مشاعر جمهور الاهلي

بجد يا جماعه تخيلو جمهور الاهلي كان بيشجع اللعيبه في الوقت بدل الضائع وفي نهايه المطش بثواني
وكاد الاهلي ان يخرج من البطوله
ولكن الجمهور الاهلاوي صمد وقال مقوله
بجد انا اما سمعتها عيطت
وهي:
(الدوري ياشباب ..وحياه عبد الوهاب)
لكم ان تتخيلوا تدفق المشاعر بين لعيبه الاهلي والجمهور
وبعدها ادخل احمد فتحي(اسجدوا اسجدوا) الجووووون الفيصل الذي اعاد الينا روحنا
معلشوا انا بقول علي احمد فتحي كده والله من كتر احترامي للراجل ده فعلا
واصراره علي السجود لله اولا
الحمد لله
وعقبال منقهر الاسماعيلي والزمالك باذن الله

أنا عن نفسى مش فقدت الأمل لأخر لحظة لأن بعيدا عن أى تعصب الأهلى فعلا كان الأفضل و يستحق الفوز عن جدارة .
المهم الحمد لله على الفوز وان شاء الله الأفضل هو اللى هيفوز بالمطش الفيصل و البطولة هتروح له , و ربنا يوفق الأهلى كتير و يكون الدورى من نصيبه ان شاء الله .

ياسلام عليكي يا يويا شكلك اهلاويه جامده بجد فرحتيني
وربنا يسمع منك
من بوقك لباب السما زي ما بيقولوا
ياااااااااااااااارب وناخد البطوله بقي

ان شاء الله الاهلى يفوز وياخد الدورى وحتى لو مش فاز بردو مفيش مشكلة وانا عن نفسى مش حتضايق لان فعلا مش الاسماعيلى اللى حيبقى خد الدورى حيبقى الاهلى اللى سابه لان الاهلى اضاع نقط كتير اوى فى الدور الثانى من الدورى ولو كان الاهلى فاز بهذه الماتشات كان خلص الدورى من زمان زى كل سنة بالاضافة ان فعلا الاهلى
فى السنوات اللى فاتت شبع جماهيره بطولات وفوزومحدش حيزعل اوى لو خسر الدورى بس ان شاء الله حبيكسب الدورى علشان يرتفع مستوى الاهلى تانى لان بصراحه المشكله حتكون فى المنتخب لان لما الاهلى بيكون كويس المنتخب بيبقى كويس ومحدش ينكر ان المنتخب لما فاز ببطولة 2006 و2008 كان فى الفتره دى الاهلى متألق جدااا فى افريقيا وخد البطولة الافريقية ووصل اليابان مرتين ورا بعض وكان وصل لقمة تألقه فالمنتخب كمان وصل لقمة تألقه فبجد ياريت يرجع الاهلى لمستواه علشان المنتخب يرجع يتألق واللى معترض على الكلام ده يرجع لفريق المنتخب سنه 2006 و2008 ويشوف الفريق فى الوقت ده كان فيه كام لاعب من الاهلى وده مش تقليل من الفرق الاخرى بس ده كان الواقع فى الفتره دى وياريت كل الفرق تتالق علشان المنتخب يتألق هو كمان ويصل لكاس العالم

إيه يا جماعة الروح المعنوية العالية دى
كويس ان انتوا عارفين النتيجة من دلوقتى
وعموما مبروك للاسماعيلى مقدما ويلا تبقوا تعوضوها السنين الجاية

اخواتكم :بندقة وفذدقة باى باى

يا بندقة انتى و فذدقة لو كان فيه كلمة حلوة قلوها و الا السكوت أفضل , و بعدين احنا مش بنتكلم كتير لأن ده مش من طبيعة النادى الأهلى العظيم و جماهيره , و اللى انتوا متعرفهوش ان الفريقين يعتبروا كسبانين و المباراة ما هى الا تحسين مركز , و احنا كلنا كأهلوية متفقين ان الفوز للأفضل ان شاء الله .
و بعدين بصراحة لا مجال لتدخل الزملكاوية لأنهم مش بينفسوا على البطولة مع احترامى الكامل لهم و لحبهم للاسماعيلى .
أهلاوية للأبد

أولا يا فتاة القران كلامى كان موجه لبندقة و فذدقة و ده بسبب الكلام اللى كتبوه , ثانيا و ده الأهم ان اسمك فيه كلمة القران أى العدل و أظن انك قرأتى ردهم اللى خلانى أرد عليهم كده و بعدين اقرئى كل ردودى فى الرياضة قبل متتهمينى و انتى هتعرفى لوحدك انا روحى رياضية و لا لأ .
و على العموم أنا قلتها قبل كده و هقولها تانى : احنا كلنا فى الأول و فى الاخر اخوات , و على العموم أنا بعتذر عن كلامى لو كان زعلكم منى .

السلام عليكم جميعا
انا كمان بشكر فتاة القران وبندقه وفذدقه علي ردهم الرائع
وبشكر الاهلاويه اللي احترموا الزمالكاويه اوي
وان شاء الله الدوري اسمعلاوي
والزمالك قاااااااااااااااادم وبقوة

انا اسفة يا يويا لو كنت ضايقتك لانى ما قصدتش ,,,وعامة بلاها الكورة اللى ممكن تزعلنا من بعض
وانا رديت عشان انتى رفضتى الزملكوية عامة غير انى متأكدة ان روحك رياضية بس زعلنى رفضك لمشاركة الزملكاوية,,,اسفة مرة اخرى

ايه ياجماعة .الموضوع مش محتاج كل الجدل ده.لان فى الاول والاخر الدورى هيروح للى يستحقه..واحنا فى النهاية هنرضى بالفائز وهنقوله مبروك كمان لان زى ما يويا قالت احنا روحنا رياضية جدا *هو ده اللى يميز جماهير الاهلى* اما الزملكاوية من حقهم يشاركوا ويشجعوا بس بما ان فريقهم مش موجود فيكون التشجيع للعبة الحلوة مش لمجرد التحيز وبس كل اللى يهم ان الاهلى لا ياخذ الدورى.احنا مقتنعين ان الاحسن فى الملعب هو الفائز والبطل
وان شاء الله الدورى لللاههههههههههههههههلللللللللللللىىىىىىىىىىىىىىىىىى...
وديه امنية من مشجعة اهلوية وان شاء الله تتحقق ::

مش هرد ع الزمالكاويه غير اني اقوووووووووووول
خدنا الدوري رغم انف الحاقدين المشككين
وكفايه علينا ان الزمالك قلل من نفسه وساب المطش وباع نفسه كمان للاسماعيلي
وفي الاخر الاتنين خدواااااااااااااا صابونه
واهلي اهلي

الف مبرووووووووووووك لكل الاهلوية
اهي دي بقي الروح الرياضية
تهنئة من الزملكوية والاسماعلوية

شكرا بندقة وفذدقة على التهنئة
واحنا بنرحب بالروح الرياضية
مبرووووووووووووووووووووك لاهلى ولكل الاهلوية