجازاته ...

حاجه تانيه: لاحظتها في الكليه طبعا الحمامات محدش بيجي ناحيتها من كتر نظافتها...او حتى خزانات المياه (الكولديرات )الي مفيهاش ميه وبتبقي الميه مقطوعه فيها ومحدش بيتصرف ولا بيتكلم طبعا دي كلها حاجات لازم تتغير .
طبعا في مدرجات غير صالحه اصلا ان يقعد فيها ناس فتخيل احنا الطالبات مطلوب مننا نقعد فيها وكمان نستوعب ونركز والبنشات الي هي اصلا متعبه وبتسبب التعب للطالبات ...

ثالثا:
طبعا اهم حاجه نظافه الكليه بصراحه الاسبوع الي كانت الكليه هتاخد فيه الجوده كانت الكليه ايه بتلمع حتى لوحه الكليه كانت منورة بصراحه انا عن نفسي اتمنيت ان الجوده تبقي موجوده طول السنه عشان يبقي في الاهتمام ده ومراعاه النظافه بس وكان شيئا لم يكن بعد ما خلص موضوع الجوده وكان شيئا لم يكن طبعا رجعت الزباله زي زمان ولا اهتمام ولا حاجه ومفيش اي مراعاه وكان احنا لازم ننظف المكان الي احنا بنقعد في بس لما يكون في حد جاي وهيحكم علينا او هيدينا درجات غير كده لا..
واحنا في ايام الامتحانات شفنا كراتين مراوح بصراحه فرحنا ان اخيرا هيتركب لينا مراوح جديده في الحر ده بس يارب تتركب وينتبهوا ليها لان المراوح بتسبب مشكله جامده اوي في الحر مش تبقي المراوح مش بتشتغل ولما نتكلم محدش يسمع الطالبات ولا بيقدر يحس المعاناه الي احنا بنعانيها وكمان الشغل العملي الي كل يوم بينطلب حاجات جديده يعني مش بيراعوا الطالبات وكان احنا مش محط انتباههم ويجب توفير الراحه لينا بكل الطرق يعني تقليل الشغل العملي (دي غير انه بيطلب مننا نجيبه كذا مرة علي الاقل مراعاة للزحمه بتاعت الصبح يبقي ميعاد السكشن مناسب علشان الزحمه والبهدله والمواصلات) بطريقه مترهقشي الطالبات يعني احنا كمان من حقنا نفتح الكتب ونشوف هي فيها ايه قبل الامتحانات لكن ده احنا مش بنفتح الكتب غير ايام الامتحانات بنبقي بنتعرف على المواد وبنذاكر وبنحفظ بجد ده منتهى الظلم...
رابعا:
والامتحانات والتصحيح رجاءا يبقي فيه شوية عدل ورحمه بيناومراعاة الضمير من الدكاترة مش كلهم بس هما اكيد عارفيين نفسهم ...

وف الاخر نتمني انه يحصل فعلا تغيير علشان احنا نحب الكليه ونقدر نفيد ونستفيد منها ونفيد الي حوالينا وشكرا يادكتورخالد مرة تانيه..

اولا شكرا لحضرتك يادكتور
لكن انا هتكلم ليس على الكلية وحده ولكن على الاطفال ايضا اولا يجب ان يكون التغير داخلى وظاهرى لان اذا كان التغير ظاهرى يعتبر هذه هى الكارثة الكبرى وانا اعلم جيدا ان التغير لايحدث فى يوم وليلة ولكن لكى تنهض مصر على اساس سليم هو التعليم:
اولا: مع احترامى الشديد للدكتورة /كامليا عبد الفتاح ان مناهج رياض الاطفال متواجدة مالايقل عن حوالى 20سنة ولكن مع هذا التغير كما ذكرت حضرتك التغير فى كل شئ واقتراحى ان تتم مبادرة من الدكاترة واساتذة الكلية فى وضع مناهج تناسب هذا الجيل القادم ويتم عرضها على وزراة التربية والتعليم
ثانيا:ان تتفق كليتنا مع وزراة التربية والتعليم فى معرفة طريقة التحضير حتى ان بعض الطالبات عند التخرج يحدث عندها صدمة انى دراست فى الكلية شئ وعلى ارض الواقع شئ اخر
ثالثا :هذا شئ مهم جدا هل ستكون معاملة الموظفين فى الكلية ثابتة ام تتغير وخاصا المكتبة التى دخلتها مرتين فقط احب ان اذهب الى مكتبات اخر علشان المعاملةفقط
رابعا: نفسى عميد الكلية يخصص يوم وينزل ويتحدث معنا اذكر انى اراه يومين ياتى فيها الى الكلية يوم الاحد والخميس
خامسا :هل سوف يتم تكدس المناهج فى الترم الثانى اريد اعرف
سادسا:لا اريد ان اصبح ترس فى الة انتاج الوسائل يعنى فى الترم الاول تم انتاج مالا يقل 20وسيلة يعنى على مااظن ان الكلية كانت تعود الطالبات فى كيفية التعامل مع الاطفال وليس لكى يتم تاهيلنا الى ان اعمل فى شركة انتاج ولكن تؤهيلنى لكى اتعامل مع الاطفال
سابعا: لا يوجد عدالة فى توزيع الوقت اثناء التدريب الميدانى هناك طالبات تبدا الساعة1:صباحا9ظهرا واخر تبدا من الساعة العاشرة الى الساعة الثانية عشر والنصف هل ه

اولا بشكر الدكتور خالد على المبادرة الجميلة واللتي نأمل ان تساعد في تغيير اوضاع الكلية للأحسن انشاء الله.
بس كنت عايزة نتفق الأول احنا كمعلمات رياض الأطفال على بعض النقاط :
1)احنا في الكلية عشان نتعلم بش عشان نجيب درجات وتقديرات وبس
2)كل واحدة فينا متحملة رسالة بمجرد دخولها الكلية انها تربي الأطفال على التفكير والإيجابية كما ذكر الدكتور خالد سواء كمعلمة او كأم او حتى مع كل الأطفال في المجتمع المحيط بك.
3)لازم نحترم الدكاترة ومنتكلمش في المحاضرات او السكاشن كلام جانبي لأن في بعض الدكاترة بيكون عندها نية انها تشرح بس بسبب الكلام ممبتأديش العمل كما ينبغي ده غير اللي بيتلككوا.
4)الكلية مكان تعليمنا لازم ننتمي ليه ولو في قصور نصلحه مهما كان لينا وللأجيال القادمة .

