مين اللى سعيد اكتر الولد ولا البنت ادخلوا وشوفوا

البنت بتتكلم براحتها فى التليفون وأبوها أو زوجها هو أللي بيدفع الفاتورة فى الأخر


البنت مش ملزمة تجهز نفسها أبوها أو البيه (خطيبها) هم أللي هايدفعوا دم قلبهم


مفيش حد بيبص على بدلة العريس كله بيبص على فستان العروسة


لو واحدة عملت مخالفة وعيطت شوية للضابط هايعديلها لو راجل هاياخد على دماغه


لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على زوجها


لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس

لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها على طول .... أما الولد فيدوب يلحق مكان ينام فيه جنب البواب




دلع البنات :
ياختى كميلة ( سنتين)
ياعسولة ( 5 سنين )
ياعروسة ( 12 سنة(
ياقمر ( 18 سنة )
يا هانم ( 40 سنة)
يا أم العيال ( 50 سنة )
يا ست الكل ( 60 سنة)



دلع الولاد :
أنت ياد ( 10 سنين )
أنت ياشحط بقيت طول الباب ( 18 سنة)
يا راجل ( 40 سنة )
ياعم الحاج ( 50 سنة)
ياراجل يا عجوز مناخيرك أد الكوز ( 60 سنة)

دلوقتى الرجالة بتطالب بالمساواة مع المرأة
محمد عيد

هههههههههههههههههههههه بس انتوا برده وخدين حريتكوا عننا بكتييييييييييييييييير فى الحياة اليومية عامة
وفى حاجاااااااات كتييييييييير البنات مطلبيييييييييييين بيها والشبااااااااب لا

بصراحه عندك حق ههههههههههههههههههههههههههههههههههه

انا من رايى الولد اكتر لانه بيقدر يعمل حاجات كتير البنت مش تقدر تعملها
انا ماليش اخوات صبيان بس كنت بتمنى ان يبقى ليا اخ لانه بحتجله اوى
اكيد البنت مش بتقدر تعمل كل حاجة لوحدها لازم يبقى راجل جنبها
فكل بنت لها اخ 0اخ صالح0 تحمد ربنا بجد

هههههههههههههههههههههههه كلامك عسسسسسسسسسسل زيك