كل سنة وأنتم وأنا...... والناس فى مصر كويسة كلام هقوله فى كلمتين....... معاه شوية هندسة
شايف البلد حلوة إزاى.. وكل حاجة كويسة وموظفين من الصبح تقوم فى الشغـل وتـقضيها نـوم أنا أصل شفت بعينى اليوم
شايف البلد حلوة إزاى.. وكل حاجة كويسة وطلبة ...من العلم إستكفوا دنيتهم أحسـن مدرسة وتيجى تسأ ل واحد فيهم يرد ويقول : يا مية مسا سؤالك ايه ؟ بتقول كيميا بحسب سـؤالك هنـدســة أصل المثلث ..ماهوش مربع والدايرة........ لفا بمريسة
شايف البلد حلوة إزاى.. وكل حاجة كويسة
روح الطابونة.. تجيب رغيف صغر.. وأصبح وزنه خفيف دقيق وسرقة.. ده شىء سخيف
مجلس مدينة ...تقف طوابيــر لدفـع ميــه... أو فـواتيــر
شايف البلد حلوة إزاى.. وكل حاجة كويسة شوف التجارة ...وإنزل سوق ده إحتكار... لازم نفوق أنا بتكلم ...بكل ذوق معلش أصلى... أنا محروق
حديد وتسليح العمارات دلوقتى عايـز مليـارات وعز ...ناوى خلال سنوات يبيع حديده... بالدولارات
شايف البلد حلوة إزاى.. وكل حاجة كويسة وأدى الصناعة ...........طب هى فين ؟ دى أى حاجة....... جـاية من الصيــن ومصر تصنع... بس منين كفاية رزق ...وعم حسين عما ل مصانع من سنين
شايف البلد حلوة إزاى.. وكل حاجة كويسة نيجى للزراعة .....والفلاحين نزرع كتيــــــر..... ومحتاسين إنتاجنا ...ناقص با لملاييـن أطنان.... وشوفوا بنجبها منين وعم بوش......... يكتب ديون وبعدها .. كلمته هتكون
شايف البلد حلوة إزاى.. وكل حاجة كويسة وروح معالم مصر.. حبيبتك للسياح مفتوحة ..على حسك أه لو مصرى ..تقف ويعدك ويقول رايح فيـن يا حبيبى.. ممنوع دخول... شكلك صعيدى
ياعم والله أنا مصرى... وجاى أشوف ...تاريخ بلادى ده حقى لازما.ً.. مش للأعادى شايف البلد حلوة إزاى.. وكل حاجة كويسة[i]
hebakhaled
الموقع : بلد الامان تاريخ التسجيل : 27/02/2009
موضوع: رد: خواطر طبيب.....بلدنا حلوة...(يللا نضحك شوية) الخميس 20 أغسطس 2009, 12:46 am
مش عارفه اقول ايه بس آثرت فيا اوي كلام بجد بيحكي كل حاجه في بلدنا باختصار ووضوح اشكرك بجد وتسلم ايدك علي احلي كلام
dr.oraefy
الموقع : بجوار سرير العيااااان.. تاريخ التسجيل : 26/07/2009
موضوع: رد: خواطر طبيب.....بلدنا حلوة...(يللا نضحك شوية) الخميس 20 أغسطس 2009, 12:57 am
الشكر لله... ومرسى جدا على ردك الجميل...يا هبة
وأتمنى لك كل التوفيق....
amooooola
الموقع : في قلوب احبابي تاريخ التسجيل : 04/07/2009
موضوع: رد: خواطر طبيب.....بلدنا حلوة...(يللا نضحك شوية) الخميس 20 أغسطس 2009, 2:15 am
جميله
dr.oraefy
الموقع : بجوار سرير العيااااان.. تاريخ التسجيل : 26/07/2009
موضوع: خواطر طبيب.....بلدنا حلوة...(يللا نضحك شوية) 
