ايهما اسعد الولد ولا البنت

البنت بتتكلم براحتها فى التليفون وأبوها أو زوجها هو أللي بيدفع الفاتورة فى الأخر


البنت مش ملزمة تجهز نفسها أبوها أو البيه (خطيبها) هم أللي هايدفعوا دم قلبهم


مفيش حد بيبص على بدلة العريس كله بيبص على فستان العروسة


لو واحدة عملت مخالفة وعيطت شوية للضابط هايعديلها لو راجل هاياخد على دماغه


لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على زوجها


لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس

لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها على طول .... أما الولد فيدوب يلحق مكان ينام فيه جنب البواب




دلع البنات :
ياختى كميلة ( سنتين)
ياعسولة ( 5 سنين )
ياعروسة ( 12 سنة(
ياقمر ( 18 سنة )
يا هانم ( 40 سنة)
يا أم العيال ( 50 سنة )
يا ست الكل ( 60 سنة)



دلع الولاد :
أنت ياد ( 10 سنين )
أنت ياشحط بقيت طول الباب ( 18 سنة)
يا راجل ( 40 سنة )
ياعم الحاج ( 50 سنة)
ياراجل يا عجوز مناخيرك أد الكوز ( 60 سنة)

ها يترى مين اسعد بقى قولوا الحق
الرجالة دلوقتى بتطلب المساواة مع المرأة
محمد عيد- سكرتير قسم العلوم النفسية

فعلا احنا واخدين حقنا تالت ومتلت وانا سعيده بكونى امراه

صح
بشكرا على شجعتك وعدلك
بنات المنتدى عايزعلوا منك دلوقتى ربنا معاكى

احنا اكيد واخدين الدلع والرقة بس بردوا الولاد عايشين حياتهم اكتر مننا يعنى مثلا الولد بيخرج وقت ميحب ويرجع وقت ميحب وبيروحو اى اماكن لكن طبعا البنات فى لوائح وقوانين فى البيت لازم تمشى عليها
الولد عمر ماحد فى البيت يقولو ايه اللى ات لبسه ده ان شاء الله مفيش خروج كدة لكن طبعا بتتقال لبنات كتير حتى لو كان لبسها عادى
لو الولد غلط يبقى طيش شباب لو بنت تبقى مش محترمة
البنات هم اللى بيغسلو وينظفوا ويروقو والولاد بيجو يبهدلو الدنيا
وحاجااااااااات كتتتتتتتتتتيييييييييير واخدين بردوا حقهم فيها
يعنى كل واحد عندو مميزات مش موجودة عند التانى كل واحد حسب اللى يناسبوه


وميرسى ع الموضوع

عنديك حق يا نوسه في كل كلمه قولتيها الولاد واخدين حقهم تالت ومتلت غير البنات مظلومه في حاجات كتير هو كده ولا كده البنت من حقها تدلع بس الولاد مش مظلومين يعني لا ده كل حاجه متوفره ليهم

أنا رأيى ان الطرفين عندم مميزات كتير وبرده فى بعض العيوب ولكنها ليست لكونه ولدا لديه عيوب أو لكونها بنت لديها عيوب العيوب من صنع البشر وابتداعهم وليست من فرض الطبيعة وشايفة ان القرآن هو الدستور اللى لو طبقناه مش هيكون فى عيوب خاصة بالبنات ولا عيوب خاصة بالولاد ومش هنحس غير بالمميزات أنا سعيدة لما أنا عليه كفانى نعمة الحياة وسعيدة كثيرا وراضية لكونى أنثى بل هذا من دواعى فخرى وسرورى.........

فعلا احنا واخدين حقننا كتيييييييييييير
بس بردة في حاجات الولد يقدريعملها وهذه ميزة له وحاجات بردة البنات بس هي اللي تعملها وهذه ايضا ميزة للبنات بس وربنا خلق الولد بمميزاته والبنت بمميزاتها سبحان الله

بيبي كوم اهلا بيك موضوع جميل بس يدل على الحقد الدفين بتحقد علينا ليه يا محمد عملنالك ايه طب بندلع على ابهاتنا ولا خطايبنا ولا حتى عسكري المرور ده يزعلك في ايه بطلوا حقد بقى وارضى بنصيبك واشرب كوبايتين لبن عالريق هتهدي نار الغيرة دي ههههههههه احلى سلام ليبي كوم وليكم حبيباتي ونرفع كلنا شعار البنات اهم

مفيش حد بيبص على بدلة العريس كله بيبص على فستان العروسة

الصراحه ف دي عندك حق و انا لسه واخده بالي من الموضوع ده لما قراءت موضوعك بس نعملكم ايه اصل البدل معروف انواعها لكن الفساتين كتير اوي
بس الصراحه انا شايفه ان الولد ليه مميزات و البنت ليها مميزات يعني فيه تساوي
تقبل مروري

حلو اوى الموضوع وفعلا احنا واحدين حقنا وزيااااااااااااااااااااااااااااده