السلام عليكم و رحمة الله .. اولا انا عارفه يا جماعة ان الموضوع ده جديد شوية عليكم ان حد يعمل إعلان من النوع ده بس بجد لو كنتم فى الموقف ده اكييد ممكن تعملوا اكتر من كده ..الشخص اللى هتكلم عنه ده قريب ليا و مشكلته انه مش قادر يلاقى عروسة مناسبة ابداً .. طبعا هتقولوا ازاى ده يبقى اكيد مواصفاته مش قد كده عشان كده محدش راضى بيه و لكن الحقيقة غير كده تماما يا جماعة هو ماشاء الله مواصفاته احكموا عليها بنفسكم ،ولكن المشكلة انه مش لاقى مواصفات البنت اللى بيدور عليها نهائيا كأنها متخلقتش !
بجد أمانه عليكم يا بنات اى واحده تلاقى فى نفسها الصفات ديه او يكون عندها فى معارفها حد فيه صفات البنت المطلوبة هنا ياريت يرد عليا و يبعتلى رسالة على الخاص و الله الموضوع مش هزار بس ده آخر حل انا وصلتله عشان احاول اساعده يلاقى البنت اللى بيدور عليها .
و ديه المواصفات بتاعته و مواصفات البنت اللى هو طالبها زى ما قالتلى اخته ...
مواصفات أخى :اسم اخى : أ.م ( اول حرفين من اسمه و اسم والده
)
السن : 27 سنة
الوظيفة : مبرمج فى شركة برمجيات خارج مصر
الشهادة : بكالوريوس تجارة جامعة القاهرة ( تم تغيير مجال العمل عن طريق الدراسة الحرة )
الطول : 173
الوزن : 73
القوام : متناسق و رياضى
لون البشرة : أبيض قمحى
الحالة الأجتماعية : أعزب
الأمكانيات المادية : مرتفعة نسبيا – يمتلك شقة فى مدينة السادس من أكتوبر الحى الثانى
سكن أسرة الزوج الحالى : المهندسين
ملاحظات :
الحمد لله الذى أنعم على بأخى فهو و لله الحمد ملتزم منذ الصغر و على خلق جم (و و الله مش بمدح فيه عشان اخويا) يراعى الله فى كل اموره يصلى فى المسجد منذ كان فى الصف الخامس الأبتدائى و ماما و انا بنحبه جدا و كمان محبوب من كل اللى حواليه و حنون ورومانسى جدا و كمان ملتحى و غير مدخن و يكره التدخين بشده و هو حاليا هنا فى مصر فى اجازة طويلة شهر و نصف و انيق فى لبسه جدا ووسيم و بيحب القراءة و الكتابة و بيروح جيم يوميا و ماشاء الله مثقف الى حد كبير و سافر دول كتير و بيتحدث الأنجليزية بطلاقة ، مش عارفة اقول ايه كمان ... اااه أدى فريضة الحج و عمل عمرتين كمان
المواصفات التى يريدها فى الزوجة :السن : من 21 الى 24 و ممكن 25 يعنى لو فيها كل المواصفات التانية
التعليم : تكون جامعية – ياريت لو بتتكلم انجليزى كويس ( يعنى لو أمكن )
الدين : طبعا لازم تكون ملتزمة
الزى : تكون محجبة حجاب سليم و مش شرط نقاب بس يكون لبسها واسع و يفضل ميكونش بنطلونات .
الطول : لا تقل عن 163 عشان متبقاش قصيرة بالنسباله
الوزن : يكون متناسب مع الطول ده متبقاش ممتلئة ولا رفيعة قوى
القوام : يكون متناسق
البشرة : بيضاء او قمحية ( يعنى متكونش سمرا)
الشكل : تكون جميلة (منقصدش ملكة جمال بس كفاية ان الأنطباع الأول لأى حد يشوفها انها تكون جميلة)
المستوى الأجتماعى : يكون مناسب يعنى متوسط او أعلى
السكن : تكون من منطقة متوسطه او جيده (يعنى متكونش منطقة شعبية عشان التوافق الفكرى بس )
ملاحظات :
أخويا بيتمنى تكون انسانه رقيقة المشاعر و مرهفة الحس و ملتزمة فى لبسها و تفكيرها و عايزة تربى ذرية صالحة و مطيعة لزوجها (على فكرة أخويا مش دكتاتور و كل حاجه بيعملها بإقناع الطرف الآخر و استشارته) و يفضل لو كانت بتروح مسجد و بتحفظ قراآن او بتروح دروس و اسرتها أسرة ملتزمة و مفيهاش حد بيدخن .
--------------------------------------------------
و على فكرة لو تعرفوا الشيخ محمد حسان كان أجاز ان لو واحد ملتزم شاف حتى واحده فى الشارع صدفة و اعجب بيها فيجوز ليه انه يكلمها و يحاول ياخد رقم والدها بغرض الزواج فلما سمعت الفتوى ديه قولت طيب ما يكون أولى لو انا سبت هنا اعلان زى ده و الأخوات هنا ماشاء الله كتيير و هيكون الموضوع اسهل كتيير فى اننا نوفق أخوة لينا فى انهم يبدأوا حياتهم المبنية على الألتزام الدينى و التكافؤ الفكرى و اننا بس نستغل أحد امكانيات الأنترنت و منتدانا ده فى عمل الخير و أكيد لينا ثواب كبير عند ربنا .
آسفة على الأطالة و فقكم الله الى ما يحب و يرضى .
موضوع: عندى عريـــــــــــس !!!!!!!!!!!!!!!!!!!!!! 