5) لازم نعرف الهدف من اللي بيطلب مننا يعني الهدف عمل عشرين وسيلة ولا الهدف توصيل المعلومة بوسائل شيقة وأساليب التعلم الحديثة .

بعد ما اتفقنا كبنات مع بعض ولو حد معترض على حاجة او حابب يضيف حاجة يقول .

كل المشاكل اللي ذكرتوها انا في رأيي الحل بتاعها في الخطوات التالية :
1) عميد الكلية يكثف من اشرافه وزي ما زميلتي قالت يتكلم معانا اكثر ويكون دوره اقوى .
2) وكيل الكلية لشؤون الطلبة من المفترض ان كل المشاكل اللي ذكرتوها يكون على دراية بها ويكون بيسمعنا ويتناقش معنا فيها ونعرف ما لنا وما علينا ويساعد في حلها او يرفعها للعميد وهكذا لحد ما المشكلة تتحل حتى لو وصلت لوزير التعليم العالي وبعدين ليه بش احنا اللي ننتخب وكيل الكلية لشؤونا فلو نعمل انتخابات وكل دكتور شايف انه ممكن يتولى المنصب يرشح نفسه ونعمل انتخابات لبنات الكلية ونشوف مين اللي الطلبة مجمعة عليه .
3)وبالنسبة لمشكلة المحاضرات فممكن الكلية تحط بنود لازم كل محاضر ينفذها لأن بعض المحاضرين لا يملكون القدرة على توصيل المعلومة بشكل ممتع :
1)المحاضرة لا تخلو من النقاش وبش شرط النقاش لازم اكون محضرة في نقاش لقياس مدى الفهم وترسيخ المعلومة .
2) يجب الإبتعاد عن التلقين المباشر لأن احنا معلمات محتجين نفهم عشان نعرف نطبق بش نحفظ وننسى.
3)بالإضافة ان في شروط نظام الجودة فلو تطبق بعيدا عن اننا ناخد الجودة ولا لأ عشان كليتنا تبقى في مستوى عالي من الجودة ويكون في اشراف من وكيل الكلية لشؤون الطلبة.
وأخيرا احب اتكلم على التدريب الميداني اللي هو عصب الكلية لأن هو اللي بيشمل دور المعلمة كميسرة للمعلومة وناقله لها فلو المعلمة عندها كم هائل من المعلومات بس متعلمتش صح طرق توصيلها يبقى ملهاش لازمة المعلومات فنظام المدارس وحتى اللي في الكلية محتاج إشراف اكثر وتطوير اكثر .

السلام عليكم ورحمة الله وبركاته
بداية أشكر استاذى د خالد على هذه المبادره الرائعة فكلا منا بعد هذه الثورة يحتاج أن
يقف مع نفسه أعوذ بالله من الشيطان الرجيم بسم الله الرحمن الرحيم ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)) أولاً ثم
يقف ليذكر قوائم التغيير مع المحيطين به قد يستشعر بعضكم ببعض الاستغراب لذكرى الآية الكريمة ولكن حاولوا معى فهم ما أقصد
فلو بدأت أنا بنفسى وتعرفت على نواحى قصورى وحاولت أن أغيرها وأنتم كذلك فنحن على إتفاق تام أن الكمال لله الواحد الأحد
وأكيد كلا منا لديه نواحى قصور وأخطاء وهنات ...... ولكن لا يعنى هذا أن تقوم (فلانة) بذكر نواحى قصورى على الملأ فهذا المنتدى لكل
الناس ولا يمكن أن تكون هند سعيدة نهائى عندما يذكر اسمها هكذا كدكتوره .......؟؟؟؟؟؟ خاصة إذا دخل ابنها أو بنتها أو أى شخص يعرفها
ويقرأ عنها هذا
إذا الحل أن نضع قوائم التغيير بكامل حرية لكن دون جرح أحد وأكيد أستاذى د خالد يوافقنى فى هذا الرأى
(حب لأخيك ما تحبه لنفسك)
السلام عليكم ورحم الله وبركاته

كما اخطأت على الملأ فأنى اعتذر على الملأ ولقد عدلت المساهمه

ولكنى لم اجرح احدا او افترى عليه فهذا ما يحدث فعلا

=darkred] justify]الشكر كل الشكر للدكتور الفاضل دكتور ""خالدالنجار"" ... من يزرع المعروف يحصد الشكر ... [/justify]


العقل البشرى الطبيعى لايستطيع ان يستوعب الطول الزمنى للمحاضرة والقصد محاضرات كلية رياض الاطفال طبعاااا هل من الطبيعى ان يكون مدة المخاضرة اربعة ساعات متواصلة ؟!!! فانا اتمنى اتمنى يا دكتور خالد ان تكون المدة ساعتين


المدرج يكون فيه مكيفات او حتى مراوح ولكن تكون سليمة وتشتغل و البينجات وكمان المدرجات تكون مهيئة لتشغيل البروجكتور


الحمامات اتمنى بان تكون نظيفة اكثر من ذلك فانا اتمنى ان يكون فى كليتنا حمام كبير مش الصغيرر الموجود دة اللى كل الكليه عليه ويكون فيه مرايه كبيرة ويكون فيه صابون دة على الاقل _ دة احنا فى كليه بنات _


الكافيتريا ان تكون بمعناها الصحيح مش الكانتين اللى موجود يعنى بقترح ان يكون ليها مكان مخصص لها فيها كراسى ووو كافيتريا تكون مكان يستحق الاخذ به مدة الاستراحة لاستجداد النشاط لاستكمال اليوم

فاننى اتمنى من تحقيق هذه الاحلااااااااااااااام










]

