فرص عمل

تاريخ التسجيل : 27/01/2009

السلام عليكم
ازيكوا يابنات اخباركو ايه يارب تكونوا بخير انا عايزة ادردش معاكوا
اولا انا في سنة رابعة وكنت عايزة اعرف شوية حاجات منكم
- ايه فرص العمل اللي اتوفرت ليكوا بعد التخرج وبدون احراج المرتبات كام.
- هل في واحده فيكم اشتغلت بغير التخصص طب ايه هوه الشغل ده.
- عملتوا ايه في الوسايل اللي كنتوا عملينها قبل كده مع العلم ان فيه بنات شغل ايديها حلو جدااا.
- فيه واحده فيكم فكرت تعمل مشروع لوحدها وعملته ولا لا.
- فيه حد عنده استعداد يشارك في مشروع بالمجهود طبعا .

وكفايه كده واتمني منكم التفاعل والرد لانكم اكيد بكده هتفيدوا بنات كتير كمان علي حسب الرد بتاعكم هندردش
في وظايف ممكن تناسب حد فيكم.
وشكرااا للجميع

تاريخ التسجيل : 10/03/2009

و عليكى السلام و رحمة الله و بركاته:
الحمد الله أنا بخير يا رب تكونى بخير و ربنا يوفقك فى الأمتحانات
بصى فى شغل فى المدارس و الحضانات و المرتبات من 150 و أنت طالعة على حسب المكان
_أنا عن نفسى لا أعرف حد أشتغل فى تخصص تانى
_ فى البيت منوراه
_أه كثير و الموضوع بيكون كويس فى الأول و بعدين بيموت (الله يرحمهم)
_يعنى على حسب المشروع ايه و مدام مع حد جميل زيك يا توتة أكيد هنفكر بجد

ربنا معاكى يلا شدى حيلك علشان تتخرجى بسرعة
ملحوظة:
التقديم فى المدارس يبدأ فى شهر 6 حاولى أول ما تخلصى تقدمى متستنيش الشهادة

معلش طولت عليكم
يلا سلام

Mad

تاريخ التسجيل : 27/01/2009

اهلا بيكي ومطولتيش ولا حاجه انا مستغربه ليه البنات مش كتير بيردوا بس يمكن عشان مشغولين
انا اصلي سمعت ان مرتبات المدارس يوم مبتزيد قوي بتوصل600جنيه مش اكتر من كده عشان كده فكرت في مشروع حضانه بس طبعا ده عايز ترتيب كتير وعايز اهم حاجه المكان اللي هيتعمل فيها وبعدين فكرت ان فيه بنات كتيييير شغلهم اليدوي حلو جدا فقلت ليه مفتحش محل منتجات يدوية وبس هيكون عليه اقبال خصوصا لو في مكان كويس .
انتي ايه رأيك ياسي سي

تاريخ التسجيل : 10/03/2009

جميلة قوى فكرة الأعمال اليدوية بس محتاجة يكون معاكى بنات شغلهم حلو قوى و عندهم تحمل مسئولية علشان الموضوع يمشى و يكونوا أصحابك قوى علشان أفكاركوا تكون واحدة و تكونوا فاهمين بعد و تشيلوا بعض و قلبكم على المشروع مش حد داخل تسلية و خلاص ربنا معاكى .

تاريخ التسجيل : 26/05/2009

ازيك ياسى سى عامله ايه انتى خريجه دفعه 2007 لو من الدفعه عرفينى بنفسك علشان انا دفعه 2007 لو كده نتعرف ماشى

موضوع: رد: فرص عمل الأحد 31 مايو 2009, 6:39 pm

ازيك يا توته
علي فكره موضوع الشغل دا بيختلف من مكان لمكان
والرواتب علي فكره مش كويسه

بس لو اشتغلتي تبع الحكومه بعقد هايبقي افضل لان طالبين اليومين دول تعاقدات كتيره جدا وتقريبا هايخدوا كل اللي قدموا ويقال ان في تثبيت بعد خمس سنين وهاتخدي 350جنيه ومكافأه امتحانات

انابصراحه ماقدمتش السنه دي ادعولي الحق الدراسه الجديده بس في حاجه انا سألت عن وظيفه في خاص لقيت الراتب 120 جنيه

اكيد الواحد نفسه يشتغل لوحده بس بيخاف الموضوع يفشل

وربنا يوفقك

تاريخ التسجيل : 06/06/2009

السلام غليكم
ااعرفكم بنفسي انا خريجة 2003 فخورة اوي اني خريجة رياض اطفال Cool

وعايزة اقولكوا ان خريجي الكلية مطلوبين جدا بس في مدارس المعادي والتجمعات و6 اكتوبر انا الحمد لله اشتغلت في مدارس كبيرة زي مصر 2000 ومنارة الايمان واخيرا دcairo international collage ودي مدرسة امريكية مرتبي فيها 700 king

جنيةوفي مدارس يتدي اكتر خصوصا لانهم بيهتموا بالتخصص بس انا المدرسة الامريكية دي بجانبي علشان كده مروحتش بعيد وبالتوفيق ان شاء الله cheers

