المشاركة في تأبين الدكتور أنسي قاسم

السلام عليكم ورحمة الله وبركاته ويعد

طالباتي الأعزاء
أخبركم انه خلال الايام القادمة سوف يقام في الكلية تأبين للدكتور الغالي أنسي قاسم رحمه الله وأقوم الان بإعداد كتاب تذكاري سيصدر قريبا جدا يضمن سيرته الذاتية ومجمل أبحاثه وصور عديدة له وكلمات شارك في كتابتها عدد من أساتذة الكلية وأدعوكم للمشاركة بكتابة بعض الكلمات عن الراحل الغالي لكي أقوم بضم بعض منها في الكتاب التذكاري...اتمنى أن تصلني المشاركات على الايميل التالي yasmonty@hotmail.com

رحم الله الفقيد لأننا مهما فعلنا فلن نوفيه حقه علينا

تحياتي وتقديري

شكرا لحضرتك يا دكتور وجزاك الله خيرا
فعلا دكتور انسى يستحق اكتر من كده
وان شاء الله نشارك ونبعت
لحضرك اجزاء من محاضراته وامثلته الشهيره اللى كان بيقولها فى المحاضره

جزاك الله كل الخير يا دكتور خالد ، لن تتصور مدي سعادتي عندما قرأت الموضوع ، فهذا هو الوفاء بحق ، وهو واجب علينا جميعا تجاه استاذا علمنا الكثير والكثير من علمة وفضلة ، فإن كان "من علمني حرفا صرت له عبدا" فكيف يكون الوفاء لمن علمنا كل شيء ؟

مش عارفه اقول ايه بصراحه

بس الموضوع جميل و انا على انتظار تحقيقه وشكرا ليك يا دكتور خالد على اهتمامك بالموضوع ده

و طبعا دكتور انسى لسه فى بالنا لحد دلوقتى ..

جزاك الله خيرا دكتور خالد
نحن ننتظر بشوق ولهفة نزول هذا الكتاب

الله يرحمك يادكتور انسى

انا عمرى ما شوفت د\انسى حمه الله لكن بجد حزينة كل الحزن انى اجهل تلك الشخصية التى يتحدث عنها الجميع والتى اود ان اعرف الكثير عنها ولذلك ففكرة الكتاب جميلة جدا وشكرا لدكتور خالد ذلك الصديق الوفى الذى لم ار مثله من قبل

شكرا يا دكتور وجزاك اللة خيرا
وهذا اقل شىء نقدمة لابانا العزيز الذى رحل بجسدة فقط وترك لنا اجمل الذكريات التى ستستمر معنا مدى الحياة
واتمنى ان يشارك كل من عرف دكتور انسى فى هذا الكتاب فمهما فعلنا لن نوفية حقة علينا

الفكره دى جمليه ياريت تتحقق بس ياريت تم الاعلان عن موعد التأبين قبلها بفتره على المنتدى لانى خريجه الكليه ولا احضر الى الكليه الاقليل واتمنى احضر هذا اللقاء والحصول على الكتاب انا وكثير من اصدقائى
وشكرررررررررررا

السلام عليكم:
أولآ أنا بشكر حضرتك جدآ على أهتمامك بتخليد ذكرى أستاذى العظيم رحمه الله . ثانيآ أنا أول مره أتواصل على المنتدى فى موضوع يخص د/أنسى رحمه الله لأنى بشعر بأشعر بألم شديد كل ما أتذكر أنى مش هشوفه تانى لكن أنا دلوقتى حاسه بسعاده أنى هقرأ كتاب بيخلد ذكراه و كنت أتمنى أن يكون مدرجات الكلية (1-2-3)أحداهما بأسم د0أنسى ر حمه الله و اسكنه فسيح جناته

السلام عليكم ورحمة الله وبركاته وبعد..

بالله عليكم جميعا كل هذا طبيعي .....فلم تصلني حتى الان أي مشاركة على الاطلاق للراحل الغالي الدكتور أنسي قاسم

فقط لكي أذكركم أن يوم الأحد أخر موعد قبل ذهاب الكتاب إلى المطبعة

تحياتي وتقديري

عذرا يا دكتور خالد

اعزرنا بجد .. انشغلنا فى الكليه وتسليم الشيتات والوسايل وحاجات كتيره

واكييد مكناش شوفنا اخر معاد والا مكنش ده هيبقى رد الفعل ابداااااااااا

بس اتمنى يكون الكتاب لسه مش راح يطبع

و انا عندى ملخص المادة اللى كان دكتور انسى الله يرحمه عاملها للمادتين اللى ادهملنا

ف لو ينفعوا فى الكتاب .. هرفعهم لحضرتك

وبالنسبه لبعض الكلمات اللى حضرتك طلبتها .. فلو نقصد بيها الخواطر اللى بعض البنات كتابتها فى المنتدى

ف انا ااقدر باذن الله اجمعها لحضرتك و ابعتهالك ان شاء الله

بس ياريت يصلنى الرد من حضرتك ان الكتاب مش راح يطبع علشان معملتش ده بدون فايده

واعتزر مره اخرى على اللى حصل بس انا كنت داخله بدور على الموضوع ده النهارده وفوجئت برد حضرتك

اسفه مره اخرى ..