بصوا الى عايز يدخل يدخل بس انا مش مسؤله

سلام عليكم....ازيك يا اسماء؟؟انا مش فاهمة انتى ايه الإنتقاد ده كله للى بيعلق على عيوب الأخ اللى اسمه مايكل

جاكسون؟؟!!!اذا حد اتكلم على عملياته تجميله و ميوله الغريبة او قواضى تحرشه بالأطفال اللى كانت كتيرة فده لأن

كل واحد سمع عنه فى اشهر وسائل الإعلام العربية و الأجنبية(اللى مش ممكن تحرف فى الأخبار)لكن موضوع اسلامه

اتقال كتير وسمعنا عنه بس كله كلام اشخاص ..انتى اتأكدتى منين انه اسلم؟؟ ياترى ده من اغنية

give thanks to ALLAHاللى الكل قال برضه انه هو اللى غناها مع انى متأكده ان اللى انشدها مطرب من

جنوب افريقيا اسمه (زين بيكاzien bekha)أسلم و بقى منشد ينشد أحلى الاناشيد الاسلامية ولو عملتى سيرش على

اناشيده هتلاقيها ضمن كل اناشيده...احنا لا قاصدنا نذكر مساوئ ولا حاجة ولا بنتعمد منذكرش المحاسن...لكن انا

فاكرة كويس انى شوفت برنامج امريكى كان عامل جولة فى الملاهى اللى بتقولى عليها والأرض بتاعته الخرافية اللى

اسمها تقريباnever landاللى انتى بتقولى كان عاملها للاعمال الخيرية كانوا بيقولوا انه كان بيستغلها للتحرش

بالأطفال ،،كان بيغريهم باللعب والحاجات دى...فمعلش ياريت تقوليلى اتأكدتى ازاى من خبر اسلامه؟؟انا مش بنكره

لكن عمرى ما سمعته من مصدر موثوق زى الاعمال السيئة اللى عملها بس اللى انا متاكده منه ان ليه اخ أسلم و عايش

فى احدى الدول العربية وشكرا ليكى...سلام عليكم

عندك حق يا اسماء
وعلي فكرة انا كنت سمعت اغنية اسلامية لمايكل جاكسون وممكن تعملوا بحث علي النت وتسمعوها

وبالنسبة لعمليات التحميل الكتير اللي عملها وده لانه كان عنده سرطان في الجلد عشان كده تلاقوا بياض وجه غير عادي

وكمان قبل مايموت كان عليه ديون كتيييييييييير

يا جماعه استحاله مايكل يكون اتحرش بالاطفال فى الملاهى لانه عاش ماساه فى طفولته وكان فى المحكمه وطلع براءه منها لانه استحاله يعمل كده هو اكتر واحد حاسس بيهم

يعنى برضه يا اسماء مش قولتلنا اتاكدتى منين من موضوع اسلامه؟؟؟؟؟؟؟؟؟؟؟؟؟؟؟

انا شفت صوره وهوه فى سوريا واتصور بداخل الجامع مع السعوديين ونطق الشهاده وقال ان شاء الله ولو مش مسداين لبحثوا فى النت

انا اعتقد انكوا بتتكلموا على واحد
احقر واتفه انكوا تعملوا موضوع عليه

دى شخصيه لا تذكر وياريت نتكلم عن رسولنا انبياءنا
مش على واحد كلنا عارفين كان بيعمل ايه بس بنحاول
نضحك على نفسنا

ان كان حلو او وحش ده لنفسه كل واحد منه لله
وكمان اثر عليكى باغنيه يعنى ايه

والصحابه اللى كان بيتسبقوا يدفعوا حياتهم من اجل الشهاده ونصر الاسلام
هما دول بجد اللى يأثروا واخونا الشهداء فى كل مكان هما دول بجد العزه

اعنقد ان المواضيع والاراء الخاصه عن حبك للمغنى فلان او الممثل فلان
دى حريه شخصيه
لكن لا تستحق اخذ مساحه من وقتنا

