نكت منوعة يارب تعجبكم

دكتور عيون قاعد مع خطيبته في حديقه الاسماك معاه ورده قالها شايفه الورده دي
يا حبيبتي قالت له ايوه فرجع ايده لورا شويه وقالها طب وكده

**************************************
في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
*****************************************

مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا
عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى
و طلعت عينه فقرر يشتكى لابو الولد. لما ابو الولد جه حكى له الحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين
----------------------------------------------------------
ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده كليك ولا موبينيل
*****************

مره واحد راح لدكتور قاله انا عندى مرض النسيان يا دكتور .. نسيت مراتى ونسيت اولادى ......... .ايه ده انا ايه اللى جابنى هنا..!!!

**************************
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل واحدفسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
******************************

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

**************************************

واحد بخيل قام من النوم الصبح وطلب من مراته تحضر الفطار، فقالتله عايز تفطر إيه، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس "
----------
اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
*********************************************

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة
**********************************************

اتنين محششين بيتفرجو على مطش فالمزيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه ده لعيب ميه ميه"
*********************************************************
واحدة ست شايلة ابنها الصغير وراكبة أتوبيس ... فجه المحصل بيقولها تذاكر ... وأثناء ماهي بتطلع الفلوس بص لابنها الصغير وقالها يااااه ايه الواد المعفن ده ؟؟؟ الواد ده شكله وحش أوي هو عامل كده ليه ؟؟
فالست قعدة زعلانة وتعيط بحرقة ... وركب واحد الاتوبيس وقعد جمبها وقالها بتعيطي ليه يا مدام ؟؟؟ فقالتله الكمسري قل أدبه عليا
فقالها ازاي تسكتي عليه ؟؟ قومي هزأيه وبهدليه ولو فتح بؤه بأي كلمه هنبهدله
فقالتله عندك حق انا لازم أروح أمسح بكرامته الأرض
فقالها عداكي العيب ... بس سيبي النسناس بتاعك ده هنا عشان تعرفي تتخانقي براحتك
****************************************************************

مرة واحد صعيدي امتحن لوحده طلع التاني .

صعيدي سافر البحرين أخذ معاه مايوهين .

اتنين صعايدة بيلعبو شطرنج ... الاتنين خسروا .

مرة 8 صعايدة ماشيين ورا بعض وقعوا في بلاعه.

واحد متقدم يطلب ايد بنت واحد صعيدي
فالصعيدي بيسأله انت بتشتغل ايه يابني ؟
فقاله دكتور أطفال يا عمي
فقاله مكملتش ليه يابني ؟؟؟

نكت حلوووووووووووووووة اووووووووووووووووووووووووى وتموت من الضحك
وانا عجبتني اووووووووووى بتاعت البلونة

ويسلمو ايديك يا دعاء

حلوين اوى بس مالك ومال الصعيده

نكت جميلة فعلا .................تسلم اديكى

حلوووووووووووووووووين تسلم ايدك