منتدى طالبات كلية رياض الاطفال الاسكندرية

هوا فعلا المنتدى فيه حاجات حلوه بس مش حاسه انه منتدى لكليه رياض اطفال .. حاسه انه ينفع منتدى عادى

لكن تقسيمات منتدى رياض الاطفال جامعه القاهره انا حباه جدااا ولو انى حاسه انى سايحه فيه شويه

و النقاط اللى هتكلم فيها .. فيها اللى عايز توضيح وفيها مقترحات لاقسام جديده :

1- محتاجين نعمل قسم للمناسبات والتهنئه للاعياد والنجاح لان موجود فى كل قسم دلوقتى تهنئه بالنجاح وكل ده متكرر

2- محتاجين نعرف القوانين اللى هنمشى عليها فى كل الاقسام وازاى نثبتها علشان يقروها كل الاعضاء الجدد ويلتزمو بيها
وده نموذج للقوانين اضافته الطالبه فراوله لقسم تكنولوجيا وانترنت

https://kg-cu.ahlamontada.net/montada-f13/topic-t228.htm#1101

3- قسم الفنون وقسم قصص وحكايات .. قسم الفنون فيه خلط بين اننا نحط فيه خواطر وشعر او نحط فيه انشطه فنيه للاطفال
وقسم قصص وحكايات فيه خلط بين القصص العاديه والتقليديه عن الحياه عمتا او قصص الاطفال اللى بتفيد مجالنا ..
و بخصوص النقطه ديه محتاجين نعرف ايه اللى ممكن نحطه فى الاقسام ديه بالظبط ! واذا امكن نحط الاتنين فياريت يتعمل قسمين فرعين فى كل قسم بمعنى ان قسم الفنون يبقى فيه قسم فرعى باسم انشطه فنيه وقسم فرعى للخواطر والشعر
وبالمثل قسم قصص وحكايات

4- محتاجين نعرف ايه اللى نضعه فى اقسام الفرق الاربعه وهل كل بنت مقيده بفرقه معينه تنزل مواضيعها فى الفرقه المقيده بها واذا كانت عايزه تضع موضوع فى اى فرقه تانيه شرط ان يفيد طلبات الفرقه فى المرحله المقيدين بيها بس ام انها اقسام للدكاتره اذا ارادو توصيل اى شئ للطلبات فرقه بعينها ولا ايه المطلوب بالظبط !

5- محتاجين نعرف قسم موسوعة طفل الروضه يختص بطفل الروضه من حيث ايه وايه المواضيع اللى ممكن نحطها فيه !

6- محتاجين يبقى فيه قسم لاخر اخبار الكليه وليس اخر اخبار الاسر فقط علشان نعرف ايه الانشطه والورشات اللى بدات
وده اكيد هنعرفه من خلال الدكاتره و اعلاناتهم عن كل الانشطه الجديده لمن يريد الالتحاق بها

7- اللى هتكلم عليه فى النقطه ديه مهم لكل بنت مشتركه فى المنتدى وهى .. علبه الدردشه .. ايه المقصود بوجودها وهل ممكن ان تتكلم البنات مع بعضها مع مراعاه اداب الحوار و وجود الاحترام بينهما ام علبه الدردشه موجوده لمناقشه الدكاتره فى المحاضرات فقط ام سيكون فى اوقات للمناقشات المحاضرات وباقى الوقت يسمح للطلبات انهم يتكلمو مع مراعاه الشروط التى ذكرتها !

8- النقطه ديه فيها شكل مقترح لاقسام المنتدى ككل

أ- منتدى رياض اطفال

* موضوعات متنوعه وتضم قسمين علوم نفسيه ،علوم تربويه
*الفرقه الاولى * الفرقه التانيه * الفرقه الثالته * الفرقه الرابعه
* موسوعة طفل الروضه (وتشمل المشكلات التى تواجهها المعلمه مع الاطفال فى الروضه )
* مشكلات ومقترحات واستفتاءات
* اخر اخبار الكليه ويضم قسم اخر اخبار الأسر
* قصص وحكايات الاطفال
* برامج و انشطه مختلفه ( انشطه فنيه وموسيقية للاناشيد وعلميه .. الخ )

ب- منوعات

* موضوعات عامه ومتنوعه
* اسلاميات
* تكنولوجيا وانترنت
* قصص متنوعه ومفيده
* نكت وابتسامات و صور طريفه
* خواطر واشعار
* المناسبات والتهنئه

ملحوظه .. اعلم جيدا ان كل ذلك سوف يأخذ من وقت حضرتك كتير لان نحن الان فى الدراسه ولكنى منتظره رايكم فى النقاط اللى اتكلمت فيها والتعديل لكى يقوم كل مشرف بدوره الحقيقى فى المنتدى وسرعه نقله للمواضيع المنتشره فى المنتدى لمكانها السليم وذلك قبل عدد المواضيع ما يكتر اكتر ويُشكل تعب على المشرفين ..

وفى نهايه كلامى احب اشكرك يا دكتور على انشاء المنتدى لانه فعلا ساعدنا كتيررر ومازال .. وطبعا اسفه جدااا على الاطاله