1-الولد ممكن يقعد عند الميكانيكي ويشرب عنده شاي معرفش ايه الميزه في كده بس اللي اعرفه ان البنت ما ينفعش تقعد عند المكانيكي
2-الولد يقدر ينهي مكالمه تليفون في اقل من دقيقه لانه مش رغاي يقدر يعمل مكالمه يقول فيها كل اللي عايزه بسرعه ودا معناه فاتوره تليفون اقل او كرت شحن عمره اطول البنت ممكن تخلص كارت شحن ب200 جنيه قبل ما تدخل في الموضوع
3- الولد لو سافر اجازه ايام كل اللي محتاجه بنطلون جينز واحدبس وتي شيرت وفوطه وفرشه سنان وفرشه شعر وجيل ويرميهم في شنطه علي كتفه 0 البنت لو هتسافر ايام عايزه شنطتين فاميلي سايز
4-الولد يقدر يفك الانبوبه وينزل ويغيرها وكمان يركب الانبوبه الجديده ويجربها 000 البنت كبيرها قوي ممكن تصرخ في المطبخ ياماما 000 الانبوبه فضيت
5-الولد يقلع جزمته في الشارع ويديها للراجل بتاع الجزم يلمعها له 000 البنت مستحيل
6-لو الولد رجع من مشوار في عز الحر ممكن يقلع هدومه اول ما يدخل من باب البيت علي طول
7-البنت ممكن كلمه صغيره تجرحها وتخليها تبكي000 الولد عنده طبقه جلد سميكه فوق مشاعره بتخليه يحس اقل وعمره ما يعيط0 ولو في مره عيط كل الناس تتهمه بانه بيعيط زي البنات0
8-لو فيه موسيقي شغاله صعب حد يقول للولد ما تقوم ترقص شويه0
9-لو الدنيا حر الولد يقدر يقوم يحط راسه تحت الحنفيه بدون تردد ولو حر قوي ممكن يشيل شعره كله بالموس
10- الولد مش مضطر يمشي بشنطه
11-في الاتوبيس او الميكروباص او المترو دايما الولد بيقوم للبنت علشان تقعد مكانه 00 عمرنا ما شفنا بنت قامت علشان تقعد ولد0
12-البنت لما تحط مكياج بتبقي احلي000 والولد لما يحط مكياج بيبقي مش مظبوط0
أنا قرأت الموضوع في احدى المنتديات وكتبته زي ما هو بس في تعديل صغير
بالنسبه للنقطه رقم 11 ده طبعا مبيحصلش
موضوع: الفرق بين الولد والبنت 
