ممكن حد يقولي نشتكي لمين

مش فاهمه ياجماعه ايه الي بيحصل ده
روحنا المدينه بيقولو مفيش سكن الا بعد اسبوعين اصل المبني فيه ترميمات
يعني ايه كل الكليات تسكن ماعدا كليه رياض اطفال
الموقف ده حصل من سنتين مع واحد صاحبتي وكانت في الفرقه التالته
وكان في ترميمات وفضلوا شهر من غير مدينه
هو كل شويه ترميمات ولا هما عطوا المبني لكليه تانيه وبيصلحوا مبني جديد علي حساب رياض اطفال
انا مش فاهمه المبني محصلوش الترميمات دي في الاجازه ليه لسه جاين يفتكروا دلوقتي
عادي اصلها كليه رياض اطفال مش مشكله
وليه مدوش المبني ده لكليه اداب ولا حقوق علي الاقل مفيش عندهم شغل عملي زينا
والشغل العملي في الفرقه التالته كتير
للدرجه دي مش مهتمين بكليتنا والاستهزاء بالطلبه ولا بالكليه
ولا مين بالظبط
انا مش عارفه احنا هنعمل ايه
لا والغريب لما الموظفه ردت عليا بقولها رياض اطفال قالتلي مش موجوده وراحت قفلا من غير مكمل روحت مكلماها تاني وقولتلها يعني مش موجوده يعني مش هنسكن
راحت قايلالي انت كليتك عمليه ولا ايه قالتلي وتقديرك قولتلها جيد جدا قالتلتي تعالي يوم 7/10
عشان تخلص مني من غير متتاكد ان المبني فيه ترميمات
يعني الفروض ان كنت هروح بالشنط وارجع تاني هشان الاستهتار
لولولو قرات موضوع نانو وروحت اتاكدت تاني
يعني مش عارفه نشتكي الموضوع ده لمين بالظبط
وانا عارفه ان الموضوع ده هيعدي مر الكرام
وهنفضل في مشاكل المدينه ذي كل سنه
ياريت بقي يكون في حل يااما الكليه تعفينا من الشغل العملي والسكاشن والحضور
يأما المدينه توفرلنا اماكن نسكن فيها علي لما المبني يترمم واعتقد ان حقنا علي الاقل
اصل اعتقد يعني ان احنا مش هنسافر رايحين جايين كل يوم بالشغل
ياريت يجماعه حد يلاقي حل ويكون في اهتمام بالموضوع

في الحقيقة يا جنة عميد الكلية اجتمع مع الطالبات اليوم في مدرج سوزان مبارك و قال أن التأخير متعمد و ليس بسبب أي ترميمات....
إنما السبب للتأكد من عدم و جود إصابة بأنفلونزا الخنازير خصوصاً القادمين من البلاد العربية...
أتمنى إني أكون أفدتك و شكراً...

شكرا يااشراق علي ردك
بس في كليات كتير سكنو
ومحدش قال وضعنا هيكون ايه في الكليه والحل
يعني هنعمل ايه

ازيك يا جنة انا عيزاكى متضيقيش مع ان الموضوع مستفز بصى هو لو هينفع تكتبوا شكوى وتقدموها على طول لرئيس الجامعة لية لان المفروض يعنى لو هما عاملين عشان يطمنوا عدم وجود انفلوانزا طب ماكانوا وضبوا لدة ويجيبوا جهاز اللى من خلالة يقدروا يتعرفوا من خلالة على وجود انفلونزا الخنازير ام لا قدام فى ناس من الخارج انما ميعطلوكومش كدة لانة مش فى مصلحتكم لان دة موت وخراب ديار لما تصرفوا كل يوم رايح جاى فلوس مواصلات واعتقد انهم المفروض بيدوروا على مصلحتكم فدوروا انتم عليها وبرضة هقول الله اعلم يمكن فى سبب اخر لمصلحنكم عشان منظلمش حد والسلام عليكم

شكرا ياEONOE علي اهتمامك
فعلا الموضوع مش انفلونزا الخنازير
ومش عارفه فعلا الشكوي دي هتعمل حاجه ولا لأ
واعتقد ان البنات كلهم لازم يعملوا الشكوي دي مع بعض
ويارب الكليه تراعي موضوع السفر ده

ربنآأ معآاكى ياجنهـ واللهـ ومع كل بنات المدينهـ الجامعيهـ
اصلا السنهـ دى فعلا باينهـ من اولهآا
ربنآا يستر علينآا منهم بجد
مش عارفة ناويين يعملوا فينا ايه اكتر من كدهـ

شكرا يارونه علي مشاركتك

الواحد مش عارف يعمل ايه الجدول زى الزفت المدينة ومانعين تسكين المنتقبات طب احنا نعمل ايه دلوقتى معندناش غير حسبنا الله ونعم الوكيل

والله انا مقدرة المشكلة دى

فعلا حاجة صعبة اووووووووووووى منتهى الاهمال

البنات المغتربات دووووووووول هيعملوا ايه دلوقتى

لازم الكلية تشوف حل فى الموضوع ده

مش كفاية الجدول هيبقى كمان المدينة ربنا يستر

شكرا ياجماعه علي مشاركاتكم
ويريت الكليه تحس بينا وتشوفلنا حل
ويريت الدكاتره المهتمه بالطالبات تساعدنا

الشكوة لغير الله مزلة