موضة الصيف

ايه رايكو فى ملابس الصيف بتاعة السنة دى انا مش عارفة اشثرى لبس مناسب خالص

عايزة اقول اغلب اللبس الموجود مش مناسب للجامعة ومش مناسب للمحجبات وكل شوية الموضة بتسوء اكتر تقريبا معدش فى لبس مناسب

معظم اللبس اللى طالع موضة كله ستامبا واحدة وكل البنات شبه بعض واللبس دة اصلا مينفعش للمحجبات اوى قليل اوى لما تلاقى حاجة حلوة ومش منتشرة بطريقة مش حلوة بس هبعمل ايه العيب فى البنات اللى بيمشوا ورا الموضة من غير ميفكروا اذا كانت مشية معانا ولا لا و مجتمعنا ودينا

انا عن نفسي باخد الالوان اللي طالعه موضه وبشتري قماش نفس اللون وافصل به اللي انا عايزه سواء بلوزه وجيبه او العبايه والبنطلون بتاعها
كمان طالع دلوقتي في القماش المنقوش والساده بتعها اللي بيمشي معها
وبكدا ناخد اللون الموضه ونعمل به اللي ينسيبنا والمناسب لديننا

أنا شايفة ان معظم اللبس بتاع الصيف مينفعش حد يخرج بيه من البيت خااالص ورأيى ان الحل فعلا التفصيل اننا نشوف حاجة عجبتنا ونضيف عليها علشان تكون مناسبة لدينا وللمجتمع وللمكان ونفصلها وأعتقد ان القماش اللى فى محلات الملابس موجود فى محلات القماش زيه ودة الحل.....

شكرا لاراءكم

انا شايفه ان اللبس السنه دى احسن بكتير من اى السنه الى فاتت وكمان فيه حاجات كتير مناسبه للمحجبات
بس فعلا كل مشترى حاجه قلاقى كل الناس لبسينها بس بختلاف حاجات بسيطه
بس انا شايفه ان كل واحد له لمسته وده الاختلاف