على أبواب غزة.... ستعود العزة
النار بتاكل فى قلوب المسلمين
ونقول هنقدر بس مش قادرين
لازم نكون مش زى أى سكون
نخرج نكمل حلمنا المسجون
بس المهم الفرقة.. والسلطة تهون
مستنى إيه... بعد اللى كان
وعيون بتشجب ...ومن زمان
عاوزين نكون
إيد واحدة على الظالم تكون
مدفع وطلقة..
رعب فى قلوبهم سنين
جيشهم ده قالوا
يتهزم شىء مسحيل
خوفونا..... بس مين
وإحنا أقوى من الحديد
ده إحنا إصرارنا وإيمانا
حطموا كل الحصون
عزم.. وإرادة.. وكرامة
بس عيبنا...... فرقتنا جنون
حمساوى... فتحاوى...
بقولها وأنا كلى أنين
فرقة زرعوها ونجحت
كل أهدافها تخون
والخيانة.. أقوى من كل المدافع
والقنابل والحصون
كل واحد همه نفسه
والفلسطينى
بيرفع راية النصر لسنين
بس يا خسارة ..قطعوا كل الغصون
دمه صار على الأرض يجرى
والدموع جوه الجفون
أم وشهيد....
وقلب دامى حنون
طفل وشريد....
والده جوه فى السجون مرهون
قلب لفراق غالى عنده
ليله مع صبحه حزين
نفسه يفرح فرحه مرة
حتى لو مرسومة بالدمعة.. تهون
دمعة النصر اللى بيها
راسنا تعلى يامسلمين
نبكى وبحرقة لحالنا
ندعى يوم..
ونقول يااارب
لم فرقتنا وعجل
بالفرج....نصرك مبين
موضوع: خواطر طبيب...... على أبواب غزة.... ستعود العزة 
