مراقبة اللجان

انا كلامي ده مش كلام وخلاص ديه حاجة بتحصل في اللجان فعلا فيه لجان بتبقى هادية وبتخلي الطالبات تعرف تحل ويحسسه الطالبة انه فيه مراعاة لضغوط المتحانات ودول ناس يشكورا على كدة اما انا كلامي موجه للناس التانية اللي بيفضلوا يستفزوا البنات لحد ما البنت ترد عليهم وبيبقوا عايزين يسحبوا الورقة يااما يمسكوا حالة غش وكانهم بياخدوا فلوس زيادة على حالة الغش ديه فرجاء من اللجان يقولوا للمراقبين ملهمش دعوة بالطلبة طبعا مش في حالات الغش ولكن عدو استفزاز الطالبات دون وجه حق مش بيبقوا بيناموا في اللجنة والله بيناموا وبعد ما يفوقوا من النوم يستفزوا البنات فحرام وكفاية ضغط الامتحانات

شكرا لكى على ها الموضوع لانى الى متضايقة منة هو انهم بيقولوا نقفل الموبيلات وهما بيبقوا فتحين الموبايل وميحلاش الرن الا وفى الامتحان المفروض انهم قالو ان تقفل المو بيلات دة لمصلحتنا ولكن من المفروض ايضا مراعاة ان فية بنات متوترة بتنسى ممكن فى لحظة لو تعرضت للتشويش حتى ولو لم يكن قصدهم فى ذلك وممكن يخفضوا صوت النغمة او يعملوة سايلانت ولكن الصراحة انا لم اتعرض والحمد للة لما ذكرتية وفية بعض المراقبين افاضل وكويسيين ويحسسوكى ان انتى بنتهم اللى بتمتحن

السلام عليكم
بشكرك على الموضوع ده وبصفتى احد المراقبين فى الامتحان فانى بقولك عندك حق وفى مراقبين كتير بالذات فى اللجان اللى بعد الظهر بيكونوا عايزين يروحوا وكده وبيضغطوا على البنات وانا معاكى فى كده بس كمان عايز اقولك علشان نكون محايدين ان فى طالبات بتكون خلصت واغلقت ورقة الاسئلة ومصرة انها تجلس لحد اخر الوقت دون عمل شئ ولا حتى المراجعة وانا شخصيا حدث معى موقف كهذا طالبة كانت فى اللجنة وكانت اخر طالبة وكل الطالبات خرجوا وكانت خلصت اجابة والغريب انى سالتها هل خلصتى اجابة فاجابت بنعم قولتهلها مش عايزة تسلمى الورقة كان ردها مفاجأة لانها قالت بالحرف انا محتارة اخرج ولا استنى وان الأمتحان مش فارق معايا اصلا!! فما كان منى الا ان تركتها وذهبت بعيداً فقامت وسلمت الورقة بعدها مباشرة
وهذا ما يستفز المراقب جدا لانكم كما تعلمون هناك بعض السيدات التى تراقب فى الأمتحانات وتريد ان تذهب الى المنزل سريعا لادارة شئون منزلها كذالك قبل زحمة المواصلات وكلمك تعرفون المواصلات عندنا شكلها ايه . فاذا كانت الطالبة خلصت ولا تفعل شيئاً الا ان تجلس لاخر الوقت دون سبب فهذا شئ لا اراه لائقاً
اما بخصوص التعليق الثانى الخاص بغلق الموبايلات فهذا طبيعى ان تقوم الطالبة بغلق الموبايل فما الداعى ان تترك الموبايل مفتوح وهى لا تستطيع ان ترد عليه اذا كان هناك من يتصل بها بل لو ان الموبايل رن وهيه فى الامتحان ده يسبب لها مشكله مع الكنترول واصلا دخول البنت بالموبايل ده يعتبر شروع فى الغش اما بخصوص موبايلات المراقبين فلا يطلب منهم غلق موبايلاتهم وما السبب فاذا كان احد يتصل بهم فهذا شئ هام وهم حينما يردون على موبايلاتهم فانهم يخرجون او يتحدثون بصوت غير مسموع فهناك اتصالات بهم خاصة بعملهم فلا يستطيعون غلق الموبايل
هذا كان توضيح واعتذر عن الاطالة لكن الكالم فى الموضوع ده عايز وقت ومساحة اطول
محمد عيد