تاريخ التسجيل : 27/01/2009

ربنا معاكوا كلكوا ومعانا احنا كمان بس بصراحه يامروه ديه حاجه مش مطمناني يعني خريجة من2003ومرتبك700بس طب مثلا يعني صحباتك ممكن يكونوا وصلوا لغايه كام احسن الواحد سمع ان ممكن تشتغلي ب1000وفوق الالف كمان عايزة اطمن

الموقع : مع أحبابي تاريخ التسجيل : 17/07/2009

بصي ياقمر يمكن ديه أول مشاركه ليا بس حبيت أقوليك ماتقلقيش من الشغل أنا خريجت دفعت 2005 والحمد لله أتعرض عليا شغل كتير بس أهم حاجه تسرعي في تقديم الأبليكاشن بتاعك في كذا مدرسه وربن يوفقيق

تاريخ التسجيل : 11/03/2010

السلام عليكم ازيك يا مروة حمدى
انا خريجة2009و عايزة اسالك سؤال هو الى بيتشتغل فى مدرسة اجنبية زيك لازم يكون متقن لنفس لغة المدرسة الاجنبية و لا مش لازم اصل انا عايزة اقدم فى المدارس دى
لكن انا مش متقنة للانجليزية و بصراحة خايفة اروح المدارس دى يقابلونى بالرفض و شكرا ليكى يا مروة و ربنا يوفقك

تاريخ التسجيل : 28/04/2011

بصى يا توتة الجميلة بالنسبة للشغل فى المدارس كتير جدا وفى كل المستويات وفعلا زى ماقالوا المرتبات من 200 ولغاية 1000بالنسبة للخريجين لغاية ست سبع سنوات خبرة
وبالنسبة للاقدم بتوصل الرواتب لغاية 3000 جنيه بس نصيحة من اخت كبيرة وانا على فكرة دفعة 1992 الدفعة الاولى خذى خطوات منظمة اثناء عملك تساعد على ارتفاع مرتبك

اهم خطوة جدا جدا جدا أبدئى وبسرعة فى أخذ دورات لغة انجليزية قوية واستمرى بها حتى الاتقان التام للغة والتحدث بها اتقان اللغة يحول راتبك الى الضعف وأكثر
ولا تصتصعبى أبدئى الموضوع لا يأخذ منكى أكثر من سنتين أو ثلاثة على الاكثر لكن فائدته للعمر كله وخصوصا انك لسه فى البداية وذلك اثناء عملك

الخطوة الثانية استفيدى بالعمل فى اى مكان حتى ولو الراتب قليل فى الاول لان ذلك يعتبر سنوات خبرة فيما بعد تزيد من راتبك واحرصى على أخذ شهادة خبرة من اى مكان عمل او ما يثبت عملك فى المكان

يعنى اللغة اللغة اللغة مع سنوات الخبرة

الاهم ان تفخرى انك خريجة كلية رياض الاطفال وعندما تتقدمى للعمل فى مدارس او حضانات خاصة حذارى ان تعطى لهم احسساس بالضعف او رغبتك الشديدة فى العمل لديهم ولكن كونى فخورة بتخصصك وما تعطيه لهم من مادة علمية لهم فيها رغبة كما لك فى العمل رغبة
بمعنى اصح تعاملى معهم على أن الاحتياج بينك وبينهم متبادل لان العمل الخاص
يتعامل مع الضعيف بشكل وقح جدا ومع القوى بشكل محترم جدا جدا
وديه خبرة عمل عشرين سنة اهم شىء القوة والاعتزاز بمؤهلك عند التقدم للعمل الخاص انا كان لى تعيين فى الحكومة لانى الدفعة الاولى ولكن لظروف خاصة بى تعاملت مع المدارس الخاصة و الحضانات
بالنسبة لسؤالك عن فتح حضانة خاصة انا فتحت حضانة خاصة وكانت ناجحة ولكن كانت مشكلتى اننى كنت مأجرة المكان وانت عارفة طبعا الايجارات عالية من شروط نجاح مشروع الحضانات الخاصة ان يكون عندك مكان ملكك وان تكون امكانياتك المادية تسمح ان تصرفى عليها لمدة سنة دون اخذ عائد منها بمعنى اصح عشان تنجح لازم يبقى معكى رأس مال كبير وتتوقعى المنافسات من الحضانات المجاورة لكى وما سوف يفتح بعدك وينافسك فى تقليل المصروفات فتضرى الى تقليل المصروفات كما حدث معى حتى اصبح العائد لا يكفى مصروفات الايجار والرواتب
من وجهة نظرى تقوية اللغة والعمل افضل من المشاريع الخاصة وخصوصا مع احوال البلد الجديدة ومع العمل يمكنك ان تقومى بالاعمال اليدوية وغيرها وتسويقها من خلال مكان عملك وديه فكرة ناجحة جدا و مربحة انا شخصيا بنفذها منذ فترة بجانب عملى
و أخيرا اتمنى لك التوفيق واتمنى ان اكن افادتك وان اكون ما طولتش عليكى