ازاى تخلى الشباب يحترموكى

بسم الله الرحمن الرحيم

السلام عليكم ورحمة الله وبركاته

الموضوع ده يهم بناااااااات كتير جدا وخاصة اللى منهم فى الجامعه او اللى
لسه حيدخلوا الجامعه وهو يخص جميع البنات وعلاقتهم مع الشباب عموما فى اى
مجال

"الاحترام"

اهم حاجه لازم البنت تتميز بيها وفى الموضوع ده احب اقدم نصايح تخلى البنات تجبر الشباب على احترامها

اولا::

نبدأ اولا بمظهر البنت شكل البنت يعنى طريقة اللبس اول ما بيلتفت اليه
الشاب شكل لبس البنت وطبعا مش قصدى انه يكون غالى ومن افخم الملابس
والازياء الباريسيه ولا تكون البنت لابسه اكسسوارات بالشئ الفلانى لا قصدى
على احترام البنت فى ملابسها سواء محجبه او غير محجبه يعنى متكونش لابسه
حجاب ولبسها ضيق او لابسه جيبه قصيره او تكون مش محجبه ومنعكشه شعرها
وعملاه بالجل كل ده بياثر فى طريقة معاملة الولد للبنت وحتى ان كان بيقول
انا ميهمنيش المظهر بس خليكوا واخدين بالكم ان معظم الولاد بياخدوا بالهم
من النقط الصغيره دى وتلقائيا ممكن تلاقى التعامل بعد كده بيتغير ويقل
الاحترام

وطبعا اللبس مش دليل على احترام البنت الكامل لنفسها لاننا بنشوف بنات
لابسه لبس اخر احترام وواقفه تهزر او تتكلم باسلوب مش ظريف مع الشباب

ثانيا::

دى حاجه بقى ممكن البنات متاخدش بالها منها وهى هزارها او طريقتها فى
الكلام مع البنات صحابها يعنى تقف وتضحك بصوت عالى اوى وتهزر ويكون
حواليها شباب وناس كتير فبكده اى شاب حيشوفها اكيد حيقول انها مش محترمه ،
يعنى راعى دائما يكون اسلوبك فى الهزار ظريف ولطيف ويليق بيكى كبنت وعامة
كثرة المزاح بيضيع هيبة واحترام البنى ادم

ثالثا::

نيجى بقى على طريقة كلامك مع زميلك اولا بلاش الصوت العالى ثانيا حاولى
دائما تتكلمى مع اى شخص باحترام وادب وحتى ان كنتى بتشوفى الاخرين بيسخروا
منه يعنى ببساطه تكونى بتتعاملى بذوق مع الكل

رابعا::

دايما تحطى قواعد وحدود مع اى حد يتعامل معاكى وخااااااااااااصة فى موضوع
الهزار احذرى الهزار مع الشباب وخاصة ان الشباب اصلا فى تعاملهم بيحبوا
يضربوا بعض فى الهزار يعنى لازم تحافظى على احترامك وتضعى حدود فى التعامل
من الاول واذا كنتى خجوله واتحطيتى فى الموقف ده غصب عنك لازم تاخدى موقف
وتبصيله بصه بشذر كده ولا تعبريه حتى وان جه يتاسف تأنبيه وتفهميه انك
انسانه بتتعاملى معاه باحترام ومتقبليش الهزار بالاسلوب ده

خامسا ::

انتى اه فى فتره الشباب ولازم تتفسحى وتخرجى بس حاولى ان لو حتخرجى مع اصحابك بنات وشباب(يعنى الجروب بتاع اليومين دول)

تحاولى ان ميكونش كلامك مع واحد فقط عشان متلفتيش الانظار عليكى ويتكلموا ولاحظى ان سمعتك هى اللى بتعطيكى الاحترام

واخيرا لكم منى كل الاحترام وتمنياتى ان الموضوع يفيدكم

ورجاءا ان اى حد من الشباب او البنات اللى حيقروا الموضوع لو عندهم اى
تعليق او اى ملاحظات او اى اضافه يضيفوها على الموضوع على طول لانى اتقبل
اى نقد

واتمنى منكم الردود سواء الموضوع عجبكم او لأ

_________________

تاريخ التسجيل : 19/05/2009

انا من راى ان الشباب عشان يحترموا بنت مش احنا الي نرد
الشباب هما الى يقولواااااا احنا بنحترم دي عشان ايه
انا سالت اخويا وجوزى قالوا ان تكون البنت محترمه في لبسها يعنى واسع والوانه مش ملفته
وتكون البنت لا مصاحبه ولاد ولا حتى الزماله بحكم انه زميلها في الكليه البنت المحترمه الى تحس ان ربنا مراقب كل افعالها وحركاتها ونزرتها

تاريخ التسجيل : 12/05/2009

[b]علي فكره موضوعك جميل جدا وعندك حق في كل اللي قولتيه واشكرك علي مجهودك

تاريخ التسجيل : 29/04/2009

انا من رايي البنت المحترمة من ناحية لبسها ان يكون لبسها واسع وفضفاض الزي الاسلامي ومش يكون الحجاب فقط
اما بالنسبة للتعامل فالبنت ليس لها تعامل مع شباب ولا تصاحب اولاد اما اذا كان الامر اضطراري في موقف ما واكيد بتحصل لازم يكون بكل احترام وبكل خجل
اسفة علي الاطالة

تاريخ التسجيل : 03/05/2009

انا مع توتى فالرأى

تاريخ التسجيل : 12/04/2009

انا كمان مع توتى
الموضوع جميل جدا

» خلطه تخلى ايدك لمبه
» ازاى تحرقى دم اى ولد؟؟؟؟؟؟؟؟؟؟؟؟؟
» اتخيل العضو الى قبلك نايمـ هتصحيه ازاى..؟!
» تعلمى ازاى تدوخى خطيبك بالتليفون اجرى بسرعه
» ازاى ترخم على اللى نايم