مشكلات وسلبيات خاصة بالكلية

السلام عليكم ورحمة الله وبركاته
اان شاء الله باقى على بداية العام الدراسى الجديد حوالى 25 يوم وبقول لكل طالبات و اعضاء هيئة التدريس داخل الكلية كل سنة وانتم طيبين ويارب يبقى عام س جديد عيد وهادىء علينا جميعا
اولا.. انا عندى شوية مشاكل بشوفها فى الكلية
اول حاجة مشكلة المياة
ان وجود كولدار مياة واحد فقط داخل الكلية هذا لايكفى جميع الطالبات داخل الكلية الى انتهاء اليوم الدراسى و احيانا كثيرة بنحتاج مياة بجد مش بنلاقى وخصوصا ايام الصيف وكمان اوقات كتير المياة بتكون مش ساقعة
الحمامات . ليه الحمامات الموجودة فى المبنى الجديد اللى بجوار مدرج 1 واحد و3 ثلاثة مفهاش مياة خالص ليه المياه مش بتوصلها
ثانيا..]مشكلة النظافة ودى خاصة اكتر بجميع طالبات الكلية
كتير اوى كلنا بندخل المدرجات بنلقيها مش نظيفة مليانة ببواقى ورق وشغل عملى كتير وكمان البرجولة اغلب الاوقات ملياتة ببواقى ورق وشغل عملى كتير جداا ياريت كلنا نخلص الشغل ونلم ونرمى بواقى الورق بتاع الشغل فى سلة المهملات وكمان كلنا كبنات بلاش ناكل ولا نشرب داخل المدرجات ولو حصل اكل اوشرب داخل المدرجات نبقى نحافظ عليها ونشيل مكان ما كلنا ونرميه فى سلة المهملات ياريت كلنا كبنات نعمل كده كى نحافظ على نظافة المكان اللى بنجلس فيه
وياريت كمان تبقى ديما مرواح المدرجات كلها سليمة وتشتغل اثناء المحاضرات لان الجو فى الصيف بيكون حر اوووى
ثالثا.. ده رجاء منى لكل طالبات الكلية ياريت كل طالبة تلتزم بالمجموعة اللى هى فيها يعنى بنات المجموعة ا ميحضروش مع بنات المجموعة ب كل بنت تحضر مع المجموعة بتاعتها كل المحاضرات لانى بجد كنت بشوف ان الدكاترة الافاضل كانوا بيضيقوا من اختلاط بنات المجموعتين مع بعض وكمان علشان كل طالبة تاخد حقها فى فهم المحاضرات
وبردوا رجاء منى للدكاترة الافاضل ميجمعوش طالبات المجموعتين الا للضرورى القصوى علشان كلنا نقدر نفهم ونشارك فى المحاضرات
وشكرا
وارجو من طالبات الكلية المشاركة واللى عندها مشكلة خاصة بالكلية تقولها


[

اولا كل سنه وانتى طيبه وان شاء الله عام سعيد وجديد
بلنسبه للمبنى الجديد والحماماتفده عيب فى لمبنى نفسه لان احنا سالنا وقالوا كده وانا خلاص على وشك التخرج ولسه الحال على ما هو عليه
اما بالنسبه للمدرجات فلو كل بنت احتفظت بالزباله بتاعتها ورمته فى اقرب باسكت بجد هنبقى اجمل كليهوخصوصا ان احنا بنات ومعلمات يعنى المفروض قدوه
ياريت بجد لو ايدينا فى ايد بعض

انا معاكى ياريت كل البنات اديها فى ايد بعض
بس لسة بجد مشكلة الكولدار
ومرسى على مشاركتك الجميلة يا بوبا

بصى انتى لو بصتى جنب الكولدير هتلاقى فى جنبه فى كولديرات بايظه وهيصلحوها ان شاء الله فى يوم من الايام

لا بجد احنا عايزين نشوف حل لكل سلبيات الكلية ونحاول معا فى اصلاحها
نفكر فى حلول

انامعاكى يا زوزو بس احنا عايزين ندور على حل بجد
على فكرة انا مش بدخل خالص حمامات الكلية
بس نفسى كلنا كطالبات وكمان بنات نحافظ على النظافة وانا قلت اقتراح فوق كل بنت تاخد المهملات بتاعها وتحتفظ بيها وترميها فى اى سلة مهملات ومش عيب لو اى حد فينا شاف ورقة مش فى مكانها وشلها وحطها فى مكانها
بجد احنا اثناء الدراسة بنجلس فى الكلية اكتر منجلس فى بيوتنا فلازم نحافظ على نظافة المكان اللى احنا فيه
وبعدان كمان النظافة من الايمان

انا عندى كمان مشكلة المياه بتاعة الكلودار لازم ليها حل

عايزين نعالج سلبيتنا علشان نقضى سنة هادية وسعيدة

انا فعلا نفسي في حل للمياه المش موجوده في المبنى الجديد انا لما بحب اشرب انزل 5ادوار او4
وعلبال ما اطلع اعطش تانى
وكمان نظافه الحمام والمكان الي احنا فيه انا بردو اتصابت بامراض كلويه(مغص كلوى _لاملاح زايده_لي.......الخ)لعدم دخولى الحمام لانى بتقزز جدا بقرف
بجد نفسي يرحمونا على الاقل الحمام والمياه بس

احنا فعلا لازم حل لينا


وكمان فى حاجة تانية بخصوص المحاضرات والسكاشن

ياريت الشغل العملى يتحدد من اول اسبوع ونبدا بدرى من اول اسبوع فى الشغل العملى والسكاشن علشان منجيش فى الاخر والوقت يبقى ضيق بالنسبة لناومنقدرش نخلص الشغل العملى المطلوب فى احسن صورة

ورجاء منى ياريت من الدكاترة الافاضل ان الكتب الدراسية تنزل فى المكتبات فى وقت مبكر شوية علشان نقدر نستوعب المادة الدراسية كويس وكمان حل الشيتات يكون اسرع من كده وناخد وقت كافى فى حلها