من أنا...........!!؟

ممكن اقول موقف بس مش حصلى انا عايزه اعرف ازاااااى تتصرفوا فيه وخلاص
لو انتى او انت واقف مع واحد(ه) صاحبك وبتتكلم فى حق واحد تانى والواحد اللى انت بتتكلم فى حقه لقيته واقف واراك وسمعك وانت بتتكلم فى حقه وصاحبك شايفه وبيقولك خلاص اهدا شويه pale

ومش عارف يقولك انه وراك
تتصرفى ازاى ولا حتى تبصى فى وشه ازاى
ولما تبصيلو تقوليله ايه Embarassed

أولا..ليه أسمح لنفسى أتحط فى الموقف ده
وصاحبى ده مهما كان فيه من صفات وحشة
أكيد أنا كمااااان...فيا حاجات كتير لازم تتغير
وزى ماليا لسااااااان...للناس ألسن..
وكما تدين تدااااان..
معلش رغيت كتير...
المهم لو اتحطيت فعلا فى الموقف ده
أول حاجة هقوله..يا.....أنا فعلا غلطت فى حقك
عشااان أنا شايل منك من الموقف الفلانى
وكنت زعلان منك من ساعتها
وده كان سبب..كلامى اللى خارج منى فو وقت غضب
والحمد لله..ربنا جابك ليا..فى نفس المكااان ..عشان أقولك إنى فعلا غلطت فى حقك
وبتمنى تسامحنى..

بس موقف صعب بجد
وياريت محدش يحط نفسه فيه...

دمتم بكل خير
وحفظكم الله من كل سوء....

الموقع : هنا هوة تاريخ التسجيل : 01/08/2009

لا يغتب بعضكم بعضا
أيحب احدكم ان يأكل لحم اخيه ميتا
فكرهتموه....صدق الله العظيم.

الى بيعمل حاجه لازم يتحمل نتائجها

إخوتى فى الله..

فى المواااااقف التى سردناااااها سويا

.. لماذا إختار كل منا تصرف بعينه دون سواه ..؟!

هل لأن هذا التصرف سوف يضعه فى صورة أفضل ..

أم أن كل شخص قد إختار التصرف الذى يتناسب مع شخصيته الحقيقية ....!

هل لدى أحدنا أى شك فى أن كل نمط من أنماط الشخصية
يتمتع بميزات .. ويتسم بعيوب ..؟!

إن التحليل السابق كان الغرض منه أن نفكر قليلاً .. ليس فى تصرفاتنا

ولكن المفاجأة

أن الغرض هو أن نتأمل تصرفات الغير ...!!

نعم .. تلك هى الحقيقة !

فلان يتصرف معى بالشكل الفلانى على الرغم من أننى أتعامل معه بصورة مختلفة ..

ما السبب ..؟!

ربما لو تأملنا تصرفات هذا الشخص مع أناس آخرين لعلمنا السبب ..

فلو كان يصر على معاملة الكل بأسلوب ما على إختلاف طرق تعاملهم معه

فهذا يدل على أن السبب راجع لشخصيته هو ..

إذن ما النتيجة المستفادة من معرفة هذا ..؟!

1 - ليس العيب فينا .. فلا داعى لبذل مجهود مضاعف لتغيير سلوك هذا الشخص معنا .

2 - من الممكن أن نحاول تحليل مشكلة هذا الشخص للوصول إلى السبب وبالتالى قد نصل لنتيجة تؤدى إلى حل يرضي الأغلبية فى النهاية .

أما إن كان نمط التصرف يقتصر علينا وحدنا ..

فيجب حينها أن نتأمل معاملة بقية الناس لنا

وهل تتفق معه أم تختلف ..

ولو اتفقت مع شخص ما آخر ..

فهل الشخصين متشابهى الشخصية ..؟!

أم أن بينهما تناقض كبير ..

وهل الشخص الذى يتعامل معنا بشكل سيء رغم حبنا له

هل هو شخص طيب مستقيم أميل للتقوى .. أم أنه مستهتر أميل للإعوجاج ..؟!