أنا شايفة ان البنات اللى بتمتحن هى كمان بتروح بيتها فى المواصلات زيها زى المراقبين ويزيد على ذلك ان معظم طالبات الكلية من الأقاليم وفى الأمتحانات لا أحد بيكون ساكن غالبا يعنى بيروحوا من القاهرة لمحافظة أخرى فلو كان عنصر الوقت صعب على أحد فأعتقد انه أصعب كثيرا عند الطالبات اضافة لتوتر الأمتحان ولأنهم لم يناموا طوال الليل ويسافروا من الفجر لو الامتحان الظهر يعنى مثلا سفر 3 أو4 ساعات قبل الأمتحان ومثلهم بعد الأمتحان غير ان المراقبين يتقاضوا أجرا مكافأة امتحان+مكافأة مقابل هذه المراقبة ويجب عليهم ما لم ينتهى الطالبات من الأجابة انتظارهم لأن هذا عملهم ويجب عليهم الأنتظار والقيام به على أكمل وجه وبالنسبة لكون معظمهم سيدات فمعظم الدكاترة عندنا فى الكلية سيدات وأكثر انشغالا ممن سواهم ومع ذلك لم تخصص لهم الدولة أو ادارة الكلية مواعيدا مبكرة عن الرجال للقيام بأعمالهم المنزلية ولم نسمع أن احداهم تذمرت من المواعيد قط وفى النهاية من لا يستطع القيام بعمله على أكمل وجه فلن يمنعه أحد من التنحى عنه لكن لا يجوز لهم ظلم أحد آخر

تكملة حديثى للأستاذ: محمد عيد .وبالنسبة ان فى بنات بتكون مخلصة هى ممكن تكون مخلصة ماهى متذكراه فى الوقت الحالى ولكن قد تكون تحاول تذكر شىء اخر أو تراجع ما كتبته فى ذهنهاأو تحاول تنسيق أفكارها فى ذهنها وهذه بالذات تكون بحاجة ماسة للهدوء والشعور بأن الجميع يعاملها كأبنة ويتمنى لها التذكر وليس اليأس والأكتفاء وترك الورقة أى شعورها برغبة المراقبين الشديدة سواء معلنة أو غير معلنة لتسليم الورقة والمغادرة ولكل قاعدة شواذ بالتأكيد أى لا ينطبق هذا الوضع على كل المراقبين فأنا أقر بأنه يوجد منهم الكثير وكأننا بناتهم كما انه أيضا لا تنطبق قاعدة البنت التى ذكرتها حضرتك على الجميع أى أنه ليست جميع الطالبات مثلها ولكن قد يكون الأنتظار يعنى التفكييييييييييييييييييييييييييييييييييييييييييييييييييييييييير رفقا بنا فان مايحدث معنا قد يحدث لأبنة أحد هؤلاء المراقبين أو لأى أحد ينتمى لهم وشكرا

السلام عليكم يا جماعة بجد اللى بيحصل فى اللجان دا حاجة مستفزةةةةة تبقى قاعدة بتحلى السؤال و مندمجة فى الحل و التفكير و تلاقى المراقب عاوز الورقة علشان يراجع البيانات و بعدها بخمس دقائق يتنى الورقة و بعها بشوية يديكى الكشف علشان تمضى و بعدها بشوية يدبس الورقة دا غير صوتهم العالى فى مين اللى هيدبس الورق و يريح زميلة بيبقة الواحد فى الحالة دى عاوز يصوت مع العلم انى لست معترضة على الاجرئات دى لكن اقلها يعملوها كلها فى وقت و احد و اسفة على الاطالة لكن بجد الموضوع دة بيدايقنى جدا و ارجو التعديل فية

