حوار بين اثنين اصحاب عن الحب

هو حوار بين اتنين صحاب
قال الاول للثاني إيه رأيك في الحب

التانى *ردوقال حب ايه ياعم بلا حب بلا كلام فارغ
الاول *كلام فارغ ليه هو احنا نعرف نعيش من غيره

التانى* ليه هو اكل ولا شرب
الاول* اكتر من الاكل والشرب

الثانى* انت باين عليك سخن ولا مكلتش النهارده

الاول *لاالحمد لله لاسخن ولا مكلتش
التانى *امال ايه الموضوع
الاول *الموضوع ياسيدى اننا عايزين نستفيد من الحب

التانى *ياعم سيب الكلام ده للشباب انت راحت عليك

الاول *الفوايد دى لكل الناس
التانى* بردو هاتقولى فوايد
الاول *هقولك على الفوايد بس مش النهارده
التانى *لا هتقول دلوقتى

الاول* اصل الموضوع هيطول وانا مستعجل دلوقتى
ــــــــــــــــــــــــــــــــــــــــــــــــــ ـــــــــــــــــــــــــــــــــ

الاول* السلام عليكم معلش اتأخرت عليك بس غصب عنى
التانى*وعليكم ياسيدى غصب عنك ايه ينفع تلخبطلى دماغى وتسبنى بقالك اسبوع محدش شافك ولاسمع صوتك
الاول*مانا بعتزرلك ياسيدى اهوه
التانى*ماشى ياعم قلى ايه الموضوع اللى لخبطلى به دماغى دا ايه
الاول*كويس دانت لسه فاكر اهوه
التانى*مانت عرفنى محبش حاجه تعدى عليا من غير ما فهمها

الاول *الحب ده من غيره ممكن الحياة تبقى جحيم

التانى *ازاى وليه
الاول *انا وانت ايهالعلاقه اللى بينا
التانى *علاقة صداقه
الاول *والصداقه اساسها ايه مش الحب
التانى *بس فيه ناس بتصاحب علشان مصلحه
الاول *وتفتكر دول هيستمروا اصحاب
التانى *لا طبعا دا الواحد من دول مجرد مايحس انه خد اللى عايزه مبتشفوش تانى ولو قابلك قدرا مبيسلمش عليك حتى
الاول *وطبعا اللى زى ده بيخسر كتير
التانى *بس هيخسر ايه اذا كان بياخد مصلحته ويسيبك
الاول *اولا الناس مش هيحبوه
التانى *وايه يعنى ماهو ما يلزموش
الاول *ومحدش هيقول فى حقه كلمه حلوه
التانى *يا عم بقولك مايلزموش
الاول *انا معاك انه ممكن ميديش للموضوع اهميه فى الاول لكن هيجي يوم لوجراله حاجه مش هيلاقى حد جنبه
التانى *عندك حق انت دلوقتى فكرتنى بواحد من الصنف ده حصلتله حادثه فظيعه نام بسببها فى السرير وطبعا محدش سأل عنه لانه كره الناس فيه حتى اهل بيته كانوا بيتمنوا موته ولغاية ما مات محدش زاره وحتى جنازته كان اللى موجود فيها اخواته بس ولو اخواته مش خايفين من كلام الناس مكنوش راحوا
الاول *ودى ابسط مافى الموضوع
التانى *هو فيه امر من كده
الاول *امال ياعم انت مسمعتش الرسول قال ايه
التانى *عليه الصلاة والسلام قال ايه
الاول *قال صلى الله عليه وسلم لما مرت عليه جنازة فأثنى عليها الناس فقال وجبت ثم مرت جنازة اخرى فقال الناس عنها شرا قال وجبت فتعجب الصحابه وقالوا لقد قلت وجبت على الجنازتين فما وجبت قال اما الاولى قال الناس عنها خيرا فوجبت لها الجنه واما الاخرى قال الناس عنها شرا فوجبت لها النار
التانى *ياحفيظ يارب للدرجه دى طيب الواحد يعمل ايه علشان الناس تحبه
الاول *اولا يحب الناس ابدأالآخرين بالسلام والتحية , ففي السلام تهيئة وتطمين للطرفوابتسم ,فالابتسامة مفعولها سحري وفيها استمالة القلوب
أظهر الاهتمام والتقدير للطرف الآخر وعامل الناس كما تحب ان يعاملوك
للناس أفراح فشاركهم فيها
_اقض حاجات الآخرين تصل إلى قلوبهم فالنفوس تميل إلى من يقضي حاجاتها
التانى *كمل ياعم دا انت كلامك حلو اوى
الاول *مين فينا يبقى عايز يقف فى الشمس فى حر جدا وممكن يبقى فى مكان اخر راحه
التانى *كلنا طبعا عايزين نبقى مرتاحين
الاول *والراحه دى سهله وبسيطه بس عايزانا نشغل عقلنا اسمع ياسيدى يقول حبيبك صلى الله عليه وسلم (سبعة يظلهم الله فى ظله يوم لا ظل الا ظله امام عادل وشاب نشأ فى عبادة الله ورجل دعته امراة ذات منصب وجمال قال انى اخاف الله ورجلان تحابا فى الله اجتمعا عليه وتفرقا عليه ورجل قلبه معلق بالمسجد حتى يعود اليه ورجل تصدق بصدقة فأخفاها حتى لاتعلم شماله ما تنفق يمينه ورجل ذكر الله خاليا ففاضت عيناه)
التانى *فعلا لازم الواحد يشغل عقله
الاول *طبعا واللى مش هيشغل عقله هيخسر خسارة كبيرة لأن ربنا قال فى الحديث القدسى انه يوم القيامة ينادى اين المتحابين فى اين المتزاورون فى اليوم اظلهم فى ظلى يوم لا ظل الا ظلى )

