فضفض عن نفسك

ياريت كل واحد منا يدخل علي الصفحة دي يقول بيفكر في ايه ونفسه في ايه ولو حاسس بحاجه يقولها يعتبر نفسه انه بيكتب ويفضفض عن نفسه وساعتها ممكن نشاركه بكلمه تريحه لان ساعات الواحد مش بيلاقي حد يحكي له

انا مثلا نفسي ربنا يكرمني السنة دي وانجح عشان يوافقني مع الانسان اللي بحبه ادعولي

ربنا يحقق لك اللى بتتمنيه يا مورى امين يا رب
امممممممممم............انا مزاجى متقلب جدااااااااااا اوقات مبسوطة واوقات متضايقة
ومعرفش ليه...................
نفسى اوى فى المستقبل اكون ناجحة جدا فى عملى واقدر اثبت وجودى وانجز واكون راضية ربنا دايما
موضوع حلو كتييييييييييييير

ان شاء الله تحققى الى انتى عاوزاه يانوسة

انا برده كتير بحس انى بكون مضايقة بس من غير معرف السبب

وكتير بفكر فى المستقبل ياترى شكله هيكون ايه

بتمنى انى احقق كلى الى انا عاوزاه سواء فى دراستى او فى حياتى ككل

تسلمى مورى عالموضوع

ربنا يحققلك الى بتتمنيه ياmory
أما أنا مش عارفة أنا نفسى فى ايه ..بس كل الى حاسه بيه انى نفسى أرجع أنا وبابا زى زمان وينسى مشاكل الشغل ويفضه ليا شويه زى زمان
وطبعا نفسى ربنا يوفقنى فى الكليه ويحققلى كل أمالى فيها
وأهم حاجه أن ربنا يحسن خاتمتنا أمييييييييييييييييييييييييييييييييييييييييييييييييين

جميلة فكرة الفضفضة
على فكرة انا كانت هعمل موضوع الفضفضة بس يا خسرة مكنش عندى وقت اتمنى لكى النجاح فى موضوع فضفضة


نا كنت بحب بنت قوى وبعدين سابتنى مره واحده وقالتلى انها هاتتخطب مع انها كانت بتحبنى قوى وكانت كل يوم تثبتلى ان احنا لبعض ولاكن سابنتنى مره واحده من غير اى مقدمات وقالتلى ان احنا ملناش نصيب مع بعض ودارت الايام والخطوبه
ولكن سأسير ولن أنظر للخلف، وسأدوس الأشواك لأكسرها حتى لا أشعر بها

اكيد طبعا يا محمد دى حاجة مؤثرة جداااااااااااااااااا

بس انا اعرف ان الى باعك بيعه لان الى بيبيع بالرخيص اوى عمره ميشترى بالغالى

وده حال الدنيا مش كل الى بنتمناه بناخده واكيد ربنا هيعوضك باحسن منها والى فعلا تكون تستاهل حبك وتقدره

ما اروع ان حد يمسح دمعك قبل البكاء
انه ياخذك اليه قبل احضان الشتاء

جميل قوى الموضوع

اما انا حاسه انى تايهه مبقتش عارفه مين حلو ومين وحش
ومحدش بقى شايف دمعك لانه بينزل فى القلب

كتير بنضحك ونرفع معنويات ناس
ولومهم لو انسحبوا
مع انى افضل الانسحاب

لو عطفت على حد يستغلك
ولو تحانيت لحد يعتقد انه ضعف منك

ولما تحب حد اول من يذلك
احيانا تستحقر نفسك انك بتعامل الناس كويس وانك طيب
والناس كلها ولا يلزمها مصلحتك

ولكن لم اتغير لانى عند امل كبير قوى وده من فضل ربى


نفسى ان اعيش فى عاالم اخر يملأه الصدق والحب والحق

ولو الناس هتبقى وحشه برضه ياريت ان اعيش لوحدى

لكن ده مش هيتحقق

لازم نقدر ونكمل على الوضع الحالى
ويمكن اللى مصبرنى انى اعلم ان اللى عند ربى اعظم

الحمد لله على كل حال
اللهم الهمنا الصبر

دمتوا فى حفظ الله

التوبيك جاااااااااااااااامد موت
ربنا بيجازى كل واحد على فعله يا ريرى
يعنى كل واحد لازم يؤمن بمبادئه
واخلاقه الطيبه
وميتخلاش عنها مهما كان

وانا ليا رأى فى كلامك يا محمد
ما يبنى فى معصيه الله
ينتهى بالفشل
حتى لو مفيش اى حاجه فى العلاقه غير كلام بينكوا بس
انا متأسفه بس هيه دى الحقيقه

بالنسبالى الحمد لله راضيه باى حال
كل الى بتمناه من ربنا
.......الرضا.......