الاصدقاء

هذا ما كتبه الرائع سيد حجاب ولحنه المبدع ياسر عبد الرحمن وغناه الراحل الجمييل محمد قنديل .. حاجه مش عارف اقول عليها ايه .. انا شخصيا بعشق كل حاجه فيها

آدي إيدي مِد إيدك
جرحي جرحك عيدي عيدك

ود دافي نبع صافي
شيء كأنه نيل موافي
من وريدي و من وريدك
يا صديقي مِد إيدك

يا صديق عمري يا صاحب ذكرياتي
إنتَ كنز أيامي تحويشة حياتي
و مراياتي اللي باشوف جوّاها ذاتي
و تواجهني بعيبي تكشف سيئاتي
تِقسى بحنان و استزيدك
يا صديقي مِد إيدك

أصدقاء و الود موصول فوق زمانّا
بيه آمنّا و له آمنّا و فيه أمانّا
بيه على الدنيا و ع الدهر استعانّا
و إن زمنّا خانّا و في لحظة طعنّا
تستعيدني و استعيدك
يا صديقي مِد إيدك


آدي يدّي مد يدك
قد ودك قلبي ودّك
د انتَ بعد الأهل أهلي
و اذا يوم قلبك ندهلي
حتلاقيني بقلبي عندك
يا صديقي مد يدك

يا صديق عمري و أحلامي و عذابي
في ليالي فرحتك عامل حسابي
في ليالي وحدتي بتدق بابي
و عمر باب قلبي ما صدّك
يا صديقي مد يدك

أصدقاء و الود موصول فوق ظروفنا
مهما نبعد مهما طوفنا مهما شفنا
في ساعات شدتنا و قلقنا و خوفنا
تستعيدني و استردّك
يا صديقي مد يدك

وده كان تتر مسلسل الاصدقاء واللى قال الكلام ده المطرب الراحل الجميل محمد قنديل والحان المبدع ياسر عبد الرحمن

بجد كاتب رائع جدا استطاع ان يوصف معانى الصداقه الحقيقيه باجمل الكلام واصدق المشاعر

ياريت كلنا نلاقى اصدقاء بمعنى الكلمه

اشكر nehadعلى هذا الموضوع

الكلمات حلوة جدا يا نهاد , تسلم ايدك .
بس أنا حاسة ان احنا فى زمن المصالح فيه غالبة و نادر قوى لما تلاقى صديق يشبه هذا المعنى .

بجد كلمات اكتر من رائعة
كلمات جميلة اوى اوى بجد
اشكرك عليها يا Nehad

ميرسى يا جماعة على كلمكم الجميل
وده معنى ان فعلا لسة فى اصدقاء بنفس معانى الكلمات
الموجودة فى الاغنية
ومهما كانت المصالح فالحب الخارج من القلب
يصل للقلب وعلى فكرة احنا فعلا محتاجين
ان احنا نحب بعض فى الله

عندك حق يا نهاد .
انى أحبكم فى الله .

احبك الله الذى احببتينى فيه
يا yoya
وربنا يكرمك يا جميل

بجد كلام حلوي اوي
وانا بحب المسلسل دة اوى اوى
وبجد مرسي ليكي علي المجهود الرائع