أخصائية للتعامل مع الطفل اليتيم

تاريخ التسجيل : 09/05/2009

السلام عليكم ورحمة الله و بركاته

أنا أريد التواصل مع أخصائية تربوية متخصصة في التعامل مع الطفل اليتيم جزاكم الله خيرا.. ياريت يا جماعة اللي يعرف أي أخصائية متخصصة في الموضوع ده أو يعرف أي أخصائية تربوية عامة عندها خبرة في الموضوع ده يبلغني أرجوكم لأن الموضوع مهم جزاكم الله خير

و ربنا يجعل ده في ميزان حسناتكم ان شاء الله

و بكرر ان الموضوع مهم جزاكم الله خير

تاريخ التسجيل : 27/01/2009

مفيش احتياج للتخصص جدا في الموضوع ده يعني مفيش اخصائية لطفل يتيم لكن المهم ان تكون واحده عندها وعي زياده شويه بطبيعه الطفل في الوضع ده انه هيكون له اتجاهات كتير صعبه شويه وطبعا تكون عندها قدر كافي من المشاعر اللي تقدر تعوض بيها الطفل ده
بس ده هيختلف في طبيعه الطفل نفسه يعني هل هوه يتيم بس ولايتيم معاق يتيم ام واب او واحد فيهم بس سنه كام
حضرتك ياريت توضح تفاصيل يعني مثلا عايزين حد مقيم مع الطفل ولا عايزين حد يتواصل معاكم بس بالمعلومات
وربنا يقدرنا كلنا نساعد في حاجه زي كده

تاريخ التسجيل : 09/05/2009

جزاكي الله خيرا على سرعة ردك..

أنا فعلا لاحظت ان الموضوع ده مش موجود كتخصص بحد ذاته والله أنا أتمنى اني اتواصل مع اي وحدة حتى لو عندها خلفية بس..

الأطفال هي يتيمة أب و أم يعني موجودين في دار أيتام و هم معظمهم سن 4 و 5 سنوات

المشكلة مش عارفين ازاي نوصل للأطفال بعض المفاهيم خصوصا ان بدأ بعض الأطفال يستفسر عن حاجات بنعجز ان احنا نجاوب عليها الرد المناسب و بنجاوب بردود مش عارفين هل هية دي الردود السلمية في الوقت ده ولا لأ..
يعني مثلا مرة طفل سأل "هوة ليه كل اللي ييجي يشوفني بيمسح على راسي؟" سؤال بالطبع محرج و لازم حد يكون فاهم ازاي يجاوب عالطفل بدون ان يشعره بالجواب الحقيقي الا في الرد المناسب

و مثلا واحد اخريسأل " هوة أنا ليه عندي أكتر من ماما ؟" و حاجات من هذا القبيل.. فكنا محتاجين متخصصة تربوية في التعامل مع الاطفال لو تقدر تساعدنا في الموضوع ده على هيئة ندوات مثلا تديهلنا بحيث تعرفنا ازاي نتعامل مع الأطفال دي و لا تتخيلي الموضوع ده هيفيدنا قد ايه و ممكن الندوة دي تكون يوم واحد فقط في الأسبوع يعني مش هيبقى الموضوع فيه مجهود كبير او عطلة ليها..

و لو فيه أي معلومات تانية حضرتك عاوزة تستفسري عنها هجاوبك ان شاء الله
و جزاكي الله كل خير

تاريخ التسجيل : 27/01/2009

انا كده مش محتاجه اي معلومات تاني من حضرتك وانشاء الله في اقرب وقت هحاول اشوف لحضرتك اما واحده تكون خريجه لها خبره كفاية او نعمل للمشرفين علي الاطفال دول ندوه عندنا في الكلية بس المشكله طبعا ان اليومين دول امتحانات عشان كده التواصل هيكون صعب شويه بس عقبال ماالامتحانات تخلص هنزل موضوع ان اي بنت عندها معلومات كفاية تكتبها لحضرتك
وربنا يجازيكوا خير علي الاطفال دول

تاريخ التسجيل : 09/05/2009

جزاكي الله كل خير.. و احنا كلنا في فترة امتحانات دلوقتي برضه و عالعموم زي مقلت لحضرتك هية ممكن تبقى زي ندوة أسبوعية و الموضوع ده هيفرق معانا جدا وربنا يجزيكم كل خير و يوفقكم في الامتحانات ان شاء الله
و شكرا جدا لمساعدتك

» يوم اليتيم .......
» ماذا فعلت فى يوم اليتيم
» قسم اعلام الطفل
» الرجل=الطفل
» الطفل و السلحفاة