بمناسبة قرب الامتحانات اليكم الموضوع مرة اخرى

بعد متابعات كثيرة ومتابعة شكاوى الكثير من الطالبات من مراقبي اللجان وبعد مداخلات وردود بينى وبين كثير من الطالبات حول هذا الموضوع رأيت انه من الضرورى طرح وجهة النظر الأخرى ، اى من وجهة نظر المراقبين وبعض المعوقات التى يلاقيها المراقبين من الطالبات لتأدية عملهم على الوجه الأكمل وهذه المعوقات قد تم رصدها من "خلالي" باعتباري احد " المراقبين " وأحد المهتمين بهذا الموضوع وبعد شكاوى بعض الطلاب على المنتدى وخارجه وسأنقل لكم رصد لبعض هذه المعوقات بحيادية كاملة من خلال خمسة عشر مشهداً.
ثانياً: الهدف من طرح المشكلة من وجهة النظر الأخرى هى بالأساس إطلاع الطالبات على بعض الأمور التى أن تم تلافيها من جانب الطالبات سيشعر الجميع " طالبات- مراقبين" بالتحسن والارتياح وسيتم طرح الموضوع عن طريق لقطات أو مشاهد وفى النهاية نتمنى من الله إن يستفيد الجميع من هذا الطرح.
- فى البداية ورقة تعليمات معلقة على مدخل كل مدرج وهي موجودة بالأساس للطالبات لتقرأها وتلتزم بما فيها ولكن لا أحد يقرأ بدليل عدم تنفيذ ما فيها والغريب أنها بالرغم من انها موجها للطلبة إلا أن أكثر من قرأها هم المراقبين.
- المشهد الثانى: طالبات تأتى بعد بدء الامتحان على الرغم من التعليمات الصريحة بدخول اللجنة قبل بداية الامتحان بربع ساعة مما يربك المراقب ويجعله يبحث من جديد على من لم تاخد الورقة ويسبب إزعاج لباقى الطالبات.
- المشهد الثالث: طالبة تدخل داخل المقعد المخصص لها بكل ما تملك من أوراق خاصة بالمادة ومتعلقات وحينما يطلب منها المراقب لا تستجب إلا بعد أن يطلب منها ذلك عدة مرات وذلك بعد بداية الامتحان.
- المشهد الرابع: الخاص بالموبايل فالمراقب لديه تعليمات بعدم دخول الطالبة بالموبايل وان سمح لها بالدخول به لابد أن يكون مغلق وليس صامت ولكن هذا لا يعجب كثير من الطالبات بحجة معرفة الساعة منه وحينما يبلغها بأنه سوف يعلمها بالوقت كلما طلبت تدخل معه فى نقاش فما يكون منه إلا أن يتركها حرصا على وقتها.وبرغم أنها تعرف ذلك إلا انه يتكرر فى كل مرة.
- المشهد الخامس: أكثر المشاكل التى تحدث بين الطالب والمراقب هي عملية الغش فكثير من الطالبات للأسف وهذه السنة من أكثر السنوات التى كثر فيها الغش والغش الشفزى هو ما اقصد عن طريق الكلام وبالذات فى "الفرقة الأولى" وحينما يطلب منها المراقب عدم التحدث تقول الطالبة المقولة الشهيرة" انا متكلمتش".
المشهد السادس: إلتفات الطالبات كثيراً والنظر يميناً وشمالاً مما يثير الشك فى لدى المراقب ويتفرغ لمراقبتها على حساب بقى اللجنة.
المشهد السابع: لكن اغرب مس سمعته من الطالبات حينما يذهب لها ويطلبها بعدم الحديث تكون الاجابة مفاجأة وهى قول الطالبة " إننا مش بنتكلم فى المادة " ، اى حديث هذا الذى تنشغل به الطالبة عن الامتحان.
المشهد الثامن: هناك بعض المراقبين حينما يطلب من الطالبة الالتزام داخل اللجنة تطلب تدخل معه فى سيجال ومناقشة ندية مع العلم إن هذا المراقب قد يكون فى عمر والدها أو والدتها مما يثير تحفظ واستياء المراقبين. الا تغشى حتى ضياع الوقت منها !!.
المشهد التاسع: طالبة تضع يدها على فمها لتتحدث ولا تعرف أن المراقب يعرف ماذا تفعل.
المشهد العاشر: طالبة تدخل بورق خاص بالمادة محاولة الغش منه.
المشهد الحادى عشر: الغريب انه عندما يذهب المراقب للطالبة ويطلبها بعد الكلام لا تتركه حتى يغادر من أمامها وتتحدث مع زميلاتها ثانية أو أن يكون واقف قريب منها ولا تهتم وتتحدث مع زميلتها مما يثير حفيظة المراقب.
المشهد الثانى عشر: من أغرب الظواهر التى لاحظتها هو اختيار الطالبة لورقة الإجابة. بمعنى أن أعطى المراقب ورقة الاجابة وهو بالمناسبة يعطيها الورقة طبقا لترتيب الورق الذى معه فيكون من نصيب الطالبة ورقة إجابة بها مثلا ورقة زائدة فى الحجم عن باقى الورق فتطلب من المراقب تغيرها وحينما يقول لها المراقب انها لا تؤثر فى شئ تصر على ذلك وهى تعلم أن هذه الورقة التى لم تعجبها سوف تذهب لزميلتها مفضلة بذلك نفسها.
المشهد الثالث عشر: عدم التعاون بين الطالبة والمراقب.
المشهد الرابع عشر: تنتهز الطالبات اى فرصة للكلام وترى المدرج كله يتحدث حينما يكون هناك طلب جماعى أو توزيع استمارات أو دخول أستاذ المادة.
المشهد الخامس عشر:لكن فى الحقيقية أن اغرب وأعجب وأسوأ ما يقابله المراقب داخل الامتحان هو أن تطلب منه الطالبة بمنتهى الوضوح والصراحة أن يتركها """ تغش""" بداعى أن الامتحان صعب وطويل.
هذا بعض مما يجده المراقب من الطالبة داخل الامتحان واعتقد أنكم قد شاهدتم مشهد أو أكثر مما سبق
اعتذر على الإطالة وأتمنى لكم التوفيق والنجاح