السلام عليكم
طبعا مش عارفة اشكرك ازاى يا دكتور لانى كنت هعمل الموضوع دة والله بس تصدقنى لو قلت انى خوفت لحد يعملى حاجة لانى بدعو للتغير على الرغم من ان الثورة علمتنا الا نخاف الا ان الى حواليا خوفينى وقالولى بلاش لتتعرفى وتتاذى بس فرحت جدا لا لقيت الموضوع من كتور جدير بالاحترام زى حضرتك بالنسبة للتغير
اولا
النظافة العامة لكلية ومانقولش زى كل مرة البنات اة البنات ليها دور خاكى بس فين الراقبة والنظافة من العمال والطلب دة بنادى بية بقلنا كتير انا فى سنة تالتة ونفسى الكلية تبقى اجمل والحمامات احنا كمان بنبوظها والمسج باله عليكوا حرام الرية رهيبة جوا اوى انا بتعب جدا
ثانيا
المناهج بصراحة المناهج اولا قديمة جدا والكتب مليلانة معلومات نصها بيتغلى وكمان احنا معنداش وقت نتفكر فى المناهج ونمخخ لان وقت شغل العملى طوووووووول السنة فحرام بصراح ة ياريت دعوة لتقليل المناهج ونخبيها برضة اكثر افادة
ثالثا
الشغل العملى بجد كتييييييييييييييييييييييييييييييييييييييييييييييييييييييييييير وكلمة دية مش كفاية بجد كتير اوى ولية الكثرة دية حرام اة نتعلم ازاى نصنع وسايل بالشروط بس مش مطلوب منى يكون فى كالاسبوع نهايتو مطلوب 15 وسلة غير برنامج التدريب الميدانى ونقول كتير يقولنا هى الكلية كدا طب ماحرام ارحمونا مجهود وتعب ومال وسهر وبعدين يطلبوا مننا نحضر المحاضرات طب بالله عليكوا فين الوقت انا معنديش اى مانع اشتغل واذاكر وكل حاجة بس بالوسط فى حاجة اسمها الوسطية دينا قال كدا لكن ضغ ضغط طوووووووووووووووووووووووول الترم لية بجد يا دكتور وحضرتك تخصص علم نفس بص على اسكال البنات كلها مكشرة والكل بيتخانق مع بعضة فى اخر التيرم وقت الضغط فوق اللاستحمال طب لية دة حتى السنة دى ودكتورة هند تعلم ذلك وقفت المحاضرة مرتين عشان حالة البنات السيئة طب لما علموا فينا كدا المطلوب هنروح نطلع كل همنا على الطفل ولكن لاننا بنحبهم بجد بنشيل جوان وبنسكت لحد ماننفجر بجد ان بدات افكر اروح لدكتور نفسى من الضغط اللى عليا مش مستحملة فبلله عليكوا ارحمونا
رابعا
اسلوب المعاملة
ياريت بجد المعيدات والكاترة بدون ذكر اسامى يعاملونا حلو والله انا شغلى حلو وبشهادة كل الناس لية دايما المعيداتوالدكاترة مصرين حسسونى ويحسسوا زميلاتى ان شغلنا وحش اوىلية مش يعاملونا بحب ورحمة ربنا قال نرحم الحيوان واحدة ست دخلت النار بسبب تعذيبها قطة مابالكوا بينا احنا البشر لية كدا ارحمونا عملونا حلو احنا مش دلنا الكلية عشان نتهزء ونتهان ونتذل لكل انسان بداية من العامل وحتى اعلى الدرجات انا دخلت اتعلم ازاى اتعامل مع الطفل هتعاماونى بمهانة هاتعلم اعاملة كدا والجيل يبوظ فبجد حرام ارجوكوا اؤحمونا بقا كفاية كدا عشنا ظلم كتير اوى كفاية بقا مش عايزين مزيد من الظلم 300 واحد ماتوا عشان العدل والحرية يسودوا بالله عليكوا ماتخلوش دمهم يروح هدر ووقتها احس انهم ماتوا بدون معنى وبدون هدف

السلام عليكم
انا بشكر حضرتك على اتاحة الفرصة لينا ودي حاجه متوقعه الكليه تعملها بعد الثورة لكن حضرتك دائما من الدكاترة المهتمين بالطلاب

اولا بالنسبه للكلية لازم تحصل توعية في المجتمع باهمية الكلية واهمية هذه المرحلة في حياة الطفل ومش ينفع اي حد يدخل الكلية
واقترح ان قبل ما تقبلوا طالبات جدد للكلية نعمل ندوة للطالبات الراغبات في دخول الكلية نعرفهم بالمواد اللي هيدرسوها ونقولهم خبراتنا في الكلية والشغل العملي ويعرفوا كل حاجه عن الكلية من خلال الدكاترة والطلاب السابقين القدامى
عشان كل طالبة تكون عارفه هي مطلوب منها ايه بالزبط ومتقولش انا مكنتش اعرف ان انا هعمل كده لا انا مقدرش ....
انا عارفه ان بيحصل مقابله شخصية بس الصراحه انا شايفه انها مش كافيه الدقايق دي لتحديد معلمة مسئولة عن تربية اجيال
هتكون قدوة ليه في كل حاجه وهي اللي هتساعده في انه يحلم ويخطط لمستقبله واحنا عارفين ان المرحله دي اساسية في تكوين شخصية الطفل
والمفروض البنات اللي مكنش نفسهم يدخلوا الكلية او هي مش من اهتماماتهم مش ينفع يدخلوها عشان دي بتاثر على شغلها وكمان المجال ده محتاج الواحد يحبه عشان يعرف يبدع فيه