ياريت متزعليش لكن المرء يحشر مع من يحب ياريت تختارى احبابك كويس

انا مش قصدى ازعلك بس لانى احبك فى الله اريد مصلحتك

على فكره انا فى الاول متشكره على ردك لكن مع احترامى ليكى انتى فهمتى الموضوع غلط والنوضوع الى انا كتباه مش تافه ومش بيضيع الوقت وانا قلت الى عايز يدخل يدخل انا بناقش موضوع مهم بالنسبه ليع
اولا :فكره الموضوع الاساسيه الى انتى مش فهمتيها من الموضوع هيه الحكم على الغير من غير دليل حتى ولو مانت حقيره واظن عيب انك تشتمى شخص بالاسلوب ده احنا فى رمضان وده موضوع لازم تحترميه ولو حتى تحترمى الى كاتبه الموضوع مش عاجبك انتى حره دى وجهه نظر انا مش ضدها
ثانيا:المسلمين اكترهم فيها العاده ديه الحكم من غير دليل وده الفكره الاساسيه الى فى الموضوع الى كنت عايزهانكو تعرفوها لكن للاسف وقعتو فى نفس المشكله من ردودكو عليه حككمتوا على الشخصيه من مجرد كلام مش دليل حكمتوا بالظواهر
ثالثا :انا قاصده اجيب الشخصيه دى لانى عارفه انكوا هاتقولة كده عيه بس الشخص ده عمل الى كتير من المسلمين مش عمله بعيده على انه امريكانى او يهودى او اعماله عمموما لو كنتى قريتى او بحثتى وجبتى دليل كان ممكن تفهمى الموضوع انا مسلمه زى زيك باحب الرسول والصحابه نفسى ابقى زيهم وانا عمرى ما هاعمل موضوع حقير او تافهه لازم يكون غيه هدف ومش اى حد يقول حاجه نمشى وراه ونسافله لازم نتاكد والى يمشى وراه ده واحد مش فاهم اى حاجه
رابعا:متشكره على حسن اسلوبك ووصفك للموضوه بالتفاهه وعدم القيمه[i]

اختى الغاليه
انا لا اجرؤ انى اقدم لكى اى اهانه ولكنى اريد نصحك فقط
انا ليس لى اى مصلحه لعمل ذلك

ولا يصح انك تقارنى بين المسلم والكافر مهما كان سؤ المسلم
يكفى انه موحد بالله ويكفى عزته بالاسلام
وانا مش بمشى وراء حد لان وهبنى الله عقل افكر واقرر به

وياريت تصححى ثانيا

على كل حال متزعليش ممكن طريقه عرض الموضوع هى سبب سؤ التفاهم
اختى دمتى فى رعايه الله

بردوا فهمتى غلط انا مش باتكلم عليكى انا باتكلم عموما وانا مش بقارن بين مسلم وكافر لان اصلا مافيش وجه مقارنه ولا واحد فى الميه الموضوع كله ليه هدف واحد بس وهوه ان لازم احكم على حد بدليل مش بكلام ومش تزعلى منى انا مش قصدى اوجه الكلام ليكى انا اسفه مره تانيه

اختى يكفى اننى كسبت اخت فى الله
انا مقدرش ازعل من بنات عسل ذيكوا

لكى كل تقديرى وحبى واحترامى

السلام عليكم........
طبعا كل واحد حر فى طرح الموضوع الى يحبه
وانه يعبر عن افكاره وارائه بكل حريه واحترام.