تاريخ التسجيل : 10/03/2009

جزاكى الله خيرا يابندقة ع الكلام الحلو دة ويارب كلنا نعمل بيه,,,,,,,,,,,,,,,,,,,,

اشكرك يا ضحى الروبى على متابعتك ومشاهدتك للموضوع

ويارب يارب نعمل بية كلنا

تاريخ التسجيل : 28/01/2009

بجدتسلم ايديكى يا بندقة الموضوع اكثر من رائع

تاريخ التسجيل : 07/03/2009

تسلم ايدك يا بندقة الكلام جميل جداااااااا .

فعلا الصداقة دى شئ حلو جداااااااااااا .

الحمد لله أنا ربنا رزقنى أصدقاء كويسين جداااا , و بنحب بعض لله و فى الله و بعيدين كل البعد عن المصالح .

اللهم اجعلنى أنا و أصدقائى من السبعة التى ستظلهم بظلك يوم لا ظل الا ظلك .

تسلمى يا قمر على الموضوع .

الموقع : في قلوب احبابي تاريخ التسجيل : 04/07/2009

موضوع رائع يابندقه وفعلا الحب في الله له طعم تانى خالص وانا بحب بنوته هنا وبجد بحبهالله واحسبها هى كمان كده
يارب انت لم تجمعنا في دونيا فانيه فاجمعنا في جنه قطوفها دانيه
اسراء وينك ياحبيبتى

شكرااااااا ليكوا كلكوا
شكرا يا فذدقتى يا صديقة عمرى لا دة انتى اختى واكتر كمااااااااان
واشكرك يا yoya
واشكرك يا amooooola وربنا يخليكى لأسراء ويخليها ليكى يارب

تاريخ التسجيل : 24/02/2009

تسلم ايدك يابندقه
بجد موضوع تستاهلى عليه كل التحيه
اللهم اجعل بيننا الحب ولا تدخل الضغائن الى قلوبنا
ويارب مانبقى اصحاب مصالح وبس Smile

تاريخ التسجيل : 06/09/2009

ميرسى على الموضوع الجميبل ده

بصراحة موضوع اكثر من رائع تسلمى بجد تحفة

» حوار بين الحب والحزن
» حوار جميل بين الحب والصداقة
» حوار بنااات........ حوار اولاد........مافي فرق!!!!!!
» : قبل (~الحب~) وبعد (~الحب~) وعند (~الحب~)ّّّّ*
» الإنسان قبل (الحب) وبعد (الحب) وعند (الحب)