اشهر جمل بيقولها الاب والام في مصر

االلي عنده جمله مشهوره بيقولهاله امه او ابوه يقولها
لحد مجيبلكم مجموعه جمل جامده جداااا وفعلا بتتقالنا كلنا في اليوم اكتر من مره

ايوه فى جمله بتهيالى كل الامهات بتقولها لولادها :
الام (هناكل ايه بكره يا ولاد )
ردو عليا وقلولى فعلا بتتقال لكم ولا لا

دايما اسمع والله مانتي فالحة الي في سنك بعماوا كذا

فعلا يانانا الكلمه دى بسمعها علطول

فعلا والله بتتقالنا

لا والكلمه اللي بتتقال كتييييييييييير روقي الشقه وخلصيها ده اللي قدك متجوزه وفاتحه بيت

قومي انشوري الغسيل بدل ما انتى نايمة

ههههههههههههههه فعلا بقي يا بندقه
ارحمي نفسك شووووووويه

ههههههههههههههههههههههههه بصراحه انا بحب المنتدى جدا لانه بيجمع احلى والذ بنات

مرسي ليكي يانانا اكيد انتي احلي عشان كده شيفانا حلوين

امي دايما تقولي والايام دي بالذات(ولا مذاكره ولا نيله طول النهار قعدين قدام الكمبيوتر لابنكلم احمد لبنلعب )

بابا دايما يقولي (حرام عليكي سعدي امك وقومي اغسلي المواعين)

مين احمد ياغادة

فى الاول احب ارد على توته واقولها ان احمد ده يبقى خطيب غاده
والكلمه الى على طول بسمعها من ماما بعد ما بسمه اتجوزت
عقبال ما نخلص منك انتى كمان

فعلا يا ZANDYA
الكلمه دى على طول بتتقال
ووراها على طول امال الاجيال التانيه هتبقى عامله ازاى

واكتر كلمه بسمعها من بابا ربنا يهديكى

انا بقى بابا دايما يقولى :ربنا ادينى العمر انا وامك واشوفك فى بيتك عاملة الزاى

لكن ماما بتقول حاجات تانية منها:هوة انتى على طوووووووووووووول نايمة

او كل يوم الصبح قبل ما تنزل وضبى الشقة بقى قبل ماتنزلى ز اللى هوة انا بيبقى قدامى نص ساعة

واحصلها ف الشارع عشان الكلية

وطبعا الكلمة المعتاده هتكلوا اية النهارده

او انتى اتاخرتى لية سؤال كل يوم

طيب لية لما برجع بدرى مش بتقول جيتى بدرى ليه؟؟؟؟؟؟؟؟؟؟؟؟؟؟؟؟؟؟؟؟؟؟

عارفه هي مش بتقولك جيتي بدري ليه؟؟؟؟؟؟؟؟؟؟؟؟؟؟
عشان انتي اساسا عمرك مابتروحي بدري
ولو حصل وروحتي بدري بتبقي تعبانه قوووووي
فالسبب بيقي واضح
عرفتي بقي؟؟؟؟؟؟؟؟؟؟؟؟؟

تعالو شوفوا بقى دلوقتى

الكلام مش بيخلص اللى بيتقال النهاردة اتقال امبارح وهيتقال بكرة

يعنى انا حفظته خلاص وبقيت اسمعهوخصوصا كمان انك بقيتى قاعده ف البيت لحد مايكون

فى شغل ده ان شاء الله بابا ع طول يقول :

-ساعدى امك شويه او
-هوة انتى تصحى طول الليل وتنامى طول النهار يا بنتى حرام عليكى.

ماما بقى اوعى كلام كلام ع طول كل دقيقة نفس الكلام بتكلمنى ع الموبيل عشان تقوله تانى

- ككفاية نوم بقى وقومى اعملى الشقة وحضرى الغدا
-او هوة احنا مش هنخلص من الموبيل ده بقى

انا بقى ماما وبابا دايما يقولولى اكتر كلمه((((((((اعقلى)))))))))) وهم اصلا ميعرفوش الكلمه دى بتجننى اد ايه
وماما طبعا كل يوم((هناكل ايه انهرده؟؟؟؟؟؟؟))