كل هذه الأسئلة وأكثر نحن فى حاجة للتفكير فيها بشكل جاد ..

إن كنا نطمح فى أن نكون أفضل .. وأن نرى من نحبهم يتحسنون .........

"لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ "
سورة الرعد - الآية 11

ميرسى يا دكتور ع الكلام الجميل ده
وفعلا الاسئلة دى تقريبا بتدور جوانا كلنا
تسلم ايديك

زائر

بالنسبه للموقف بتاع السياره
انا هنزل خالص من السياره واعطى مفاتيح السياره لصديقى واطلب منه يوصل السيده العجوز
بينما انتظر انا مع حبيبتى حتى نصل لبر الامان

وانا اسف انى مجوبتش على كل المواقف لانى شايف ان بقيت المواقف بالرغم انها نادره بس متعتبر غريبه عليا الواحد يماما بيشوف وياما بيقابل وياما بيتعلم

ثانيا اسمحلى يا دكتور احط موقف من عندى
الموقف دة حصلى شخصيا

لو جالك اتنين اصحابك البيت ونزلتلهم تشوفهم عاوزين ايه

وقلولك احنا عاوزين نروح جمصه وناخدك معانا بس مش معانا فلوس

وفضلوا بتحايلوا عليك اكتر من ساعتين علشان تروح معاهم وكل اللى مطلوب منك

حق المواصلات اللى هتودينا احنا التلاته جمصه

وهناك احنا هنردلك الواجب عشر مرات

وطبعا اضطريت انك توافق ورحت معاهم جمصه ومجبتش غير يادوب تمن مواصلاتنا لحد جمصه

وهناك قابلتوا ناس تبع اصحابك دول وانت متعرفهمش

وروحتوا القهوة وسهرتوا هناك وقالولك ان الحساب مدفوع واصحابنا يعملوا معانا الواجب علشان احنا ضيوف عندهم

وفجأه قمت ترد على التليفون علشان بباك كان بيتصل بيك يطمن عليك ويشوفك وصلت ولا لسه

وخلصت تليفون مع بباك ورجعت ملقتش حد من اصحابك ولا اصحاب اصحابك وكلهم مشوا

ولقيت بتاع القهوة بيقلك اصحابك بيقلولك ادفع وحصلهم

ياترى هتعمل ايه

انا هقلكم انا عملت ايه بس بعد ما اسمع ردودكم على الموقف دة لو حصلكم

ده للأسف
هزااااااااار بااايخ جدا
من أصحاااااااااابك
ومقلب عملوه فيك
بس ميصحش..
لأن الهزااااار ليه حدود
بس متزعلش منهم
وعرفهم غلطهم وخد موقف جامد

بالنسبة لو أنا اللى فى الموقف
ده بصراحة الموقف صعب
وهضطر أسيب الموبايل أو البطااااقة
وأمشى وأقول للجرسون..
ده ضماااااااااااان معاااك لحد ما أجيب الحساب وأجى..
بس تشهد صاحب المطعم أو أى حد إنه أخد الموبايل أو البطاقة
لحد ما تيجى...

شكرا ردك الجميل على الموضوع

دمت بكل خير
وتمنياتى لك بالتوفيق...

تاريخ التسجيل : 09/03/2009

بصراحة انا بقولان ده استظراف مش هزار
بس بص يا مازن اكدب ملوش رجلين الحل انك تحكى للجرسون اللى حصل بالظبط وفعلا ذى ما الدكتور قالك
تسيبلوا اى حاجة ضمااااااااان بس اكيد المفروض تاخد موقف مع اصحابك عشان الموقف ده ميتكررش تانى

