زياااارة اوباما

يمكن في ناس تشوف ان الموضوع مش مهم او انو رخم ............بس اكييد اقل حاجة نعملها حتي علشان ثقافتنا اننا كلنا انهاردة نكون تابعنا ((زيارة الرئيس اوباما لمصر))وخاصة انوا كان ف يجامعة القاهرة انا عن نفسي تابعت كل مراسم الزيارة وكمان كل حتة من الخطاب عايزة اسألكم رأيكم ايه في الموضوع وكل الكلام اللي قالوا............ناس كتير اوي شايفة ان الحكاية الخطاب بتاعه كان منصف و انوا نصف المسلمين....بس انا شايفة غير كده خااااااااااااااااااالص الخطاب ده كان مجرد حاجة ديبلوماسية وانوا ضحك علي الناس كلها بطريقة انوا يحط قنبلة في طبق من ذهب وساوي في كلاموا بين فلسطين و اسرائيل وحاجات تانيه كتييييير......ها عايزة اسمع رأيكوا في الموضوع ده ياريت كل واحدة تقول رأيها بصراحة زي ما هي شايفاه................ومعلش طولت عليكم باي بااااااااااااي

شكرااااا ليكى فعلا الموضوع مهم جدا
انا شايفة انه اولا رئيس متواضع جدا ومحترم جدا وفي رأى ان هو فعلا بيحاول يعمل اى حاجة لتحسين العلاقات المصرية الامريكية ومش المصرية بس ولكن الدول العربية كلها بأمريكا وبخاصة العالم الاسلامى
وكان كل كلامة بيدعو للسلام وكمان ان القوات الامريكية هتنسحب من العراق
وانا معاكى ان كلامة كان دبلوماسي بس هو كان لازم يكسب المصريين الاول علشان يقدر يحسن العلاقات بعد كده
وعلى الاقل ان هو اول رئيس المريكى يعمل اعتبار للعالم الاسلامي وكمان ان هو بدأ كلامه بالسلام عليكم وختمه بآيات قرآنية.
ومن رأى انا شايفة ان كل الكلام ده جميل وفصالحنا
بس احنا منقدرش نحكم عليه الا في الفترة القادمة
علشان نشوف ايه اللى هيحصل بالفعل
ومعلش انى طولت عليكوا
شكراااااااااااا ليكي

[b]اولاشكرا ليكي علي الموضوع و الموضوع مش رخم ولا حاجة بالعكس ده جميل جدا انه يتفتح وكل واحد يقول رايه فيه وباعدين مفيش حد مهتمش بالموضوع ده من كبير لصغير
ثانيا / انا مش معاكي في ردك هو اكيد فيه دبلوماسيه بس اللي عرفك انو ضحك علي الناس الايام هي اللي هتثبت انو فعلن ضحك علي الناس ولا فعلا بجد وانا اصلا مش عندي ثقه كامله في انو ممكن يتنفذ بس اللي باين انو ان شاء الله يتنفذلو لقي حد يساعدوا من العرب
ثالثا/ رأيي في اوباما انه انسان ذكي جدا جدا وباين عليه انه غير الرؤساء اللي كانو قبله وانسان متواضع جدا وده باين لما راح وزار الاهرامات لو كنتي شفتيها كنتي هتشوفي مدي التواضع والناس حواليه بيتكلم معاهم وبيهزر ولا كأنه رئيس اقوي دوله وبعدين هو مقلش حاجه تضرنا ده بالعكس انه وضح للغرب حقيقة الاسلام لانهم فهمينه غلط
رابعا/ اسعدني جدا انه هيسحب القوات الامريكيه من العراق وديه اول خطوه ايجابيه
يارب يكون كلامه ده صح ويعملوا ان شاء الله لان العالم هيتغير لو ده حصل وربنا يقدم اللي فيه الخير
اسفه للاطالهhttp://www.shbab1.com/2minutes.htm

الموضوع جامد جدا

اما عن زيارة السيد اوباما تبدو جيدة ولكن الله اعلم بلي بعد كدة

يبان طيب كانوا عاملين استفتاء يوم الخميس بليل على قتاة الحياة وقالوا فيها ان نسبة الناس اللي مستريحين

لاوباما84% والناس اللي مش مستريحين ليه19% وانا من ضمن ال19% حتى يفعل ما يقول

وفعلا زي ما بيقولوا كذب النجمون ولو صدقوا وخلينا وراه لحد لما يعمل حاجة من اللي قال عليها لانه من

ساعط ما مسك الحكم وهو عمال يقول كلام ومفيش حاجة لسة اتنفذت

شكرا ليكى ..وفعلا الموضوع مهم
انا الحقيقة مش هقدر احكم عليه لانه لحد دلوقتى ماغلطش فى حاجة انه شايفة انه ذكى جدا وعارف هو عايز ايه بس الخوف ان اللى يكون عايزه ده يكون غير الظاهر لينا .. ربنا يستر ..
بس لحد دلوقتى انا بحترمه جدا وانا كنت متبعة الزيارة كلها والحقيقة خطابه كان كويس وهو كان لازم يكون دبلوماسى علشان يرضى جميع الاطراف واتمنى يكون فيه الخير للسلام فى المنطقة
واتمنى واو حتى تنفيذ جزء من كلامه او وعوده

يوجد مثل قديم يقول .. لا تذم ولا تشكر الا بعد سنه وستت اشهر

لا نستطيع ان نحكم عليه من مجرد خطاب

ولكن عند البدء الفعلي نستطيع ان نقول و نحكم

ارى سياسة اوباما كالحلوى لذيذة من الظاهر بداخلها سم قاتل ولكن حتى الان لست ادرى ما الهدف وراء زيارتة لجامعة القاهرة

شكرا لكم جميعااااااااااا وطبعا عجبني اوي ان الاراء المختلفي اللي شفتها و احلي حاجة ان ثقافتنا كلها بدأت تتوسع وتتغير..........وعلي رأي نرفانة ادينا كلنا اهو مستنين اما نشوف كل الكلام اللي قال عليه هيروح فين .........شكرا شكرا kitty ومريم و ايمي ونرفانة وهبة سالم

اولا الموضوع فى غاية الاهميه
ثانيا انا مع زينب فى كلامها واعجبت بردها لان هى دى الحقيقة عمر امريكا ماهاتوقف ضد اسرائيل فى
العرب ولا احنا نسينا سياستهم معانا يعنى وبعدين هما دول امريكا كلام معسول وضحك على الناس
ثالثا احب اضيف ان الشيوخ المسلمين ساخطين على هذا الخطاب جدا وبيقولوا اقراوا فى تاريخكم وذكروا ان نابليون جه قبل كده مصر والقى خطاب زى خطاب اوباما وطبعا انتم عارفين نابليون عمل ايه دول غرب احنا فى الاول والاخر اعداء لهم وعمرهم ماهايحبونا ولا يحبوا مصلحتنا