كل اللي حضرتك قولته ده على عيني و راسي
لكن أظن في حاجة اسمها محضر غش معمول عشان كل اللي سيادتك قولته ده
في حاجة تانية إسمها " مالتزمتيش بالمعاد و خلاص محرومة من الامتحان "
أمال اخترعوا الحاجات دي ليه ؟ تهويش ؟
أنا ببقى في اللجنة و البنت جاية متأخر نص ساعة و التعليمات كانت مشددة ان مفيش دخول
و امراقبين يحايلوا في بعض طب خلاص ندخلها و آخر مرة
و طبعاً شوشروا علينا النص ساعة اللي عمالين يتفقوا فيها دي
و لو مسكوا بنت بتغش و لا كأن في حاجة حصلت
يقعدوا يزعقوا شوية و يوتروا باقي اللجنة و البنت دي عاااااااااااااااااااااااااااادي جدا
ما هي خلاص غشت و اللي كان كان
و لا قلم أحمر - زي المدارس - و لا محاضر و لاااااااااااااااااااا الهوا
- أمال بيهوشونا بيها ليه بقى إن شاء الله ؟ -

لو المحاضر اللي كل شوية نتهدد يبها فعلاً المراقب بيحول البنت اللي بتغش عليها ، تفتكر كان هيتكرر الوضع ده كوووول مرة ؟
لما تبقى التعليمات واضحة " مفيش بنت تدخل بعد ربع ساعة من بداية الامتحان " و فعلاً يتنفذ الموضوع ده ، هل هيبقى كل مرة نفس السيناريو ؟
أبصملكم بالعشرة و أمضي جنبهم كمان ، إنه على الأقل هتبقى الحالات التي هتتكرر دي نادرة و ممكن تكون فعلاً ظروف خارجة عن إرادة البنت - حادثة في الطريق لا قدر الله ، الطريق واقف ، حاجة قهرية فعلاً - مش دلع بنات

أدامكم المشكلة و في إيديكم الحل
لكن معذرة - كل حاجة بترموها على الطالبات و انتو بتعملوا و انتو بتسووا
طب الحل في إيديكم
و ده قانوني و شرعي و كل حاجة
يعني محدش ليه حجة

ممكن بقى حد ير عليا و يقولي
" محاضر الغش " و " الحرمان من دخول الامتحان " دول اخترعوهم ليه ؟
يعني
من باب العلم بالشيء برضه

