كلام ايه ده بقي؟؟

السلام عليكم
طبعا بعد ما حدث في الكلية بتاعتنا وبالاعم جامعة القاهرة سمعنا اخبار عن تأجيل الدراسة لجامعة القاهرة لأجل غير مسمى
وان رئيس الجامعة طلب كل عميد كلية انه بقدم استقالته طب ايه وضعنا بقي احنا تبع الجامعة والقرار ماشي علينا ومش هنيجي تاني لحين اشعار اخر
والا ايه بالضبط ياريت د/ خالد او د/ محمد عطا يرد عليا

وده رابط الموضوع للمزيد http://mix20.blogspot.com/2011/03/blog-post_3908.html

السلام عليكم ورحمة الله وبركاته
يا باشا الزمان احنا شفنا الخبر زيك فى اليوم السابع على النت لكن من شوية على القناة المصرية
فى برنامج المذيع خيرى كان هناك اتصال مع دكتور عمرو عزت وزير التعليم العالى والبحث العلمى وسأله عن
هذا الموضوع فذكر د عمرو أن هناك اجتماع للمجلس الأعلى للجامعات غدا وأن عمداء الكليات فوضوا د حسام كامل رئيس الجامعة
لو الاستقالة للصالح العام فهم مفوضينهم بالاستقالة ولكن ده متوقف على اجتماع المجلس الأعلى للجامعات كما ذكر د عمرو عزت
والله أعلم ، وفعلاً لو فى قرار أكيد سنعلم به كلنا إن شاء الله
السلام عليكم ورحمة الله وبركاته

شكرا لرد حضرتك د: هند
بس ربنا يستر بقى
واكيد ياباشا الزمان اللى هيطبق ع الجامعة هيطبق علينا احنا كمان

شكر ا للافادة يا دكتورة هند وبنشكر حضرتك علي وجودك معانا الايام اللي فاتت

بس والله الواحد خايف من التاجيل ده ده احنا ماصدقنا انه باقي كام شهر عشان نتخرج
ربنا يستر
جزاك الله خير يا دكتورة
ومنورة الموضوع يا نانو

وتتوالى الاخبار علي جريدة اليوم السابع وبعد الاجتماع الذي عقده د/ حسام كامل
واخر الاخبار تأجيل الدراسة بكليات رياض الاطفال والطب البيطري وطب الاسنان واخلاء جميع المدن السكنية


وده نص الخبر

تأكيدا لما انفرد به اليوم السابع أمس بتأجيل الدراسة، صدرت أوامر للطالبات المقيمات بالمدينة الجامعية بجامعة القاهرة بضرورة إخلاء المبنى اليوم، بعد أن تقرر تعطيل الدراسة بالجامعات، وتأجيلها إلى أجل غير مسمى فى ظل تصاعد الاحتجاجات الطلابية.

وفى الوقت الذى استجاب فيه البعض للتعليمات رفضت بعض الطالبات إخلاء السكن.

وأغلقت كليات الجامعة خارج الحرم الرئيسى للجامعة أبوابها أمام جميع الطلاب، ففى كلية الطب البيطرى منع الأمن الإدارى الطلاب من دخول الكلية، وأخبرهم بتأجيل الدراسة، وهو نفس ما تكرر فى كلية رياض أطفال، وكلية طب الأسنان، وعدد من الكليات.

وكان قد تم إخلاء المدينة الجامعية أمس واليوم للطلاب والطالبات بجامعة سوهاج، بناء على أوامر مشددة بإخلاء المبانى، بعد تأجيل الدراسة حسب ما أكده عمداء الكليات لليوم السابع.

فى حين أكد الدكتور ماجد الديب رئيس جامعة عين شمس، أن الأوضاع فى الجامعة مستقرة، وأنه لا نية لتأجيل الدراسة بها، وهو ما ينطبق على فرع دمياط بجامعة المنصورة

وكانت الدراسة بدأت السبت الماضى بـ9 جامعات هى جامعات القاهرة وعين شمس وأسيوط والزقازيق والمنوفية وجنوب الوادى وبنى سويف وبنها وفرع دمياط بجامعة المنصورة، أبدت استعدادها لبدء الدراسة بها، إلا أن اندلاع المظاهرات بها أدى لتأجيل الدراسة.

يا جماعه حد يرد علينا من الدكاتره هو فى دراسه بكره ولا لا

السلام عليكم حياكن الله
ايوة فى دراسه بكرة عادى والخبر موجود فى موقع مصرواى واللى قاله وزير التعليم العالى
بس الكليه عندنا شكل الاسبوع دة مش فيها دراسه

يا اساتذتى الكرام حد يرد علينا علشان يكون مصدر موثوق فيه

عودة الدراسة في جميع الجامعات بدأ من الغد
http://gate.ahram.org.eg/NewsContent/13/54/47099/%D8%A7%D9%84%D8%A3%D8%AE%D8%A8%D8%A7%D8%B1/%D9%85%D8%AD%D9%84%D9%8A%D8%A7%D8%AA/%D8%B9%D9%88%D8%AF%D8%A9-%D8%A7%D9%84%D8%AF%D8%B1%D8%A7%D8%B3%D8%A9-%D9%81%D9%89-%D8%AC%D9%85%D9%8A%D8%B9-%D8%A7%D9%84%D8%AC%D8%A7%D9%85%D8%B9%D8%A7%D8%AA-%D8%BA%D8%AF%D8%A7-%D9%88%D8%AD%D8%B3%D9%85-%D9%85%D8%B5%D9%8A%D8%B1-%D8%B1%D8%A4%D8%B3%D8%A7%D8%A6%D9%87.aspx

يوووووووووووووووووووووووووووه بقي

ايه الحيرة دى

فعلا يا هنودة الواحد مش عارف فى دراسة والا مفيش دى حاجة تحير
وايه حكاية المدينة دة كمان يارب سترك وعفوك ورضاك عنا يارب العالمين

______________________________________

لا تشتكى من الايام فليس لها بديل ولا تحزن على الدنيا ما دام آخرها الرحيل
واجعل ثقتك بالله ليس لها مثيل فهو القادر وهو على كل شئ وكيل .

R.V انتى تقصدى ايه بحكاية المدينة دى انا مش فاهمه هو فى حاجه حصلت

هذا الخبر تم الأعلان عنه في التليفزيون- وذلك حتى الآن
ويمكن متابعة مطالبكم بشكل متوازي مع الأنتظام في الدراسة
كلنا بنحب بلدنا وده انا متأكده منه وممكن مع الأصرار نحقق مطالبنا
ولكن على مستوى كليتنا او جامعتنا لايمكن أن نوقف حركة العمل والأنتاج لبلدنا
برجاء عدم تعطيل عجلة الأنتاج
اللى بيحب بلده ما يخربش
رئيس الوزراء ها يزهق من كتر ألالاف الشكوى المعروضه عليه - أعطوا له فرصة علشان ننقذ بلدنا