بالنسبة للمواد : المواد انا شايفه محتاجه اعادة ترتيب وتنظيم في مواد كان مفروض ناخدها اول ما ندخل الكلية لانها هتساعدنا في الشغل العملي
مثل : مادة انتاج وسائل صراحة ملهاش لازمة في 3 احنا بنكون عارفين نعمل معظم العملي او بالاصح بنكون عملناه لو كنا اخدناها في سنة اولى التيرم التاني او تانية كانت هتفيدنا كتير
ومادة تانية بردو قصص وحكايات انا المفروض اعرف الماده دي قبل ما اعمل اي قصه او اخنار اي حاجه ليه مناخدهاشش في البداية المواد اللي تساعدني في التدريب الميداني ليه يعني انا بكون عملت قصص قبلها بكتير اكتشف في سنة تالته ان هي غلط الصراحه حرام يعني اكون تعبت فيها وتكون معيدة ماده تانية ودكتورة مادة تانية وافقت عليها وبعدين لما اخد قصص وحكايات اكتشف اني مينفعش استخدمها في التدريب الميداني
وبقترح مثلا احنا دلوقتي مطلوب مننا الicdl ولما بنتخرج بيطلب مننا كورسات انجلش والله اعلم في حجات تانية ولا ايه
فمفيش مانع ان الانجلش يتقسم على الاربع سنين والicdl بردو تتاخد في اثناء الدراسة باعتبارهم مواد اساسية
بحيث ان الواحده تتخرج تكون مستعده تشتغل مش تكون لسه هتكمل الكورسات دي طالما هي من المتطلبات الاساسية يبقى مفروض الكلية توفرهالنا والا الشهاده لوحدها ملهاش لازمة

وحاجه تانية المفروض يكون في اجتماع بين الدكاترة بتوع الكلية يشوفوا هما طالبين ايه من ناحية الشغل العملي
في كل المجالات لو في دكاترة عاوزين نفس الوسيلة يشوفوا ايه الاساسيات اللي كل واحد بيركز عليها وبكده هنستفيد من الوسيله في اكتر من ماده وهنوفر جهد وووقت وفلوس على اساس اننا لما ننفذ الوسيله هتكون مناسبة لاكتر من دكتور

بالنسبة للتقييم :المفروض تكون في اسس معينة تقيم المعيدة على اساسها احنا الصراحه بنحتاس كل معيدة ليها ذوق مختلف وهي بتدي الدرجات على اساس دي هي شايفاها حلوة ولا لا مش على اساس هي متوفر فيها الشروط الاساسية والدليل اني ممكن اوريها لمعيدة تانية تعجبها جدا فاختلاف الاذواق ده بياثر على درجاتنا

عروسة البحر بحيييييييييييييييييييييييكى جداااااااااااااااا وبأيد كل كلامك

والله احنا لو كنا هنثور على حاجة فى كلية رياض اطفال قبل ما نتكلم على الدكاترة ولا اى حاجة ياريت نشوف منظر الكلية الى بيكرهنا اننا نقعد فيها الكلية بتاعتنا هى عبارة عن جراج لعربيات الدكاترة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم و رحمة الله و بركاته

أولا اشكر حضرتك شكرا جزيلا استاذي الفاضل دكتور خالد

ثانيا حقيقي بجد ارجو ان تحدث تغييرات في الكلية التي هي فعلا عزيزة على قلبي ...

ثالثا هذه بعض النقاط التي اتمنى ان تحدث بها تغييرات في الكلية

1-الناحية المادية : جميع طالبات الكلية بلا استثناء نعاني من لاارتفاع الشديد في اسعار الكتب و كذلك خامات العملي ..و لذلك كنا نتمنى ان تخضع كتب الكلية للدعم خاصة و ان الجامعة قد اطلقت مبادرة العام الماضي لدعم الكتاب الجامعي و التي شملت اغلب كليات الجامعة و كنت اتمنى ان تكون كليتنا احدهم ....كذلك اذا قامت الكلية بإقامة مشروع صغير يوفر للطالبات مستلزمات العملي بأسعار ستكون اقل من المكتبات التي تعمل على استغلالنا و و بالتأكيد ستعود على الكلية بالنفع ايضا و هذه الفكرة قد اقترحتها احد المعيدات في ملتقى الكلية السنوي العام الماضي

2-الناحية العلمية : كما ذكرت الكثير من الفتيات فهناك فعلا بعض المواد تحتاج لإعادة توزيع مثلا انتاج و سائل نحتاج ان نأخذها قبل التدريب الميداني العملي و ايضا مادة قصص و حكايات و كذلك المواد الخاصة بالمفاهيم و مادة مسرح الطفل و مادة اعداد الطفل للقرآة و الكتابة حتى نستطيع اعداد برنامج صحيح للأطفال
- نتمنى ان تكون هناك سكشن او محاضرة في نهاية الاسبوع خاصة بالتدريب الميداني يتم فيها مناقشة الاخطاء و الملاحظات الخاصة بأدائنا في المدارس و كذلك مناقشة المشكلات التي قد نعانيها او المقترحات

-كذلك يكون هناك اطار عام موحد لدى جميع الدكاترة و المعيدات حول كيفية ادائنا و ما يجب ان نكون عليه في التدريب الميداني و كذلك باقي المواد ايضا حيث اننا في بعض الاحيان نجد تضارب بين آراء الدكاترة و آراء المعيدات ...و لا اقصد بكلامي الاهانة لاحد و الله و لكن اقصد ان يكون هناك نقاش بين الجميع حتى يتم التوصل الى ما هو افضل و الاتفاق على تطبيقه حتى نتجنب التشتت و الاضطراب

-المحاضرات اتمنى فعلا ان يكون الوقت المحدد للمحاضرة هو الوقت الفعلي لها ...

-ارجو ان تكون بعض المواد ممتدة فبعضها دراسته في تيرم واحد ظلم للمادة و ظلم للطالب ايضا مثل مادة انتاج وسائل تعتبر مادة غنية و نحن بحاجة فعلا لأن نتعلم كل جزء بها بأستفاضة

- كذلك مادة حاسب آلي و مادة اللغة الانجليزية و اللغة العربية
فالمعلمة المسؤلة عن بناء الاجيال لابد ان تكون على دراية و معرفة كاملة باللغة

