اخطر عشرة مكلمات في حياة البنات

هل ممكن بنت يحصل لها الكلام ده؟طيب تفتكروا ايه الاسباب اللى تخلى بنت تقع فى موضوع زى ده؟ ..لو واحده تعرفيها واقعه فى حاجه زى دى تحاولى تساعديها ولا تقولى انا مالى؟ايه موقفك منها ؟
اخطر عشرة مكلمات في حياة البنات



المكالمة الأولى:



عند أول مكالمة دائما ما تكون الأمور جميلة والعلاقة حميمة والأحلام مع فتى الأحلام



وردية والوعود كثيرة لماذا؟لأن فتى الأحلام دائما ما يكون كثير الوعود ويبدأ



بوصف مغامراته ووسامته ويبدأ بإسماعها قصص الحب المكذوبة..



المكالمة الثانية:



بعد المكالمة الاولى تشعر المسكينة أنها بدأت تفقد السيطرة على نفسها واستولى كذبه على عقلها



وقلبها وبدأت تفكر فيه



المكالمة الثالثة :



تنفيذ شيء من الوعود التي قطعها على نفسه أمام هذه الفريسة وهو مشروع الزواج منها



إذ الواجب عليها في هذا الوقت مجاملته وان لا تعكر عليه مزاجه



المكالمة الرابعة:



يستمر في خداعها بكلمات معسولة ويبدأ يبين لها أنها تلك الفتاة اللتي كان يبحث عنها



وهي قد بدأت في مرحلة التصديق



المكالمة الخامسة:



قصة الخروج ويبدأ هنا بتقديم طلباته من تلك الفتاة المسكينة فبعد أن تمكن منها ومن



قلبها واوقعها في شراكه بدأ يطلب منها الخروج معه ولو لمدة نصف ساعة



وستكون أمام الناس وفي مكان مزدحم حتى يذهب عنها مسألة عدم الثقة وبعد عدة محاولات توافق هذه المسكينة



المكالمة السادسة:



يحدد وقت الخروج وفي المكان المعين وفي الساعة المتفق عليها يلتقيان ويكون الذئب في تلك اللحظات



أشبه ما يكون بالحمل الوديع الذي يخجل ان يرفع طرفه في وجه تلك الفريسة وكل ذلك من اجل ان يكسب شيئ من



الثقة حتى تطمئن الفريسة انه يختلف عن بقية الشباب وهو في داخله يتحين الفرصه المناسبة



المكالمة السابعة:



بعد أن استطاع الذئب ان يغرز الثقة في نفس فريسته وكسب ودها وانزل عليهاوابلا من الكلمات الجميلة



المكالمة الثامنة:



تكثيف المكالمات الهاتفية واغراق هذه الفتاة المسكينة بكلمات الحب والغزل



وبناء منزل الزوجية معا وطرح فكرة الاطفال كل ذلك لنزع الخوف منها حتى يرمي بشباكه فيصطادها



المكالمة التاسعة:



الموافقة على الخروج لكنه يطرح عليها فكرة الخروج الى مكان يكونان به لوحدهما وطبعا هي توافق , فيحاول السيطرة على عاطفتها بكل الوسائل..



المكالمة العاشرة :



تمضي الأيام والفريسة تستدرج من هذا الذئب ولقاء يجر لقاء فبعد الكلام بدأ بلمس يدها



ومن ثم بدأ بطلب قبلة منها وهكذا حتى تمكن منها وسلمت كل ما لديها.. والذئب يطمنها ويعود بها الى الوراء قليلا مذكرها بوعوده لها بالزواج ويمضي يوم بعد يوم ويبدأ بالتهرب منها الى ان بدأت الحقائق تظهر للفتاة المسكينة . وقد حملت معها العار والخزي فلا اب يرحم ولا مجتمع يستر ضاعت الفتاة وضاع منها شرفها..



احذروا من الذئاب البشرية ..
احذرو يا فتيات..
يأتونكم كالملاك ...
وفجأة يتحولون إلى أخبث شيطان اعزائي الاخوة البنات ارجو ان تحذرو
وان تفكروا بالعقل قبل القلب فانتم في الاول والاخر الضحايا

لان الشاب اليوم مهما كان الخطاء لايلومة احد والبنت دايما هي الضحية
فحافظي علي نفسك اتمني اكون قد بلغت وحفظكم اللة من كل

سوء ويسترها مع بناتنا بنات المسلمين ويهدي الجميع الي الصلاح
منقوووووووووووووووووووووووول

تسلمى عمرى فعلا موضوع جميل والله يهدى كل بنات وشباب المسلمين يارب

متشكره جدا على ردك ياmy loveyou وامين يارب ربنا يهدى كل البنات والشباب

ميرسى كتير على موضوعك والله حقيقى ده بيحصل لكن للاسف كل واحدة بتبقى فاكرة ان هى اللى هتكسر القاعدة وان اللى بيخدعها ده هو الملاك الطاهر بس الغلط بيبقى ان هى سمحت بالمكالمة الاولى ........... اللى بتجرها وتسحبها لحد العاشرة وما بعدها من غير ما تدرى
بشكرك كتيييير
وربنا يهدى الجميع

