نصائح لعزومات ماقبل الزواج"البنوتات وبس"

أجمل ما في الخطوبة العزومات الرومانسية..
على أحلى محلات أكل في

البلد.. واللي عمرك مانتي شايفاها بعد الجواز..

المهم نصائحي لك عند
أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا
من إيديهم من الطرف
يعني مش م الوسط ولا من البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك..

ولا الرغيف نصين بأيدك وكل نص

لقمة وتحشري.. أوعي..

العيش بيتقطع بالسكينة في الطبق..

وبعدين تاخدي

لقمة.. لقمة.. بالعافية.. قال يعني نفسك مسدودة.. اضغطي على أعصابك

جدااا وبعدين لما تروَّحي.. إبقي حِفِّي زي

مانتِ عايزه....

3- الشوووربة.. أبوس كعب رجلك..

بند الشوربة ده مهم جدًاااا.. الشوربة

تتشرب من غير صوت خالص.. ومن غير ماتقعدي تنفخي فيها..
زي القهوجي
اللي بينفخ ف الحجر للزبون..

وطبعًاااااا عايزك تنسى تمامًا..

السلطانية اللي بتقيميها على بقك في البيت.

وتدلدقي على روحك..

بالمعلقه وبدون صوت..

سخنة ولعة برضه بدون صوت.. وتسيبي تلت الطبق على

الأقل.. مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة..

أوعي إيدك تتمد على المعلقة.. وتغرفي

من طبق الرز وتعبي.. إوعي.. الرز بالشوكة.. وكأنك بتبوسيه مش
بتاكليه..

5- المكرونة.. الاسباكتي.. برضه بالشوكة..

تتلف على طرف الشوكة.. لحد

ما تخلص وبعدين تحطيها في بؤك من سكات.. مش تشفطي المكرونة عود عود..

6-السمك.. مشكلة.. شوفي.. بتفصلي اللحم عن الشوك.. إزاي..؟؟

تقطعي اللحم >من النص..

بالطول وبعدين تفردي اللحم على الجانبين ولما تخلصي ناحية..

متقلبيش السمكة.. بلاش فلح..

شيلي السلسلة بالشوكة والسكينة وحطيها في

جنب الطبق وكملي أكل النص التاني..

وبدل الفيلم الهندي ده.. نصيحة..
ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-..
أول ماطبق الجمبري ينزل.. بصيله
بقرف واحتقار شديدين..

آل يعني زهقانة من كتر أكل الجمبري الجامبو في

بيت ببااااا.. وأتنهدي جامد وقولي.. برضه..؟؟؟

وتروحي قاطعة راس
الجمبريياية.. بالشوكة.. أنا في عرضك إنسي المصمصة دلوقت..

8- البطاطس سواء مسلوقة أو محمرة..

أوعي تهرسيها وتدبيها على الرز وتدي ...لا..لآ...لآ..

.بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك
بالراحة وحطيه ف إيدك وهي مقفولة.. وبعدين في طفاية السجاير اللي على
الترابيزه.. أوعي ياحبيبتي من نظام التفتفة للبذر.. إنسي....

10_ ولما تخلصي أكل تحطي أيدك على بطنك اللي عصافيرها بتصوصو من العينات اللي كلتيها وتقولي له مش ممكن..أنا عمري ما اتفجعت كده..
أنا قدامي أسبوع هابطل أكل فيه...
وبعدين تمسكي الفوطة اللي دايما موجودة عالترابيزة من غير لازمة..
وتبوسيها قال يعني بتمسحي بقك...

وتستأذني منه تدخلي التواليت تضربي لفة الفول والطعمية اللي شايلاها معاكي للطواريء وبالهنا والشفا ...

م ن ق و ل

طبيعتهم ايه ياعم بلاش فضايح خللى البنات تتجوز
هى نسبة العنوسة ناقصة ,,
شكرا على مشاركتك

لزوم الشياكة والكتاكيت برده خلليهم يدلعوا شوية
ويعملوا حاجات مش هتتعمل تانى

اقتباس :

لزوم الشياكة والكتاكيت برده خلليهم يدلعوا شوية
ويعملوا حاجات مش هتتعمل تانى

هههههههههههههههههههههههههههههههههههههههههههههههههههههههههههههههههههههههه
بجد موضوع موضوع يعني
يا فضـايحكم
دايما فاضحين نفسكم كده
انا مش هعلق
انا هقوولك
تسلمي تسملي على الموضوع الجامد دا
شوربة
ههههههههههههههههههههههههههههههه

ميرسى ليكى الموضوع بجد حلو جدا بس انا شايفة ان كل واحد على طبيعتة احلى

مرسى كتير على الموضوع

انتوا دايما كده دى حتى كاتبه انه للبنوتات بس شكلوكم وحششششششششششششششش اوووووووووووووووووى

اى خدمة ياعم ماندو مش حرمنكم من حاجة اه

شكرا ليكى يامها انتى ومرام

وجميل انك اخدتى بالك يانانو انه للبنوتات وبس
مش عارفة بيدخلوا كده فى كل حاجة ومش عاوزين نحرجهم
هههههههههههههههههههههههه

دانا كل الي اعرفهم ساعه الخطوبه مايكلوش خالص الى حاجات بسيطه وبعد الجواز ممكن يعملوا كده
ههههههههههههههه
ماتخافوش مش كل الناس

شكرا ليكى ياجوليت ..بس برده مافيش احلى من انك تكونى على طبعتك مع خطيبك
وكمان كده خليت فى ناس تشمت فينا

بس ياجوليت انتي مش شايفة انه هيشوف ديناصور متوحش بعد الجواز