انا بحب اغانى مايكل الدينيه اوى
ورايى فى قصة اسلامه
انه اذا اسلم فاسلم لنفسه
واذا لم فلنفسه برده

ننتظر منك مواضيع جامده موت

اختى فى الله اسماء:
احب اقولك انه للاسف سبايدر عنده حق فى كل كلمة قالها
ياريت تفكرى كويس فى اللى انتى قولتيه وربنا يعافينا ويسامحنا
لانه للاسف واضح ان فيه تناقضات كتير اوى فى حياتك
وللاسف برضه فى كتير من المسلمين زيك كدة
اتمنى من ربنا انك تقعدى مع نفسك وتفكرى فى طريقة حياتك من اول وجديد
ووالله انا قلت الكلام ده انطلاقا من حبى لبنات المسلمين
والله على ما اقول شهيد

هي التناقضات كلها صح يا spider شكرا ليك بعدين يا اسماء اذا كان مايكل جاكسون عملتيلوا قضيه طب و اخوانك و اخواتك اللي متحاصرين و اللي بتتقتلوا كل يوم في جميع انحاء العالم عشان قالوا لا اله الا الله محمد رسول الله معملتيش ليه قضيه و اتمسكتي بيها زي ما انتي متمكسه بالقضيه دي ليه
و الصراحه ده سلوك غريب من واحده مؤمنة زيك
و ربنا يهدي الجميع و اسف لو كلامي ازعجك

انا متاسفه بس انا حاولت اوصل الفكره على اد سنى ومش فكرت فى كل ده

وعلى فكره انا قلت انا مش مسؤله بس علشان تدخلو لانى بجد كنت تايهه ومحتاجه حد يناقشنى فى الموضوع وكل التناقضات الى انتو وضعتوها بجد انا مش قصدى اوصلها باطريقه دى

على فكره انا عندى14 سنه ومش تصورت ان الموضوع هايكون بالطريقه دى انااسفه بس انا مش مريضه نفسيا انا بس حاولت اوصل فكره على اد ما انا فاهمه ومش عرفت اوصلها بالطريق العاديه

اختى يكفى انك ادركتى خطأك

ونحن هنا نحاول مساعدة بعض على البر

وسبيدر يقصد ينصحك فقط صدقينى انه
انسان جميل جدا ومش ممكن يجرح حد

بس لو عايزه تتناقشى فى موضوع
احنا بنرحب بيكى فى اى وقت
لكن لازم انه يكون مفيد ومبيجرحش حد
وصدقنى فى ناس بجد يستهلوا اننا نهتم ونعمل مواضيع عشانهم مثل الصحابه والسلف الصالح وغيرهم

اخيرا اوصيكى بتقوى الله وحب الله ورسوله
واحنا فى ايام جميله ادعى ربنا انه يثبتك على الايمان

اللهم اصلح حال المسلمين وثبتهم على الدين
وانصرنا على كل الكافرين

اللهم اهدنا اللى اقرب من هذا رشدا

صغيرتى
دمتى فى رعايه الله

بصى ياقمر بما انك لسة صغيرة فكل الكلام اللى فات لمصلحتك
وانتى فى السن ده افكارك واعتقاداتك واحلامك وكل حاجة فيكى بتتبنى فى السن ده
وانصحك وانصح نفسى والجميع طبعا اننا نقرا فى قصص الصحابة وخصوصا الفتيان(اللى كانوا فى سنك) صدقينى فكرك هيتغير كتير للاحسن
واسفة لو كنت احتديت فى كلامى عليكى ثم انك اختنا الصغيرة يعنى لازم نشد عليكى عشان مصلحتك
ماشى ياجميل

اولا الموضوع ده مكرر ومفروض المشرفين يحذفوه
ثانيا سوال يااخت اسماء دى 3مره تكتبي فيها الموضوع ده واحنا اتنقشنا كتير وفي الاخر قولتيلى انا اقتنعت برايك وقولنا سواء اسلم ام ليسلم فامينفعش احنا المسلمين نحبه لان المرء يحشر مع من احب تحبي تحشري معاه وهو كان بيضل الشباب بموسيقاه واغانيه ذاد القواضي الي كانت ضده كلها كانت عن التحرش بالاطفال
وبعدين السوال هيجى هنا ايه غرضك من انك تعرضي الموضوع ده 3مرات من فتره لفتره



يااعضاء المنتدى المواضيع المتكرره ياريت تتحذف ومحدش يرد عليها