الموضوع جميل فعلا

جزاكى الله كل خير

وجعله فى ميزان حسناته

الموضوع جميل ورائع وياريت كل بنت تاخد بالها

والمفروض ان مفيش اى بنت تسمح لنفسها خالص انها تكلم اى شاب خالص

وربنا يهدى كل البنات والشباب

متشكره يا نوسه على المرور متشكره يا هنوده27 ومرسى يا نور على مروركم نورتوا وربنا يهدى بنات وشباب المسلمين

السلام عليكم
اسمحيلى انا بختلف معاكى بشدة فى الكلام ده والحقيقية انا مش عارف الكلام ده منقول عن حد ولا ايه انا استفزنى جدا هذا الموضوع وكان لازم اعلق عليه
الموضوع اللى بيصور الشباب على انهم ذئاب! هل كل الشباب ذئاب وكلهم هدفهم الايقاع بالحمل الوديع اللى هيه الفتاة اكيد ده
ولو كان الكلام ده حقيقي مكنش الشاب يشتغل اكثر من وظيفة الصبح وبالليل ويكوووون نفسه ويحرم نفسه من كل حاجة علشان يجيب شقة ويجهزها ويختار بنت ويتجوزها طالما الموضوع عنده سهل كده زى ما بتقولى، كلام مش منطقى خالص ونتى نسيتى ان فى شباب محترمة كتييييييييييير وبتخاف ربنا وبتخاف على بنات الناس ونسيتى كمان ان كل شاب ليه اخت او حد من قراييبة بنات عمه او خلته يخاف عليهم ويخاف يحصلهم كده
كمان انتى بتصورى البنت على انها بمنتهى السذاجة والسطحية والحقيقية مفيش بنت بالمواصفات دى دلوقتى لان البنت بتبقى عارفة كويس مين اللى صادق معاها ومين اللى بيضحك عليها بل على العكس انى فى بعض واقول بعض الفتيات يتلاعبون بمشاعر الشباب وهذه حقيقيه لا يستطيع احد انكارها
ارجو ان تكون فكرتك تغيرت فى هذا الموضوع لان دى مش الحقيقية و لاننا لسه متمسكين بالدين واحنا مش عايشن فى غابة وفى شباب كتير وبنات حصل بنهم حب واتفقوا على الجواز وفعلا اتجوزوا
وفى النهاية اشكرك على هذا الموضوع الهام

أعتقد كلام (أحلى بنوتة) يخص بعض البنات وبعض الشباب
وليس الجميع بالعكس كلام (أحلى بنوتة)هيفيد بنات كتير
لأنه فى بنات فعلا فى هذه المراحل
شكرا يا(أحلى بنوتة)

اولا متشكره جدا على مرورك الطيب بس مش عارفه حاسه منك بهجوم شديد جدا وزى ما قالت اطياف انا اقصد فئه معينه من الشباب والبنات ولان فى قاعده ماشيه فى كل الدنيا والدنيا كلها عارفاها ان كل حاجه فيها الطيب وفيها الوحش يعنى انا لما كتبت الكلام ده مش قصدت الشباب اللى طالع عينه فى الشغل علشان يكون نفسه ويتجوز ولا الشباب اللى لسه متمسكه بدنها وعادتها وتقاليده ولا الشباب اللى عنده اخوات وخايف عليهم وكمان بالنسبه للبنا فى بنات محترمه كتير والشاب معلش بقى اللى يسمح انه يكلم بنت وياخد رقم تليفونها بدون اى صله بينه وبينها زى تكون خطيبته مثلا هو شاب مش محترم فعلا لان اللى قاصد خير يجى من الباب حتى لو ظروفه وحشه يعرف البنت انه مش هيقدر يكلم اهلها الا لما يكون نفسه ومش يكلمها غير بحاجه رسمى وبعدين ممكن اسال حضرتك سؤال الكلام اللى انا كتباه بيحصل ولا لا؟وتوصف الشاب اللى بيتكلم مع بنت بالاسلوب ده على انه ايه يعنى؟اما بالنسبه للبنات ففى بنت بتكلم شاب وتمشى معاه وهى الحمد لله مش ناقصه عقل بس بتمشى وراء عواطف هى ممكن تتحكم فيها ...اتمنى يكون كلامى وصل كويس ومتشكره مره تانيه على مرورك