السلام عليكم
waa83و
واضح انك مش قرأتى راسلتى بتركيز
ياجماعة انا مش ضدكم ولا انا بجد مبرر لكل السلبيات دى انتوا ليه مش بتقدروا تفهموا كلامى انا بجد بالطريقة ده مش هاقدر اعلق ولا اوضح راى فى الموضوعات اللى من النوع ده
ياجماعة انا مش بقول اعذار ولا انا ضدكم وانا قلت انكم عندكم حق فى اللى بتقوله وانا بشوف ده وفعلا مش بيعجبنى اللى بيحصل من المراقبين ولكن من العدل اننا نطرح وجهتى النظر وانتوا بتقولوا وجهة نظركم وهى صحيحة وانا كمان بقول اللى شفته علشان فى الاخر نكون محايدين وقلنا اللى لينا وعلينا علشان فى الاخر نوصل لحل ومش معنى انى بقول وجهة نظر مختلفة يبقى انا ضدكم
على فكرة المراقبين كمان بيعانوا من الطالبات فى الامتحان
ولو المراقبين مش بيعملكموا زى ولادهم او اخواتهم زى ما بتقولوا كانوا كا فى كل لجنة وكل امتحان من ثلاث الى اربع حالات غش بدون مبالغة ومعرفش واكيد فى منكم سمع او شاف المراقب هو بيطلع من الطالبة ورق خاص بالمدة بتغش منه ومكتوب على المساطر لو طبقوا القانون لكان بنات كتير اتحرمت من النجاح
فى النهاية انا مش ضدكم وانا معاكم ان فى سلبيت بس مش معقول المراقبين دايما بيغلطوا ومسمعتش من حد فيكم بيشكر حد من المراقبين كان ملتزم وساعدكم على الحل والنجاح
تقبلواوا تحياتى واشكركم
اه على فكرة احنا بناخد مكفافأة مراقبة بس

بشكرك فذدقه على تعليفك
وانا برضه هاعلق لان الموضوع ده واضح انه عامل مشكله كبيرة ليكم ولينا وانا برضه عايز اقول انى مش ضدكم وانى متعاطف معاكم ولكن الهدف اننا نطرحى وجهتى النظر زى ما قولت من الاول ،ومن فضلكم ياجماعة ياريت لو حد هايعلق فى الموضوع ده يقول بس هو فى سنة كام ودلوقتى نعلق على تعليق فذدقة.
اولا بالنسبة لتغير المراقبين فى كل مرة فهذا طبيعى وده الصح حتى لا يكون هناك تواطؤ بين المراقب والطالب وده كلام عام مش مقصود به احد
اما بخصوص مضايقة المراقبين بالشكل اللى بتقوليه فهذا امر لا يمكن السكوت عليه وخلينى اسالك لماذ لم تتقدمى بشكوى ضدهم وهل هؤلاء المراقبين من موظفى الكلية ام من خارجها
بل اننى الومك واعتب عليكى انك لم تتقدمى بشكون لان ده حقك وانا مستغرب طالما كلكم بتشتكوا كده من معظم المراقبين ليه مش بتشكوا
وبرده هاقولك وفى كل مرة ان برده المراقبين بيشتكوا من الطالبات بس برده مش بيشتكوا رسمى لان الموضوع بينكم وبنا بينتهى بمجرد ما تخلص اللجنة محدش بيقصد يزعلكم
شكرا لكم

اولا احب اشكر حضرتك على الاهتمام بالموضوع ثانيا انا فى الفرقة الثانية فى بعض الحاجات ايام الامتحانات فى اللجان كانت بتتعبنا من المراقبين اهمها فعلا حكاية الموبيلات الى كل شوية بترن كمان اول ما نخش من باب الجنة اكننا داخلين جهنم على الروشة الى بيعملوها من غير داعى والواحد اصلا بيبقى داخل مرعوب من الامتحان وهما بيزودوا الحاجة دى اكثر كمان الشخط والنتر الزائد عن الحاجة الى بيوترنا كمان اساليب بعض المراقبين المستفزة يعنى مثلا حصل معايا الموقف دة انا قاعدة فى اول الجنة وفى مراقب واقف قدامى وانا بركز فى الاجابة وبكتب راح خابط على البنش بطريقة جامدة جدا بجد انا اترعبت ودا كلة علشان فى ناس فى وسط المدرج بيغشو والحكاية عملها كذا مرة لغاية مخلانى بصراحةبصيت لة بطريقة رخمة طيب من الاولى انة يروح لغاية عندهم ويزعق لهم براحتة احسن ما يزهقنى انا من غير ما يكون لى ذنب. وعلى راى فذدقة دى ملخص لحاجات كتير تعبانا. واخيرا اسفة على الاطالة وشكرا

