مشكلتامع الجدول

اولا فى البداية اشكر دكتور محمد عطا جداااااااااااااااااااااااااااااااااااااااااااااااا على تعبة معانا وعلى تنزيلة للجدول لينا شكرا جدااااااااااااااااا يا دكتور ثانيا احب اضيف تعليق عن الجدول واتمنى ان صدروركم تتسع لكلامى يا دكتور انا شعبة 4 وفى جدول بتاع شعبة 4 انزل من بيتنا وانا ساكنة بعييد فى 6 اكتوبر والمكان بعيد عليا اووى يوم الاربعاء هانزل عشان محاضرة موسيقى واحدة مدتها ساعتين وبرضة يوم الخميس هلاقى نفسى هانزل عشان سكشن واحد نمو حركى للطفل مدتة ساعتين انا ءاساسا الساعتين دول يقضواء الطريق من بيتى للكلية ومع العلم ماعنديش ايام اجازة خاالص وكدا انا مش اعرف اشتغل شغل العملى ولا اذاكر وماعنديش غير يوم الجمعة فاتمنى من ادارة الكلية لو تقوم بضم ميعاد السكشن والمحاضرة فى يوم واحد حتى يتسنى لى ان اخذ يوم اجازة واحد زى ماكنا زمان قبل قرار الغاء يوم السبت وعلى فكرة ان فى بنات كتييير من شعب تانية بيعانوا من نفس لوضع اليوم الواحد في مثلا سكشن او حجة واحدة وبرضة هما ساكنين بعيد فتمنى ان يجد اقتراحنا من سيادتكم القبول وشكرا

فعلا أنا كمان ساكنه بعيد والمشوار ساعات بياخد مني
3 ساعات فلو ممكن فعلا يبقى في يوم أجازه
علشان كده مش هنلاقي وقت نشتغل فيه
احنا اليوم كله بيضيع مواصلات

فعلا يا قلب انا كمان شعبة4 وعندى نفس المشكلة

المشكلة أن في جميع الجداول الدراسة من السبت إلى الخميس وبيتي أن أيضاً بعيد عن الكلية و ساعات اليوم ستضيع في الذهاب و الرجوع و المحاضرات... الله يكون في عوننا جميعاً...

انا مع القلب الطائر بس انا فى سنه تالته واحب بردو اشكر دكتور محمد على مجهوده معانا ثانيا ازاى مايكونشى فى يوم اجازه وحنا شغلنا كله عملى وتعب وتلاخيص ومذاكره كل ده هيبقى امتى يوم الجمعه بس طب وهنترتاح امتى فرجاء ياريت بجد تخلو يوم اجازه عندنا وياريت تنظرو فى الموضوع ويكون ليه حل بقدر المستطاع

معلش انا اسفة نسيت اكتب انا انهى فرقة انا الفرقة التانية مجموعة أ وشكرا

وانا الفرقه الاولي وسكنه في مساكن شيراتون ومعنديش ولا يوم اجازه

وانا متعوده علي صله الرحم كل اسبوع او اسبوعين تقريبا

فمتي اذاكر ؟؟؟؟؟؟؟؟؟؟؟؟

ومتي اصل رحمي؟؟؟؟؟؟؟؟؟؟؟؟؟

ومتي استريح؟؟؟؟؟؟؟؟؟؟؟؟؟؟؟؟؟

وانا كمااااااااان هنزل يوم السبت مخصوص عشان محاضرة من الساعة 9 للساعة 11 وانا ساكنة بردة بعيد وارجو ان تنضم هذة المحاضرة فى يوم اخر من ايام الاسبوع وانا فى الفرقة الرابعة مجموعة ب

معاكى حق يابندقه وخصوصا كمان هاينفع اللى فى المدينه زى حالاتى كده مش عارفه اروح بيتى امتى وارجع امتى بجد الجدول مشكله كبيره اوووووووووى
يااااااااااااااااااااااريت يكون فى حل