السلام عليكم
انا كمان بشكرك ـ احلى بنوتة ـ بس مش عايزك تفهمى من ردى ان ده هجوم عليكى لكن ده ميمنعش انى بختلف معاكى كتير فى رأيك ودلوقتى ندخل فى الموضوع
فى البداية عايز اضيف ليك معلومة لو تسمحيلى بما انها تخصصى على اعتبار انى دارس صحافة وهى انه طالما هاتكتبى موضوع يقرأه الناس " والمقصود هنا المنتدى" يبقى لازم تكونى محددة اوى فى كلامك واذا كنتى بنتقدى أو بتحذرى حد من فئة معينة لازم تتاكدى الاول من معلوماتك وفى جميع الاحوال لا يجب التعميم على كل الفئة حتى لو كان فى حسن نية
وانتى الحقيقية اتهمتى الشباب كلهم بنص كلامك ده "لان الشاب اليوم مهما كان الخطاء لايلومة احد والبنت دايما هي الضحية فحافظي علي نفسك اتمني اكون قد بلغت وحفظكم اللة من كل" فمن يقرأ مقالك يجد التعميم واضح ثانيا كلمة ذئاب اللى وصفتى بيها الشباب دى انا معترض عليها اصلا لان مش كل الشباب ذئاب الشئ التانى اللى لاحظته فى مقالك الاول وردك الثانى مش بتحملى البنت اى مسئولية خالص ودايما المسئولية بتكون على الشباب هو اللى كلمها وهو اللى ضحك عليها وهو اللى طلب نمرتها وكل شئ هو اللى عمله وكأنها مسلوبة الارادة لا تستطيع ان تقيم الامور وكمان فى كلامك اللى فردك الثانى"والشاب معلش بقى اللى يسمح انه يكلم بنت وياخد رقم تليفونها بدون اى صله بينه وبينها زى تكون خطيبته مثلا هو شاب مش محترم" الحقيقية انا مش فاهم السهولة دى جت منين يعنى لو اى شاب شاف بنت فى الشارع وطلب نمرتها هاتوافق بقى ولا ايه الحقيقية انا مستغرب الكلام ده انه يطلع من بنت انتى كده هاتخلينى اغير فكرتى عن البنات انا كنت فاكرهم اذكى من كده
ازاى البنت بتوافق بمنتهى السهولة كده على طلبات الولد حتى لو كانت بتمشى وراءعواطفها ومشاعرها ازاى البنت مش بتقدر تحكم على الكويس من اللى مش كويس حتى لو كان بدافع من حبها للشاب طيب فى الاخلاق والتربية والدين ازاى مش بتقدر تضع حدود لايجب ان يتخطها الشاب مهما كان حبها ليه الحقيقية ليس من العدل ان نحمل الشاب كل الاخطاء دون ان نلوم البنت تصرفتها وخلينى اقولك كشاب ان البنت هيه اللى بتسمح للولد انه يتجاوز حدوده وده معروف جدا يعنى
لو البنت سهلة وبتوافق على كل طلباته هو بيكمل لكن لو هيه صدته ووقفته عند حده عمره ما هايعمل حاجة تزعلها
يبقى مينفش نلوم الولد لوحدة لان العلاقة دى من ترفين مش طرف واحد
انا اسف انا طولت فى كلامى بس كان لازم ارد شكراً ليكم كلكم

متشكره جدا على ردك للمره التانيه وسعيده جدا باهتمامك بالموضوع بس برده مش عارفه انت مكبر الموضوع قوى انا لما قصدت اكتب الموضوع انا واخده شريحه معينه من الشباب والبنات وهى دى بس اللى انا قصدتها مش جيت ناحيه النوع التانى اللى هو الشباب المحترم وبعدين انا عرضت موقف وبسالك للمره التانيه بيحصل ولا لا؟وبالنسبه للانى مش بحمل البنت اى مسؤليه فدا محصلش منى بدليل انى كاتبه الموضوع ده اصلا للبنات وانا فعلا متفقه معاك فى ان البنت هى اللى بتدى الفرصه للولد..بس برده احنا فى مجتمع شرقى يعنى مين فى الغالب اللى بيجرى وراء التانى فى الاول الولد ولا البنت ...انا فعلا لو فى تشبيه اكتر من انى اشبه الولد اللى بيسمح لنفسه يعمل علاقه مع بنت اكتر من ذئب والله ما اتاخر بس للاسف ده موجود كتير اليومين دول ..اخر حاجه بشكرك عليها ان بعد كده لما اكتب حاجه هحاول احدد كلامى اكتر من كده علشان مش يتفهم خطا متشكره جدا

الحقيقية هو بيحصل طبعا انا مانكرتش وده موجود فى اول رد ولازم نتعرف ان المسئولية بترجع للطرف مش لطرف على حساب الاخر

ودلوقتى اقدر اقولك اننا متفقين

الحمد لله متفقين والمناقشه كانت للصالح العام يعنى انا عمرى ما كنت متحيزه للبنات ضد الاولاد شكرا