حاجه تغييييييييييييييييييييييييييييييييييييييييظ

شيئ جميل اوى اننا نطلع المبنى نلاقيه نظيف وحاطين زرع والاغرب التواليت لاول مره مفتوح وحاجه بصراحه زى الفل بصراحه اتبسطنا واستغربنا ف نفس الوقت لكن استغرابنا مااستمرش كتير بنت من الكليه والحمد لله انها من الكليه عشان مايتقالش ان انا ضد الكليه دايما قالت ده عشان المؤتمر بكره يتشال وكل حاجه ترجع تانى بقى بجد دى مش حاجه تحرق الدم هما اللى ف الؤتمر بنى ادمين واحنا لا والله حراااااااااااااااااااااااااااااااااااااام

هههههههههههههههههههههههه والله يا سميه انا قولتلهم حاجه غريبه قوي
عارفه قولتلهم ايه؟؟؟؟؟؟؟؟؟؟
قولتلهم ياااااااااااه الورد اللي ع السلم ده انا بشوفه كل يوم هما مش ناويين يشلوه بقي كل يوم ورد ورد كده
وعلي راي اللي قال الصراحه راحه يا روحي
هنقول ايه بس؟؟؟؟؟؟؟؟؟؟؟؟؟؟؟

والله ياجماعة بجد انا اتضايقت جدا.ز.....لدرجة ان الدادة اللى كانت واقفة جمبى لاحظت وسمعتنى ببرطم بالكلام
قامت ردت وقالت :عادى ماالبلد كلها ماشية على نفس النظام

خدوها حكمة من افواه الدادات:كبرى دماغك عشان تقدرى تعيشى,وسلملى على النظام

مش هقدر اقول غير حسبنا الله ونعم الوكيل

يا بنات شويه شويه براحه احنا ممكن نغير كل شئ لكن مفيش حاجه
هتيجى من يوم وليله ولا ايه ؟جه بقى دورنا اننا نطالب بوجود حاجات زى دى
ونساعد فى وجودها والاهم من كده اننا نحافظ على ده
ومتنسوش يا بنات ان فيه ناس كتيره فى الكليه مش بتحافظ اصلا على
نظافتها وده حقيقى ومننكرش كده
انا طبعا مش ضدكوا لكن بدل ما نزعل يلا بينا نغير
وتبقى (دعوه للتغيير)للافضل طبعا
ولا ايه رايكوا؟

انا معاكى يا سمية برضة استغربت اوووووووى واللى يضحك انة لحد قاعة الوتمرات بس اللى فى الورد لو كملتى السلم مش هتلاقى ولا حتى فجلة
انا مع الكلام بتاع التغير بس قبل ما نبدا افتكر ان من المهم اننا نلاقى اهتمام من المسؤلين باللى هانعملة ونلاقى تشجيع على الاقل مش نعمل وكمان ومافيش تشجيع او اهتمام افتكر لازم يكونوا موجودين

انا معاك ان فى ناس مش بتحافظ ع النظافه بس برضه معلش حكايه المحافظه دى شماعه بنعلق عليها الحجج سورى يعنى البلاعه البايظه اللى ف التواليت ومغرقه الدنيا ماء نعمل فيها الحنفيات اللى مابتتقفلش وغيره وغيره ومعلش يعنى ده لو حتى الواحد بيحافظ ووقعت منه ورقه ع الارض عشان يجبها يغرق تراب وكما مدرج طويل وعريض مافهوش غير سله ماتتحطش ف اوضه صغيره تكفى ايه ولا ايه ده احنا ف امتحانتنا لقينا حاجه غريبه اوى الكراسى كلها تراب وفى فوطه ع اخر كرسى يعنى اللى عايزه تنظف يا بالفوطه يابهدومها والله مش حاجه تنقط نشتغل ونتبهدل ف مواصلات وندفع فلوس ونيجى نمتحن ننظف والله ربنا يصبرنا