بجد فعلا لازم حل ليوم السبت مش هينفع خالص لازم يرجع اجازة تانى

ياريت حد يرد علينا مينفعش يوم واحد بس اجازة فى الاسبوع

هنخلص شغلنا امتى والعملى والمذاكرة

انا فى سنة تالتة وكمان اول سنة ننزل مدرسة مش عارفة شغلها هيخلص امتى

انآا مش عارفهـ ايه غرضهم من اننا ننزل يوم السبت
فى المدارس مخليين الطلبة ييجوا 3 ايام فى الاسبوع
طيب واحنآا اللى فى الجامعة اللى عددنا بيبقى اكبر منهم
انا مش بطالب اننا ناخد 3 ايام فى الاسبوع
على الاقل ناخد يوم السبت اجازة مش ننزل كل الايام
هو احنآا بنمشى عكس النآاس ولا ايه
دهـ احنا لما كنا بناخد السبت والجمعة كنا بنرجع الاحد تعبانين برضهـ
وبعدين راعوا اننآا كلية عملية يعنى بيبقى عندنا اشغال كتير
وكل دكتور ومعيد بيبقى عايز شغله هو يتعمل
ومش يهمه شغل اى حد تآانى
وسنهـ 3 دى اصعب سنهـ يعنى انتوا بجد عايزين تموتونآا
بجد حرآام عليكم
دهـ مش منظر جدول خآالص
دهـ مش جدول لبنى ادمين ابدآا
واللهـ حرآااااااااااااااااااااااااااااااااااااااااااااااااااااااااااااااااااااااااام

والله عندكوا حق يا بنات هما مش مقدرين كمية التعب اللى بنبقى فيها مش مقدرين كمان اننا مبنمشى وبنبقى حالتنا النفسية زفت بسبب ضغط الشغل اللى علينا واحنا فعلا مش عارفين نظام المدرسة عامل ازاى وكمان المدينة الجامعية
والله بجد هتبقى شكلها سنة طحن....................

اولا شكرا لدكتور محمد عطا
وكمان شكرا للقلب الطائر لاني بجد كان هيجرالي حاجة من الجدول ده
انا في الفرقة الثالثة وبيتي بعيد والجدول مش مناسب خالص فمثلا انا عندي يوم السبت من الساعة 9 الي 11 سكشن وهفضل فاضية مش عندي حاجة من 11الي 3 وبعدين عندي سكشن من 3الي 5
وكمان يوم الثلاثاء هنزل مخصوص علشان سكشن واحد زمنة ساعتين وانا مواصلاتي بردو ساعتين ده غير الوقوف علي ما الاقي حاجة اركبها
وبعدين بردو انا مش فاهمة ايه الفكرة في يوم السبت هو احنا ناقصين تعب علي تعبنا
ولا ضافو يوم السبت علشان الوباء الجديد يعني علشان ندي فرصة اكتر للعدوي والاصابة بالمرض في ظل الزحمة الشديدة اللي بنشوفها كل يوم
هو ده بدل ما نقلل ايام الكلية منعا للاصابات والعدوي
انا بجد مش فاهمة واسفة جدا علي الاطالة بس بجد الموضوع ده مضايقني جدا
وياريت بجد تلاقولنا حل

أنا عندى أقتراح علشان نقدر ناخد يوم أجازة وفى نفس الوقت نقلل الضغط على المدرجات
لو ينفع يكون لكل فرقة من الفرق يوم أجازة خاص بيها
يعنى مثلا الفرقة الأولى يوم السبت والثانية الأحد وهكذا
بس بجد أرجو أننا ناخد يوم أجازة على شان نقدر على العملى كما أرجو تعديل الجدول لأنه بيكون فيه ساعات كتير فاضية وبصراحة ده شئ صعب لأنه بيضيع علينا اليوم على شان سكشنين أو محاضرة واحدة

اه والله بجد عندكوا حق ياجماعة ف كل اللي انتو قلتوه........
انا عندي اقتراح وهو....بما انهم مصريين ينزلونا يوم السبت اوكي هننزل بس بشرط يدونا يوم الخميس اجازة لان بجد والمصحف ظلم اووووووووووووووووووووي حكاية ان احنا ماناجزش الا يوم واحد ماينفعش خااااااااالص..........

على فكرة حلوة اوووى فكرة كل فرقة يوم اجازة والاسلوب دة متبعينة فى كلية صيدلية جامعة القاهرة لان انا اعرف ناس فيهم صاحبتى واخويا هناك فى صيدلية والنظام دة حلو اووووووى وفى نفس الوقت منعا لتنشار الوباء

بجد يابنات لازم حد يرد علينآا من الدكآترهـ
مينفعش كدهـ
محدش سآائل فينآا ليهـ
زى ماقلتى يافاطمهـ فعلا ( حسبى اللهـ ونعم الوكيل )
ربنآا قآادر على كـــــــــل شئ