السلام عليكم
ترجوا انكم متكنوش زهقتوا من تعليقى لكن زى ما قلت انا هافضل اعلق حتى نصل فى النهاية حل يناسب جميع الاطراف
فى البداية لا شكر على واجب ده طبيعى انكم تلاقوا حد يهتم بالرد عليكم وده على فكرة الطبيعى وانا بحاول اتفاعل معاكم حتى نصل الى الهدف المنشود
ثانيا فذدقة وانا احب ياجماعة معلش تذكروا اسمائكم علشان يبقى سهل عليا اخاطبكم بيها فهمت من تعليقك ان الجهة الوحيدة اللى ممكن تلجئ ليها هى رئيس الكنترول وده صحيح لكن فى كمان حد مسئول عن طالبات الكلية من الناحية التعليمة وهو الاستاذ الدكتور/ وكيل الكلية لشئون التعليم والطلاب فيمكنكم عن حدوث اى مشكلة تقابلكم ان تتستعينوا وانا اعرف ان سيادة الوكيل الحالى مهتم جداً بالطلاب وبتزليل اى عقبة امامهم
اما بالنسبة لتعليق فرفورة فحقيقية انا انا حزين لما يفعله هؤلاء المراقبين وليس لدى تعليق غير ان اطلب منك انا تقبلى اعتذارى بالنيابة عن هؤلاء المراقبين
والشئ بالشئ يذكر فاسمحولى انا كمان استعرض بعض المشكلات او العقبات التى يواجهها المراقبين مع الطالبات وهذا ليس من قبيل النقد لكم ولكن حتتى تتلافوا مثل هذه التصرفات من خلال مشاهدتى ومراقبتى فى الامتحانات وان شاء الله سوف يتحسن الوضع
العقبة التى تواجهنى الان هو اننى اريد ان يقرأ أكبر عدد من الطالبات هذه العقبات حتى يتم الاستفادة المنشودة وانا محتار اكتبها فى اى قسم من اقسام المنتدى ياريت تقترحوا عليا اكتر قسم بيدخلوا طالبات الكلية كمان ياريت تبلغوا بعض حتى يقرأها اكبر عدد من طالبات الكلية
وانا منتظر اقتراحكم بالقسم الاكثر اقبال عليه
شكرا لكم وانا فعلا سعيد اننا بنقول مشاكلنا بحرية وبدون ضغوط

اولا احب اشكر حضرتك على تفاعلك معنا ثانيا اشكرك كثيرا على الاعتذار بالرغم من ان حضرتك ليس لك ذنب فى هذا وانك تعتذر بالنيابة عن تصرفات بعض المراقبين واشكر ايضا فذدقة على تفاعلها فى هذا الموضوع المهم ويارب نحاول نحل المشكلة دى قبل ماتيجى السنة الجاية علينا والامتحانات تهل.وانا بقترح انة يكون على قسم المشكلات والمقترحات او فى دردشة بنات زى ماقالت فذدقة وفى النهاية اشكررررررررررررررررركم

شكرا لتفاعلك معنا ا/ محمد عيد ولكن حضرتك لم تفهم كلامى انا عارفة كويس ان قفل الموبيلات بالنسبة للطالبات عشان الغش ممكن يكون من خلالة وانا معترضتش علية اما بالنسبة للمراقبين فكانت موبيلاتهم عبارة عن كل شوية رنات وقليلا ما يحدث اتصال هاتفى زى ماحضرتك بتقول انة بتبقى داخل العمل وكان قصدى ان الموبايل ينخفض صوتة شوية ولكن لم اطلب بانهم يقفلوة فخفض صوتة يقلل من توتر الامتحان وشكرا