yoya
تاريخ التسجيل : 07/03/2009
 |  موضوع: ادخلوا و مش هتندموا .......... نكت جامدة أخر حاجة الإثنين 30 نوفمبر 2009, 12:57 am | |
| 1/ واحد غبى قوى حكموا عليه بالاعدام , بعد مل علقوه فى المشنقة قعد يشاور و يخبط بايده و رجله ففكروه عاوز يقول حاجة مهمة ,
ففكوه و نزلوه بسرعة , فقالهم :ايه احنا هنهظر كنتوا هتخنقونى .
2/ مرة واحد قابل واحد أخنف سأله : " انت بتشتغل ايه ؟ " فقاله الأخنف : " فنان " , قاله : " يعنى بتغنى ايه ؟ " , قاله الأخنف : " فنان " , قاله : " ماشى يعنى بتعمل
ايه ؟ " , قاله الأخنف : " فنان يعنى بحط العيش فى الفن " .
3/ واحد غبى جاله عقد عمل فى الكويت و يوم السفر قاعد فى المطار فالمذيع الداخلى بيقول : " على ركاب الرحلة 770 المتوجهةللكويت التواجد بصالة الدخول " , ثم كرر
المذيع الداخلى النداء لأخر مرة , فموظف المطار بيقوله : " رحلة الكويت هتطلع يا أستاذ " , فرد عليه و قاله : " يا عم دول طالعين رحلة , أنا طالع شغل " .
4/ واحد راح يشترى عربية لقى كل العربيات غالية عليه , بعدين لقى عربية قديمة و عليها تراب كتير بس سعرها مناسب صاحب المحل قال له العربية دى فيها ميزة هايلة ,
بص كده ..... و قام مسح بايده التراب اللى عليها قام طلع منها عفريت قاله : " شبيك لبيك تطلب ايه ؟ " قاله : " هات شاى للبيه حالا " و فى لحظة كانت كباية الشاى قدام
الراجل قام اشترى العربية فورا و ساقها و طلع بيها على حتة فاضية و نزل منها و مسح التراب فطلع العفريت , قاله " عيزك تبنى لى هنا قصر كبير فيه جنينه و حمام سباحة
و ملعب تنس و ................... , قام العفريت قاله : " حيلك حيلك انت فهمت غلط , أنا شاى و قهوة بس " .
5/ مرة قرية كلها أغبياء كان فيها حفرة كل يوم يقع فيها واحد عملوا مجلس علشان يشوفوا حل للحفرة دى , قام واحد و قال : " يا جماعة احنا نحط عربية اسعاف جنب
الحفرة علشان المصابيين يتنقلوا بسرعة للمستشفى " , قام التانى قال : " احنا نبنى مستشفى جنب الحفرة علشان المصابين يتنقلوا أسرع " , قام الثالث قالهم : " يا جماعة انتوا
مغلبين نفسكم ليه احنا نردم الحفرة دى , و نحفر واحدة تانية جنب المستشفى " .
6/ مرة واحد غبى لقى قرد فى الشارع مشى بيه لحد ما قابل العسكرى قاله : " أودى القرد ده فين ؟ " , العسكرى قاله : " وديه جنينة الحيوانات " و تانى يوم معدى بالقرد
فالعسكرى قاله : " مش قلتله وديه جنينة الحيوانات ؟ " , قاله : " ما أنا وديته امبارح , النهارده بقى هوديه السينما " .
7/ مرة اتنين مجانين اتفقوا انهم يهربوا من المستشفى واحد قال للتانى : " لو لقينا الصور عالى هنهده و لو لاقيناه واطى هنط من فوقه " , المهم اتفقوا و بعدين راحوا
مالاقوش صور خالص قالوا : " يا خسارة المهمة فشلت " .
8/ مات أحد الاغبياء البخلاء و ترك وصية , فلما فتحها أهله قرأوا فيها ما يلى : " يجب أن أدفن عموديا , و هذا لغلاء سعر الأرض " .
9/ يا جماعة الطيارة هتقع علشان الوزن تقيل ممكن ثلاثة من الركاب يضحوا بنفسهم علشان الباقى يعيش , قام الأمريكى و فتح الباب و قال : " أمريكا رمز الحرية " و رمى
نفسه , و قام بعده الفرنساوى و قال : " فرنسا رمز التضحية " و رمى نفسه , قام الصعيدى بعدهم و فتح الباب و قال : " مصر رمز الفهلوة " ..... و راح رامى
المضيفة .
10/ مرة 4 دخلوا يحيوا فرح الأول نقط بخمسة جنيه و ضرب طلقة فى الجو , التانى نقط بعشرة جنيه و ضرب طلقتين فى الجو , راح التالت منقط بعشرين و ضرب ثلاثة
طلقات فى الجو , جه أبوهم عايز يعمل مجاملة نقط بمائة جنيه و رمى قنبلة عل الفرح .
11/ واحد بيسأل صحبه : " هو ايه الفرق بين تجارة الحشيش و تجارة عين شمس ؟ " , قاله صحبه : " تجارة عين شمس أربع سنين , انما تجارة الحشيش أقلها 25 سنة " .
ههههههههههههههههههههههههههههههههه .
 
يا رب يعجبوكم , و انتظروااااااااااااااااا المزيد . | |
|
امونة
تاريخ التسجيل : 08/02/2009
| | موضوع: رد: ادخلوا و مش هتندموا .......... نكت جامدة أخر حاجة الإثنين 30 نوفمبر 2009, 2:07 am | |
| هههههههههه انا عاجبتنى رقم 3 اووووى ومنتظرين المزيد منك يا قمر  | |
|
ضحى الروبى
تاريخ التسجيل : 10/03/2009
| |
yoya
تاريخ التسجيل : 07/03/2009
| | موضوع: رد: ادخلوا و مش هتندموا .......... نكت جامدة أخر حاجة الإثنين 30 نوفمبر 2009, 2:21 am | |
| شكرا أمونة و ضحى على مروركم الجميل . | |
|
beauty
الموقع : فى بلدى الحبيبه مصر
تاريخ التسجيل : 15/02/2009
| | موضوع: رد: ادخلوا و مش هتندموا .......... نكت جامدة أخر حاجة الإثنين 30 نوفمبر 2009, 3:28 am | |
| هههههههههههههههههههههههههه جامدين يا يويا  | |
|
yoya
تاريخ التسجيل : 07/03/2009
| | موضوع: رد: ادخلوا و مش هتندموا .......... نكت جامدة أخر حاجة الإثنين 30 نوفمبر 2009, 4:02 am | |
| شكراااااااا يا بيوتى على مرورك . | |
|