3-الناحية الاخلاقيةو النفسية :بما ان المعلمة هي صانعة الاجيال فلذلك لابد ان تكون على خلق حميدة و الا فماذا ستعلم الاطفال و كما قال احمد شوقي انما الامم الاخلاق ما بقيت فإن هم ذهبت اخلاقهم ذهبو .....لهذا اتمنى ان يكون هناك اهتمام من قبل الدكاترة و المعيدات بهذا الموضوع حيث يخصص الدكتور على قائمة ما يريد توصيله للطالبات من معلومات قيمة خلقية جديدة على رأس كل محاضرة و ان يحثهم على ان يتعاملو بها فيما بينهم أولا و إلا فكيف سيعلموها للاطفال فهناك للأسف طالبات لا يمكن بحال من الاحوال ان يكن معلمات مع ان مستواهن الاكاديمي مرتفع و ذلك لأن بعضهم قد يستحل لنفسه مجهود آخرين و لا يشعر انه قد اخطأ في حقه اصلا وقد عانيت بنفسي من احد هؤلاء.. كذلك التأكيد على الناحية الدينية سواء للمسلمين او المسيحين

-اما بالنسبة للناحية النفسية فنظرا للضغط الكبير الذي تتعرض له كل طالبات الكلية من ضغط مادي و نفسي و جسماني ...ارجو محاولة تخفيف العملي الذي يتم تكليفنا به ...حيث ان هذه الاشياء من المفترض ان تكون وسائل معينة و ليست هي الاساس و لكن مع هذا الضغط بدأنا نشعر بالعكس ...كما ان هذا يجعلنا في حالة نفسية صعبة و بالتالي يؤثر على الحالة الصحية...ارجو الاهتمام بهذه الجزئية نظرا لخطورتها حيث انه و كما اوضحت زميلة اخرى نحن نحمل انفسنا اكثر مما تحتمل حتى لا نخرج تلك الضغوط على الاطفال

-و اقترح ان تكون هناك أخصائية نفسية لكل فرقة لأنني لاحظت ان كل فرقة لها طابع خاص مميز تختلف به عن الفرق الاخرى ..و بهذا تكون على دراية بأكثر المشكلات السائدة بين الطالبات و تقديم النصيحة لهم و كذلك عمل اختبارات نفسية للطالبات بصورة دورية لتقييم حالتهم النفسية...فمعلمة مشحونة و مضغوطة نفسيا اما ان تنشئ جيل معقد نفسيا او ان تعاني هي من امراض لا حصر لها..و اود ان اذكر في هذا الصدد شهادة حق فإن الكثير من الدكاترة و المعيدات يهتمون بنا من الناحية النفسية و يراعون هذا الجانب فينا فشكرا جزيلا لهم ...

4- اعلانات المسابقات و الانشطة المختلفة تعلق قبل موعد التسليم بوقت قليل مما لا يعطينا فرصة كبيرة للمشاركة بها

-دورات المياه تعاني كثيرا من انقطاع المياه و كذلك غير نظيفة في كثير من الاحيان

-مسجد الكلية نرجو توسعته او بناء دور ثاني له مع عمل منافذتهوية جيدة له.

- زي الطالبات ارجو ان يخضع للاشراف لا اقصد الالزام بزي محدد فكل طالبة يحق لها ان ترتدي ما تريد و لكن على ان يتميز بالحشمة يعني واسع و طويل ..لانني تعلمت ان المعلمة قدوة لغيرها في المجتمع و لابد ان تكون مثل اعلى لهم.

بإختصار شديد اتمنى ان تكون كليتنا هي مصنع لإخراج معلمة اجيال مؤهلة في جميع النواحي و قدوة في جميع النواحي

و كلمة أخيرة اوجهها لزميلاتي الاعزاء علينا ان نبدأ التغيير من انفسنا أولا "فكما قال رسول الله صلى الله عليه و سلم "ان الله لا يغير ما بقوم حتى يغيرو ما بأنفسهم"


أخيرا آسفة على الاطالة ....و شكرا جزيلا لحضرتك دكتور خالد مرة ثانية لاتاحة هذه الفرصة لنا لكي نتحدث بحرية ...و اتمنى ان تؤخذ آرأنا في الاعتبار اثناء التغيير

اولا : انا اتفق مع زملائى فى كل ما سبق و لكنى ولاول مرة لا اتفق مع دكتوره هند فى عدم ذكر اسماء الدكاترة فما فائدة الشكوى اذا كانت غير محددة الى من توجة و الثورة هى اكبر دليل فلو لم يخرج الشعب المصرى و يطالب بتنحى الرئيس و اسقاط الننظام السابق بشكل صريح و واضح ما كان للتغيير وجود و هناك فرق شاسع بين الانتقاد و التجريح ولكن حبى و تقديرى و احترامى لدكتورة هند سيجعلنى التزم بعدم ذكر اسماء حتى تصل حرية الرأى و التعبير بشكل كامل الى الكلية باعتبارها جزء من مصر 0

ثانيا : احب ان اشكر دكتور خالد على هذا الموضوع الرائع و لا احب ان يقف عند حد التعبير و لا يتحول هذا التعبير الى تغيير حقيقى 0