زائر

شكرا ليك يا دكتور وشكرا يا لؤلؤه على مشاركتكم

انا بقى هقلكم انا عملت ايه

طبعا انا توقعت المفجأه دى لان كنت حاسس ان فى حاجه غلط من البدايه

وطبعا حكيت للقهوجى كل حاجه بالتفصيل بس مدليش اى اهتمام وقالى انا مليش دهوة بالكلام دة انا عاوز اقفل الحساب وانت اللى مسئول قدامى دلوقتى عن المشاريب اللى نزلت ليك ولاصحابك

وكان الحساب 94 جنيه ومتستغربوش لان احنا كنا كتير وطلبنا حاجات كتير وكنا سهرنين فى القهوة

المهم انا كان معايا موبايل قديم وكنت شاريه مستعمل ب 100 جنيه بس فقلت محصله بعضها

واتحيلت عليه كتير اوى علشان يخده عوض عن الحساب وكان رافض جدا ومصمم يخد فلوس

وفضلت اتحايل عليه كتير اوى لدرجه انى عرضت عليه اشتغل فى القهوة بحق المشاريب دى

بس هو فى الاخر وافق يخد الموبايل بعد ما الناس كلموه وحاسوا انى اتظلمت اوى

المهم خلصت من موضوع القهوة مكنش معايا فلوس اروح

ودى مشكله تانيه وفكرت شويه وملقتش غير حل واحد وهو حل مجنون شويه بس احسن ما اشحت من الناس واقلهم انا مش معايا فلوس اروح

طلعت على قسم شرطه جمصه وحكيت للضابط كل حاجه وفعلا صدقنى بس ظلمنى برده

لانه قالى اطلع على الكمين اللى على الطريق السريع وانا هكلملك الضابط اللى هناك على اللاسلكى وهو هيعمل معاك اللازم

وسالته الكامين دة فين قالى امشى من الشارع الفولانى وانت فى 5 دقايق هتوصل

مشيت فى الشارع اللى قالى عليه ووصلت للكامين بعد 45 دقيقه تقريبا يعنى مش 5 دقايق زى ما قالى الضابط ربنا يسهله بقى

المهم وصلت الكامين وكلمت الضابط وقلتله الضابط بتاع القسم بعتنى ليك علشان كذا كذا

والمفجأه انه ميعرفش حاجه ومحدش كلمه على اللاسلكى وقاله انى جاى

وطبعا قاعدت احكيله تانى من الاول كل اللى حصل والحمد لله صدقنى وطلع ابن ناس اوى

ادانى فلوس ووقفلى عربيه ملاكى وصلتنى الحمد لله لحد الشارع بتعنا وشكرت السواق جدا وروحت

بعد كده اصحابى دول سمعت انهم لسه مجوش من جمصه وانهم هناك بيصيفوا ومبسوطين على الاخر

وعدت فتره طويله لحد ما نسيت اللى حصل ولقيتهم فجأه ظهروا وبيحاولو يصالحونى باى تمن

بس انا قطعت علاقتى بيهم كاصحاب لانهم من الاخر مطلعوش رجاله واتخلو عنى فى اشد المواقف

دة كل اللى حصل وانا اسف انى طولت عليكم

الموقع : هنا هوة تاريخ التسجيل : 01/08/2009

ههههههههههههه
بصراحه موقف صعب اوى
بس غلطتك من الاول
بس الحمد لله اجت سليمه

الحقيقه هزار جاااااامد حبتين
انا لو فى الموقف ده
اكيد هيبقى معايا فلوس زياده
اصل انا لما بروح مكان معرفوش
لازم اعمل حسابى لاى ظرف ممكن يحصل

على العموم انا شايفه ان انت اتصرفت صح

تاريخ التسجيل : 09/03/2009

هههههههههههههههههه معليش تعيش وتاخد غيرها
بس والله صعبت عليا وضحكتنى فى نفس الوقت
هم يضحك وهم يبكى

دكتور كلامك جميل جدااااااا جدااااااااا جداااااااااااا
اما بقى بالنسبه لموقف مازن بجد انا مشوفتش اصحاب اندال للدرجه دى
بس الموقف يعلمك حاجات تانيه انك متأمنش لحد تانى ابداااااااااااا ولازم تعمل حسابك بعد كده وتتوقع اى ظرف طارئ يحصل ويارب تكون استفدت م الموقف
وانا عن نفسى استفدت وان شاء الله مش تتكرر تانى بصراحه صعبت عليا جداااا
بس موقف يضحك geek

شكرا على تواصلكم الرائع....

