فضيحة قناة الاسرة والطفل

بالمصادفة وانا اقلب فى قنوات التليفزيون شاهدت قناة الاسرة والطفل وهى كما تعلمون مهتمة بشئون الاطفال والاسرة المصرية
برنامج عادى مقدمته تجلس وسط ثلاث أطفال لا يتعدى عمرهم الثلاث سنوات ،ماذا كان يحدث
مارايته وسمعته كان مفاجأة مذهلة بالنسبة لي الاطفال يغنون احدى الاغنيات ولكن هل تعرفون ما هى الاغنية انها أحدى الاغنيات الشعبية الهابطة يغنيها احد الاطفال ويشاركه الطفلان الاخران والأغرب من ذلك انا المذيعه لا تنهاهم عن ذلك بل تشجعهم ويمكن ايضا تغنى معهم ليس ذلك فحسب بل انها بعد ان انتهوا من تلك الوصلة اقترحت عليهم اغنية اخرى من نفس العينة هل هذا ما وصلنا اليه؟ هل الطفل المصرى اصبح هذا هدفه وتففكيره واهتمامه اننى ارى ان ذلك فضيحة بكل المقاييس ويجب ان تحاسب تلك المذيعة والمسئولون عن هذا البرنامج الذى يخرب عقل الاطفال
وفى النهاية اضع تلك الواقعه امامكم انتم ايها الطالبات المسئولون عن تربية عقول الاطفال علموهم العلم والدين والاخلاق علموهم ماينفع هذا البلد ولا تفعلوا كما فعلت تلك المذيعة فالمسئولية بين ايدكم ومستقبل مصر انتم تصنعوه
شكرا

بصراحه شيء مؤسف وكل دي افكار من الخارج عشان يدمرو تفكير الطفل المصري بس قبل مايجي دور المعلمات فين دور الام وازاي حد عاقل يسيب اولاده امام تلك الاشياء عدم وعي الام هوالمشكله الكبري وبيجي هنا دور المعلمه من عمل ندوات بشكل مستمر وتوعيه الامهات وهتي لو كان صعب زياره الام يمكن بخطاب رقيق لفت نظر الم لمثل هذه الاشياء ويارب فعلا نكون سبب تغير تلك الافكار والنهوض بهؤلاء الاطفال للامام

هو ده العيب واحده مش متخصصه ازاى تقدم حاجه زى دى
صحيح صدق من قال ان الطفل المصرى من ازكى اطفال العالم ولاكن للاسف قبل تتدخل الكبار فى تنشئته

للاسف ده بقى العادى

بس اكييد دورنا احنا كمعلمات رياض الاطفال اننا لما نكون فى موقفها نوقف المهزله ديه

انا شايفة انكم مكبرين الموضوع يعنى هو الطفل ده مش عايش فى الدنيا وبيسمع الاغانى دى فى كل مكان
هى مش المزيعة يعنى اللى عرفتهم الاغانى دى هما غنوها يعنى عارفنها من الاول
انا شايفة ان لا المذيعة ولا القناة عملو حاجة يعنى
وبعدين مش معنى ان طفل يردد اغانى سمعها
ان هو ده هدفه لا طبعا الطفل من حقه يغنى
ويمرح ويعمل اللى فى نفسه الى جانب
اهتمامنا بتربيته وتعليمه

معاكى حق يانوسه الطفل والمذيعه عملوا ده من باب المرح واللعب
وبعدين يعنى ماهى كل الاغانى اصبحت بهذا الشكل وهولو الطفل سمع حاجه غير دى ما كان غناها

شئ جميل ان بعد ما كتبت الموضوع ب4 شهور يبقى فى تعليقات عليه لحد دلوقتى وده ان دل على شئ يدل على ان الموضوع لقى الاهمية المطلوبة وده الهدف وكمان انا مبسوط ان فى اراء مختلفة حول الموضوع
اما بخصوص تعليق نوس وبوبا- فا اسمحولى اختلف معاكم لان ده مش مبرر ان الطفل مسمعش غير الاغانى دى
كمان جهاز التليفزيون جهاز عام وخطير والمفروض انى ينتقى الموضوعات والافكار اللى بيطرحها على الجمهور لانه بيدخل كل بيت فى مصر فاذا كان الطفل فى بدايته بيغنى اغانى لليس لها قيمة فمال بالك اذا نشأ على هذه الافكار والمعتقدات بالتاكيد مش هايكون له هدف وهايكون سطحى جدا
كذلك فان الطفل فى هذه المرحلة يحتاج الى غرس القيم والمعتقدات الصحيحة والجادة حتى تنشأ معه وتكون اتجاهه فى المستقبل وانتم ادرى من بذلك
اشكركم مرة اخرى على التعليقات واتمنى دائما مشاركتكم