ثالثا : شكراااااااااااااااااااااااا يا بنات لانكوا وفرتوا عليا كتيييييييييييييييييييييييييييير لذلك مش حكرر الكلام الى قولتوا و الى يا رب تشوفوا الكلية كلها انا حعرض بعض الوقائع المؤسفه الى شوفتها بعينى و ياريت كان عندنا فى الكلية نائب عام عشان اقدم له هذة الوقائع :
1- كان فى محاضرة فى سنة اولى و فى سنة تانية برضو اسمها محاضرة التصفيق و كاننا فى مسرح مش فى محاضرة و كأن المحاضر بيتفضل علينا مش بيقوم بواجبة رغم ان دكتورة هذة المادة كانت بتدخل المحاضرة مرة او اتنين فى الشهر ودة طبعا لان فى حاجات كتير فى الكلية اهم مننا و عشان تدى المعيدات فرصتهم فى اخذ الغياب و النداء على اسماء البنات و تقسيم الشعب عشان التحضير و البنات ربنا يتولاها و الى اسوء من كدة ان المعيدات كانوا بيطلبوا مننا نجيب للدكتورة ورد ونغنى ليها اول ما تدخل و طبعا اول ما نعمل كدة تلغى من الكتاب فصلين او تلاتة على حسب التصفيق و التهليل بتعنا ثم تتحدث عن نفسها و عن انجازاتها و عن عشق بنات الكلية لها و المحاضرة الى قبل الامتحان تدخل تقول اربع او خمس اسئلة و هما دول الى بيجوا فى الامتحان و طبعا التصفيق فى اليوم دة بيكون على اشدة و المذاكرة بتكون ليلة الامتحان و النتيجة بتكون امتياز و المفهوم من المنهج لا شىء 0
بصراحة الانتقاد دة هى الى شجعتنى علية لانها لاتتردد فى انتقاد اى انسان او اى شىء ففى احدى محاضراتها فى الترم الاول فى سنة اولى و احنا لسة بنكون فكرة عن الكلية قالت : ان منتدى الكلية دة فاااااااااااااااااااااااااااااااااااااااااااااااشل
2- كان فى معيدة لاحدى المواد بتقول معلومات غلط فى المنهج هذة الاخطاء تؤكد انها لم تقرأ الكتاب اساسا و لما رحنا نشتكى لدكتور المادة قال انة حيكلمها و بعدين قال انها ليست متخصصة فى المادة !!!!!!!!!!!!!!!!!!!!!!!!!!
امال متخصصة فى ايييييييييييييييييييييييييييييييييييييييييييييية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
3- كان فى دادة بتشتم البنات و بتدعى عليهم و بتقولهم ( زبلتوا المدرج اللة يخرب بيوتكم ) و كمان كانت بطردنا من المدرج و تنبه علينا لا ناكل و لا نشرب و لا نشتغل فية ودة طبعا مدرج سوزان و بصراحة مش عارفة اشمعنا مدرج سوزان الى بيلقى الاهتمام يا ترى عشان هو فى مدخل الكلية ولا عشان اسمة مدرج سوزان ؟؟؟؟؟؟؟؟؟؟؟؟؟؟؟؟؟؟؟؟
و بعدين هى وظيفة الدادة انها تعد و تفطر و تشرب الشاى و ترغى و بس و لغاية ما تخلص تكون البنات الى شغالين عندها كنسوا المدرجات و مسحوها 0
انا حكتفى باتلاتة دول بس رغم ان الوقائع كتييييييييييييييييير و الشكاوى اكتر عشان كدة يا ريت يكون فى اجتماع او ندوة بين الدكاترة و البنات على الاقل كل شهر مش كل سنتين مرم و لى رجاء تانى او سؤال ما المانع من تطبيق اللائحة الجديدة من اول الترم بدل من تطبيقها فى الالفية الجاية اذا كان الدستور بيتعدل و حيطبق علينا قريبا 0

انا اسفة اذا كنت تسببت فى ازعاج اى شخص بس لو كان فى حوار من قبل بين المسؤلين و الشباب او بين الدكاترة و البنات ما كان الشباب استخدموا الفيس بوك للتواصل و التحدث بحرية للثورة و ما كان البنات استخدموا المنتدى للتواصل و التحدث بحرية للتغيير 0

اولا احب ان اقدم جزيل الشكر للدكتور خالد فى سعيه المستمر والدءووب للرقى بالكلية ومحاولة التغيير فيها وهذا ما نعرفه عنه دائما...
ثانيا انا اتعجب ان الدكتور خالد وحده وعدد من الدكاتره القلائل جدا 2او 3 هما فعلا اللى نشعر منهم خوفهم على الكلية ومحاولة النهوض بيها واستعادة مكانتها بعد ان فقدتها فى السنوات الاخيرة خاصة فى سوق العمل الذى بات يفضل خريجات غير متخصصات عن معلمة الكلية... هل دكتور خالد وحده يقدر ان يغير كل السلبيات الموجودة فى الكلية؟ لماذا لا يساعده ويدعمه كل اعضاء هيئة التدريس ؟ اين دورهم الملموس فى تغيير واقع الكلية ؟ السنوات التى قضيتها فى الكلية طالبنا كثيرا بتغييرالكلية من حيث اللائحة والسياسات وتعديل السلبيات حتى جف صوتنا ولا احد يجيب او يتحرك سوى بوعود ورقية لم تنفذ حتى الان..
انا اعشق هذه الكلية ولكنى ارى فيها الكثير من السلبيات المستمرة حتى الان تصيبنا جميعا بالاحباطويجب القضاء على هذه السلبيات بسرعة، واحب ان اذكر بعض هذه السلبيات:-
1- اللائحة:- التى طالما سمعنا انها ستتغير تأخرت بشكل غير مقبول ولا يقنعنى سبب واحد بعدم تطبيقها حتى الان ...
2-العميد:- من المؤسف حقا ان نرى عميد الكلية قليل الوجود فى الكلية وكل اهتمامه بالاعمال الادارية وقليل النزول للكلية لمتابعة كل مايجرى فيها من مشاكل ومدرجات .... والمطلوب هو ان يكون عميد الكلية من اعضاء هيئة التدريس بالكلية ويتم انتخابه من جميع العاملين بالكلية وان تشارك الطالبات ايضا فى هذا الانتخاب وان يكون ممن يينزلون الى محيط الكلية ويتابعون العمل ويسمع الشكاوى بنفسه ويقف على اوجه القصور بنفسه...
3-الاعتمادات المالية المخصصة لكل كلية ماذا يصنع بها فمن المفروض ان نرى تقدم فى الخدمات وتطوير فى منشآت الكلية من مدرجات ووحمامات وغيرها من المرافق ..لكن لم نرى اى تقدم فى الخدمات والحال كما هو عليه بسلبياته اللهم الا عده مراوح تم تركيبها فى مبنى الكلية الجديد وعدة سلات للقمامة...
4-المبنى القديم او كما نطلق عليه المبنى المهجور من اى خدمات او نظافة فلا يوجد به مايكات واطنان الاتربة موجودة على الحوائط والمراوح والمقاعد والشبابيك ، ومعظم السماعات تالفه، ودهان الحوائط قديم ويؤدى الى الاكتئاب.
اما المبنى الجديد فيتميز بسوء مدرجاته التى تنهك الطالبة وتتعبها وقلة المراوح وسوء التهوية حتى اننا فى الصيف نكاد نموت خنقا فى هذه المدرجات وتصاب الطالبات بالاغماء والانهاك .بالاضافة الى تدنى مستوى النظافة واطنان الاتربة ...
5- كان هناك فكرة رائعة تم تنفيذها وهى (صندوق الشكاوى) لكن للاسف كان مجرد ديكور فى الكلية ولا اعرف هل مازال موجودا ام لا ، كل الشكاوى التى كانت موضوعة فيه مهملة وكانت الشكوى الواحدة تتكرر 100 مرة دون مجيب او قارئ لها ..
6- مستوى النظافة العامة للكلية متدنى ومخزى للغاية ويبدأ من بوابة الكلية فمن يمر امامها لا يعرف ما هذا المكان فأين اسم كليتنا وعندما تدخل اليها يذهلك المستوى المتدنى للكولدير والحمامات والمدرجات والحوائط التى يوجد فيها العديد من الالوان واطنان الاتربة العالقة بالاسوار والحوائط والبرجولة حتى الاشجار والاماكن الخضراء فى الكلية تكاد تكون منعدمة والموجود مهمل ولا يعتنى به..
7- رعاية الشباب الموجودة بالكلية مجرد ديكور ايضا فالانشطة الثقافية والرياضية والاجتماعية لا تعرف الطالبات عنها اى شئ وكاننا معزولون تماما عن جامعة القاهرة وعن هذه الانشطة فاين هى الخدمات التى تقدمها رعاية الشباب...
8- هناك فجوة كبيرة بين مناهج الكلية واعداد الطالبة الاكاديمى وبين واقع رياض الاطفال فى مصر ، فما نتعلمه طوال الاربع سنوات مجرد حشو نظرى للعقول لا يطبق فى سوق العمل فنحن نعد فى ناحية ونعمل فى ناحية مخالفة تماما ، ولو نظرنا الى المناهج والكتب ذات الاسعار الخيالية التى نقوم بشرائها مجبرين نجد انها قديمة جدا جدا وحتى النظريات النفسية والتربوية عفا عليها الزمن والدول الاخرى باتت تستخدم نظريات عصرية اما نحن فما زلنا فى بياجيه وفرويد ..والى اخره من النظريات .. هل يعقل ان نشترى كتابا باكثر من 40 و50 جنيه لنفاجئ بصفحات مكررة وفقرات غير متعلقة ومرتبطة ببعضها او يكون نصفه ملغى لا ننتفع به واذا نظرت الى مراجع الكتاب التى اعتمد عليها تجدها من ايام الاجداد فى الستينيات والسبعينيات...ولماذا كل هذه المواد النظرية التى لا ننتفع بها ولماذا لا تتغير خريطة المناهج وندرس كل ما هو جديد ..لم يعد هذا امرا مقبولا...
هناك الكثير من السلبيات التى تحتاج الى معالجة سريعة ونتمنى الا تكون هذه الدعوة مجرد دعوة لا ينظر اليها لكن نحن نطالب بان ينظر الى كم الشكاوى والسلبيات التى طرحها اعضاء المنتدى وتناقش بجدية وان يكون هناك تغيير حقيقي ملموس ...