وأتمنى أن نكون قد عرفنا جزءا من شخصيتنا...
من خلال..معرفة ردود الأفعال الأخرى

دمتم فى معية الرحمن
وحفظكم من كل سوء....

زائر

اشكركم جدا على تعاونكم

وانا فعلا اتعلمت حاجات كتير اوى من الموقف دة

وزى ما قلتلكم الواحد ياما بيشوف وياما بيقابل وياما بيتعلم

وننتظر موقف جديد من الدكتور

عشان خاطر...مااااااازن ميزعلش..

نقول موقف..

الموقف التالى.............

شخص اخبرك فجأه بحبه لك وانت لاتبادله هذه المشاعـــــر..

ماذا تفعل؟؟

هل تخبره بمشاعر كاذبــــــــــه
وبحب ليس موجود في قلبـــــك...
فتجعله يعيش وهم غير منقطع

وتجعله يعيش احلاما انت تعلم انه في يوم من الايام سوف يكتشف انها ســــــــراب..

ام تخبره بالحقيقه
التي سوف تأخذ بيده نحو الجحيم الدنيوي..
والشقاء المؤبد..

والسهر ..البكاء..الالم..اليأس...وعذاب ليس له نهايه....

وبذلك تحطم كل حلم بناه في خياله عند ذكراك
و تكسر الحب الذي طالما تربع في جوفه..

أم تفكرتبادله نفس الإحسااااااس
فمن الممكن أن يكون هو قدرك..

مـــــــــاذا تفعل؟؟؟؟

أنتظر تواصلكم..

دمتم فى رعاية الله وحفظه..

الموقع : هنا هوة تاريخ التسجيل : 01/08/2009

انا حصلى نفس الموقف
واحده كانت زميلتى فى المدرسه
وكانت حاسه ان كل البنات مش بيحبوها
وقالتلى انها بتحبنى
وسألتنى ان كنت ببادلها نفس الشعور ولا..
انا فعلا كنت مش بكرها ولا بحبها
لانى معرفهاش اوى
واقولتلها انى بحبها
عشان طبعا مجرحاش
هيه الحقيقه كانت صعبانه عليا اوى
بس الحمد لله دلوقتى ليها اصحاب

اكيد انت لو مش بتحب حد مش هاتقوله انك بتحبه غصب عنك لان دى حاجه مش مفروضه عليك
وطبعا عمرك ماهتقدر تقوله انك بتكره
انا شايفه ان الحل الامثل هو انك تحاول تبادله نفس الاحساس عشان ميتجرحش لانه انسان
واكيد اكيد هتلاقى نفسك حبيته غصب عنك( مش بايديك يعنى )
ولو مش حبيته فكر فى انك لو سيبته هاتقدر تستغنى عنه وممكن تحاول تبعد شويه هتلاقى نفسك مش قادر تبعد عنه

اكيد انت لو مش بتحب حد مش هاتقوله انك بتحبه غصب عنك لان دى حاجه مش مفروضه عليك
وطبعا عمرك ماهتقدر تقوله انك بتكره
انا شايفه ان الحل الامثل هو انك تحاول تبادله نفس الاحساس عشان ميتجرحش لانه انسان
واكيد اكيد هتلاقى نفسك حبيته غصب عنك( مش بايديك يعنى )
ولو مش حبيته فكر فى انك لو سيبته هاتقدر تستغنى عنه وممكن تحاول تبعد شويه هتلاقى نفسك مش قادر تبعد عنه

