هل نظافة المدرج تصل الى إلغاء محاضرة ؟

المشكله ديه من زماااان على فكره

و كانت النتيجه يبقى الحال على ما هو عليه

عندك حق يابيوتى,,,,,,,,,,,,,,,,,,,,,,,,,,

طبعا حاجة مؤسفة جدا اللى بنتعرضله .
و الحل الأمثل ان صاحب الحق يتمسك بيه , و انت صاحبة حق يعنى مش تخرجى من المدرج الا لو الدكتور بعت حد يبلغنا بكده .
( بس ممكن تكون العاملة كان قصدها تقفوا برة على ما تنظف المدرج ) .

هي بصراحة الشخصية دي مبينفعش معاها أدب
يعني يوم ما تحاولي تتفاهمي معاها بسم الله ما شاء الله على الوجبات الشهية من الكلمات الراقية اللي هتسمعيها
و بالشفا

أما بقى لما تتنرفزي عليها بتكش
أو ع الأقل بتقولك طب آديني قاعدالكم و أما نشوف الدكتور جاي و للا لأ
ده غير طبعاً انها بتقرر بمزاجها وجود محاضرة من عدمه
" لأ مفيش محاضرة انهرده اطلعوا بره "
" الدكتور مش جاي "
لأ و أحلى حاجة قالتها بصراحة أما كنت هاطق :
" مفيش محاضرة هنا أصلاً من أول السنة "
" الدكتور مبيديش هنا أساساً "
و الكلام ده نصاً عنها على مدار الكام محاضرة اللي نورتنا قبلهم طبعا يعني
و بما إني أول واحدة تقريبا بدخل المدرجات غالبا
فأنا الحممممد لله
متابعة المسلسل بالكامل
و كل حلقة باشوفها من تتر البداية لتتر النهاية

و نفسي بقى أفهم حاجة
هي الست دي بقت العميد و احنا مش عارفين ؟؟؟؟
يا ريت يعني لو حد عنده علم بالموضوع ده يقولنا عشان بس نبقى عاملين حسابنا نبقى نجيبلها شاي و للا حاجة

بجد حسبي الله و نعم الوكيل
و في الآخر يقولوا ما انتو اللي بتعملوا

no comment