يوم حسيت ان انا زهقانة

زى بقية خلق الله ...


يوم حسيت ان انا زهقانة

قمت خرجت اتمشى شوية
حاجة عادية .....
ماما قالتلى : يابنتى استنى...
أحمد أخوكى يروح وياكى
يعنى ياماما لآخر الشارع ؟ ... مش مستاهلة
بصوا وشوفوا إيه اللى جرالى
بس محدش يشمت فيا ....
إنت ياحلو ياحتت سكر...
..قشطة ياباشا ..
لأ دى بغاشة ...




فتح يااعمى انت وهو... قشطة ايه وبغاشة ايه ؟


هو محدش قابل فيكم مرة حورية ؟....


سيبك منهم ... بصى عليا ....

شوية شوية ...
سكن الخوف ف مفاصلى وسابت ....
وعيونى عن الشارع تاهت
هما ورايا ونازلين فيا معاكسة ياناس
وانا وحياتكم ناقص يغمى عليا خلاص
لأ والخيبة .....
فجأة ف لحظة لقيت قدامى ....
ست عجوزة وضهرها محنى ..
عمالة تعيط وتقولى ....
حسنة يابنتى ...
قمت وقفت فتحت الشنطة وهما ورايا




ااااااااااااه ياحنين


طيب ياخى ياريتنى انا شنطة عشان تمسكنى


أو تلمسنى ...





يخرب بيت اليوم الأغبر اللى خرجت اتمشى انا فيه

ماله الدش ؟؟؟؟

هو صحيح افلام واغانى تجيب الوش

بس اهو ارحم مليون مرة م اللى بيجرى ...

هوبا باطلع حاجة م الشنطة للغلبانة ....

هجموا عليا تقول شياطين ....

واحد خطف الشنطة وطار

والتانى مسكلى السكين

والتالت وف نص الشارع قال لو فيكم واحدة حتنطق

حنسيح دمها علطول


قبل ما أفتح بقى واقول....


اغمى عليا......

فقت لقيتنى بقدرة قادر جوه ف اوضتى
ماما وبابا اهم حواليا
وانا منهارة ف حالة ردية
قلت لمامتى ...
لو قلتلك يوم زهقانة ونفسى انا اخرج
سنكرى كل بيبان الشقة ياماما عليا

والله معاكى حق
بس بجد تسلم ايديك

شكرا يا بوبا على مشاركتك

دى ظاهرة بشعة فعلا معاكى حق بس تفتكرى هو دة الحل اننا منخرجش

يا حرااااااااااام اكييييييييييد الواحد لما يخرج بيزهق من المعاكسات بس اكييييييييييد الواحد بيتخنق من قاعدةالبيت

طبعا مش الحل اننا مانخرجش بس فعلا
زماننا ده صعب جدا والحاجات اللى بتحصل
اكتر من كده بمراحل,,هنعمل ايه بس
شكرا يا مها انتى وامونة