تاريخ التسجيل : 13/03/2009

تسمحولى أشترك معاكو فى الموضوع الجميل ده لأنه بصرحة فكرته رائعةوجديدة
أنا شايفة أنى لازم أتأكد أن الأنسان ده جاد فى كلامه أولا عن طريق أنه لازم يتقدملى أولا
وبهد كدة ادى لنفسى فرصة لو قدرت أبادله نفس الشهور هيكون شئ جميل لأن الحب الحقيقى نادر جا
لكن لو مقدرتش أتقبل حبه لية اكيد هنفصل عنه لأنى هكون بظلمه وبظلم نفسى
ولو رضيت ربنا وضميرى أكيد ربنا هيجزينى خير وهيعوضه هوة كمان

تاريخ التسجيل : 13/03/2009

أنا هقول موقف أتكرر كتيييير وللأسف كانت بتحصل نفس النهاية

تخيل

فجأة تلاقى قدامك صديق أو حبيبب

تحس منه أنك كل حياته وأهم حد عنده

يحاول يشغل كل وقتك وتفكيرك

يحاول يحققلك حاجات كتير أنت بتحبها

لحد ما يمتلك وقتك وعقلك

وفجأة

تلاقى شخص تانى

بيعاملك بقسوة وبرود

كأنك لأول مرة بتشوفه

ويحاول يبعد عنك بكل الطرق الممكنة

لحد ماتبعد وأنت مجروح وحزين

لحد كدة أنت مفيش حاجة بأيدك

لكن لوجالك تانى صديقك أوحبيبك

ودق على بابك

وكأن شيئااا لم يكن

وفتح جرح كنت فاكر أنه أتقفل

هترجع ولا لأ ولو رجعت المرة دى هتتحمل منه كام جرح لحد ما تتعلم

شوية وهبعتلكم ألى أتحطوا فى الموقف ده بجد عملوا أيه وأتحملوا قد أيه

ببساطه...
ده مش حب..لأن اللى يحب مش ممكن يكره أو يعذب حبيبه..

((تلاقى شخص تانى
بيعاملك بقسوة وبرود
كأنك لأول مرة بتشوفه
ويحاول يبعد عنك بكل الطرق الممكنة
لحد ماتبعد وأنت مجروح وحزين...))...

لو شخص فعلا عمل كده مع إنسان هو مفهمه إنه بيحبه
بصراحة ده يبقى إنسان هوائى فى مشاعره..
ومتأكدش منها قبل لما يبدأها
ورجع فى كلامه..
وبعدين فكر تانى ..وقال لأ لأ..ممكن أحبها تانى..

وطبعا فى الأول وفى الأخر..مينفعش حب يغضب ربنا
يعنى لازم فى النور وبرضا الأهل..
وفترة الخطوبة..الإتنين بيدرسوا شخصية بعض كويس بما فيه الكفاية
ولو ربنا أراد خير..الخطوبة يتتم

شكرا رضوى..موقف جميل ومهم فعلا...

تاريخ التسجيل : 13/03/2009

المشكلة الحقيقية فى الموقف ده هوة رد فعل البنات ألى أتحطوا فيه سواء أتجاه صديقتها أو حبيبها

للأسف كان فى كل مرة برجع كانوا بيوافقوا احد ما الأنسان التانى يبعد نهائيا

بالنسبة لموقف الدكتور انا هحاول افهم الشخص ده انى مش ببادله نفس المشاعر لكن مش هقله بكرهك ولا هخدعه واقله انى بحبه لان الصراحةاحسن كتيييييييييييييييير حتى لو كانت مؤلمة

اما بالنسبة لموقف رضوى
الشخص ده لو حبيب عمرى عمرى ما هرجعله اللى بيبيع مرة بييبيع اتنين وتلاتة
اما لو صديقة هيبقى كل اللى بينى وبينها سلامات لكن عمرى مرجع زى الاول

دمتم بخير..
لكم منى أطيب التمنيات بالتوفيق
....

حفظكم الله...

فى موقف جديد

أقول...ولللا زهقتوا...

قووووووووووووووووووووول