اولا احب ان اقدم جزيل الشكر للدكتور خالد فى سعيه المستمر والدءووب للرقى بالكلية ومحاولة التغيير فيها وهذا ما نعرفه عنه دائما...
ثانيا انا اتعجب ان الدكتور خالد وحده وعدد من الدكاتره القلائل جدا 2او 3 هما فعلا اللى نشعر منهم خوفهم على الكلية ومحاولة النهوض بيها واستعادة مكانتها بعد ان فقدتها فى السنوات الاخيرة خاصة فى سوق العمل الذى بات يفضل خريجات غير متخصصات عن معلمة الكلية... هل دكتور خالد وحده يقدر ان يغير كل السلبيات الموجودة فى الكلية؟ لماذا لا يساعده ويدعمه كل اعضاء هيئة التدريس ؟ اين دورهم الملموس فى تغيير واقع الكلية ؟ السنوات التى قضيتها فى الكلية طالبنا كثيرا بتغييرالكلية من حيث اللائحة والسياسات وتعديل السلبيات حتى جف صوتنا ولا احد يجيب او يتحرك سوى بوعود ورقية لم تنفذ حتى الان..
انا اعشق هذه الكلية ولكنى ارى فيها الكثير من السلبيات المستمرة حتى الان تصيبنا جميعا بالاحباطويجب القضاء على هذه السلبيات بسرعة، واحب ان اذكر بعض هذه السلبيات:-
1- اللائحة:- التى طالما سمعنا انها ستتغير تأخرت بشكل غير مقبول ولا يقنعنى سبب واحد بعدم تطبيقها حتى الان ...
2-العميد:- من المؤسف حقا ان نرى عميد الكلية قليل الوجود فى الكلية وكل اهتمامه بالاعمال الادارية وقليل النزول للكلية لمتابعة كل مايجرى فيها من مشاكل ومدرجات .... والمطلوب هو ان يكون عميد الكلية من اعضاء هيئة التدريس بالكلية ويتم انتخابه من جميع العاملين بالكلية وان تشارك الطالبات ايضا فى هذا الانتخاب وان يكون ممن يينزلون الى محيط الكلية ويتابعون العمل ويسمع الشكاوى بنفسه ويقف على اوجه القصور بنفسه...
3-الاعتمادات المالية المخصصة لكل كلية ماذا يصنع بها فمن المفروض ان نرى تقدم فى الخدمات وتطوير فى منشآت الكلية من مدرجات ووحمامات وغيرها من المرافق ..لكن لم نرى اى تقدم فى الخدمات والحال كما هو عليه بسلبياته اللهم الا عده مراوح تم تركيبها فى مبنى الكلية الجديد وعدة سلات للقمامة...
4-المبنى القديم او كما نطلق عليه المبنى المهجور من اى خدمات او نظافة فلا يوجد به مايكات واطنان الاتربة موجودة على الحوائط والمراوح والمقاعد والشبابيك ، ومعظم السماعات تالفه، ودهان الحوائط قديم ويؤدى الى الاكتئاب.
اما المبنى الجديد فيتميز بسوء مدرجاته التى تنهك الطالبة وتتعبها وقلة المراوح وسوء التهوية حتى اننا فى الصيف نكاد نموت خنقا فى هذه المدرجات وتصاب الطالبات بالاغماء والانهاك .بالاضافة الى تدنى مستوى النظافة واطنان الاتربة ...
5- كان هناك فكرة رائعة تم تنفيذها وهى (صندوق الشكاوى) لكن للاسف كان مجرد ديكور فى الكلية ولا اعرف هل مازال موجودا ام لا ، كل الشكاوى التى كانت موضوعة فيه مهملة وكانت الشكوى الواحدة تتكرر 100 مرة دون مجيب او قارئ لها ..
6- مستوى النظافة العامة للكلية متدنى ومخزى للغاية ويبدأ من بوابة الكلية فمن يمر امامها لا يعرف ما هذا المكان فأين اسم كليتنا وعندما تدخل اليها يذهلك المستوى المتدنى للكولدير والحمامات والمدرجات والحوائط التى يوجد فيها العديد من الالوان واطنان الاتربة العالقة بالاسوار والحوائط والبرجولة حتى الاشجار والاماكن الخضراء فى الكلية تكاد تكون منعدمة والموجود مهمل ولا يعتنى به..
7- رعاية الشباب الموجودة بالكلية مجرد ديكور ايضا فالانشطة الثقافية والرياضية والاجتماعية لا تعرف الطالبات عنها اى شئ وكاننا معزولون تماما عن جامعة القاهرة وعن هذه الانشطة فاين هى الخدمات التى تقدمها رعاية الشباب...
8- هناك فجوة كبيرة بين مناهج الكلية واعداد الطالبة الاكاديمى وبين واقع رياض الاطفال فى مصر ، فما نتعلمه طوال الاربع سنوات مجرد حشو نظرى للعقول لا يطبق فى سوق العمل فنحن نعد فى ناحية ونعمل فى ناحية مخالفة تماما ، ولو نظرنا الى المناهج والكتب ذات الاسعار الخيالية التى نقوم بشرائها مجبرين نجد انها قديمة جدا جدا وحتى النظريات النفسية والتربوية عفا عليها الزمن والدول الاخرى باتت تستخدم نظريات عصرية اما نحن فما زلنا فى بياجيه وفرويد ..والى اخره من النظريات .. هل يعقل ان نشترى كتابا باكثر من 40 و50 جنيه لنفاجئ بصفحات مكررة وفقرات غير متعلقة ومرتبطة ببعضها او يكون نصفه ملغى لا ننتفع به واذا نظرت الى مراجع الكتاب التى اعتمد عليها تجدها من ايام الاجداد فى الستينيات والسبعينيات...ولماذا كل هذه المواد النظرية التى لا ننتفع بها ولماذا لا تتغير خريطة المناهج وندرس كل ما هو جديد ..لم يعد هذا امرا مقبولا...
هناك الكثير من السلبيات التى تحتاج الى معالجة سريعة ونتمنى الا تكون هذه الدعوة مجرد دعوة لا ينظر اليها لكن نحن نطالب بان ينظر الى كم الشكاوى والسلبيات التى طرحها اعضاء المنتدى وتناقش بجدية وان يكون هناك تغيير حقيقي ملموس ...

السلام عليكم و رحمة الله و بركاته
1 - انى اتمنى ان يكون كلية رياض الاطفال اسم على مسمى بمعنى ان تكون الكلية عملية اكثر منها نظرى اى ننزل لارض الواقع فمثلا ان عندى فئات الاطفال ( عاديين- ذوى احتياجات خاصة باختلاف انواعها - اطفال شوارع - اطفال بالمؤسسسات الاجتماعية ) فلماذا لم يتم عمل حضانات بالكلية او ملحقة بالكلية لكل فئة و ان يتم قبول عدد محدد من الطالبات بعد عمل اختبارات نفسية حقيقية لهم و نجعلهم يعملون مع هولاء الاطفال و يكون هناك اشراف من الدكاترة عليهمم من خلال الدائرة التليفزيونية و يتعاون مع هولاء الطالبات المعيدات و من خلال التعامل مع الاطفال سوف يظهر العديد من المشكلات التى تحتاج الى حل و يمكن لطالبات الدراسات العليا بعمل دراسة الماجستير و الدكتوراة فيها و بكده نكون عملنا شى صح اما الكتب الدراسية يمكن شرحها من خلال عدد معين من المحاضرات مع مقارنتها بالواقع و تكون المحاضرة عبرة عن حلقة نقاشية تغذى العقول بالافكار اعلم ان هذا قد يتكلف الكثير و انه حلم و لكن اتمنى ان يتحقق .
2- اتمنى ان يكون التعليم ليس تجارة بمعنى ان تكون الدورات و الكتب فى متناول جميع الطلاب باسعار بسيطة فهناك من يكون محب للتعليم و لكن ظروفه لا تسمح
3- اتمن ان يكون هناك قواعد تسير عليها الكليه و خاصة فى مرحلتى الماجستير و الدكتوراة و ان يتم الاعلان على السيمنار و مناقشات الرسائل من خلال المنتدى و ايضا الاشارة الى التعليمات التى يشار اليها فى السيمنار و ايضا كتابة عنوان كل موضوع ماجستير او دكتوراة تم الموافقه علية و اسم الطالبة و المشرف فهذا يسهل الكثير لمن يريد ان يسجل بعد ذلك .
اما عن الاشراف فاتمنى ان يتم تغير القواعد الخاصة به و الا يتم التحكم فى الطالبات من قبل الدكاترة
و فى النهاية جزاكم الله خيرا

هو ليه يا جماعة ما فيش حد من الدكاترة بيرد علينا فى الموضوع ده و لا حتى حضرتك يا د خالد ده لان احنا بنقول كلام و خلاص و ما فيش حاجة هتتغير و لا ايه

والله العظيم فى ذهنى نفس السؤال من بدرى : هو ليه احنا عمالين نتكلم ومحدش بيناقشنا ؟؟؟

بس قولت بلاش اصلى شكلى كده هتاخد امن دوله