اسمحيلى فى البداية ان اعقب على طريقة كتابة ردك، انتى اسلوبك فى فى الرد على الموضوع غير مفهوم وغير مترابط
لكن اسمحيلى ان اعلق على الجزء الذى اعتقد انى فهمته من ردك
انا فهمت منك انك عايز المراقبين يطبقوا القانون مهما كان وهذا فى حد ذاته جيد فتطبيق القانون شئ مهم، ولكن هناك ايضا شئ اسمه روح القانون0فهناك الكثير من الطالبات الذين لايسكن فى القاهرة ويضطررن لان ياتوا الى الامتحان ويعاودن الى بدانهم فلكى ان تتخيلى طالبة لكى تاتى الامتحان الساعه التاسعة صبحاً ،عليها ان تغادر منزلها فى الخامسة فجراً وهذا شئ صعب جداً يجب ان ياخذ فى الحسبان ده غير ان الطريق والمواصلات غير مضمونين، انتى نفسك التمستى العذر لبعض الطالبات الذين يتاخرن اكثر من ربع ساعة بسبب مشاكل فى الطريق، والحقيقية انه يكون واضحاً جدا للمراقب ان كانت صادقة ام لا ولذلك يلتمس لها العذر.مع العلم ان هناك بعض الطالبات الاتى لايدخلن اللجنة من بدايتها، وفى جميع الاحوال فان هؤلاء الطالبات يتاخرن ثلاث او خمس دقائق على الكثر فالمراقب يراعى مصلحة الطالبة فى المقام الاول ودعينى اذكر لكى موقفاً شاهدته بعينى
طالبة من الاقليم تاتى الى الامتحان فى اخر ربع ساعة منه وتريد دخلول الامتحان مما شكل معه استحالة قبول طلبها فما كان منها الا ان انفجرت فى البكاء بل كانت تتململ على الارض وكادت ان تقبل قدم كل من حولها للسماح لها بدخول الامتحان
فهذا موقف انسانى ولكن فى النهاية لايستطيع احد ان يقدم لها العون على الرغم من تعاطف كل الموجودين
اما بالنسبة لمحاضر الغش التى تريدى ان تقام للطالبة التى تغش فى الامتحان ، فما اسهل ان يفعل المراقب ذلك ولن يكلفه الامر شيئا ولكن المراقب يضع بين عينيه اولياء امور هؤلاء الطالبات وما يتكبدوا من مصاريف وقسوة وتحمل أعباء تعليم اولاده وكذلك لان معظم المراقبين اولياء امور ويشعرون باقرانهم فليس ما يهم المراقب الطالبة ولكن يهمه فى المقام الاول والدها الذى يشقى ليوفر لها قدر المستطاع ظروف مناسبة للدراسة
اشكرك فى النهاية على التعليق واغفري لى على الاطالة

إيه اللي مش مفهوم بالظبط ؟
أنا في الأول قولت إن في محضر غش و حرمان من دخول الامتحان
و بعدها قولت مواقف من اللي بتحصل كل مرة و حلها في الكلمتين دول ( المحضر و الحرمان )
و عموماً أياً كان
مع احترامي لكلامك و الموقف اللي بتقول عليه
أنا واحدة من اللي طرقهم يعتبر طويل و مش ساكنين جنب الكلية
أنا معادي في الكلية 9 و بنزل 6 و نص
فاللي هو مش باتكلم من برج عالي أو ما شابه
ثاني حاجة
إن أنا مقولتش من أول ثانية في الامتحان
أظن التأخير ده القانون مراعيه
ان في فترة سماح
و لما الوكيل بينزل قرار بيحدد فترة سماح
اللي هو الدخول الساعة كذا و التأخير بعد فترة كذا ممنوع
يعني فعلاً روح القانون زي ما انت بتقول مطبقة فعلاً
لكن معلش أنا منالطالبات و أعترف إن في طالبات بينزلو براحتهم حتى لو ساكنين بعيد
ذنبنا إيه احنا بقى يشدوا انتباه البنات و يشغلوهم عن الامتحان و يوتروا كل اللجنة ؟؟؟
مشكلتنا اننا عارفين المشكلة و في إيدينا الحل
و محدش بيرضى ينفذه

أعتقد من خلال ردودكم
المبادرة المفروض تكون فعلا من الطالبات
وساعتها مش هتحصل كل المشاكل دى

Ojamajo Doremi
بصراحه طريقه ردك غريبه جدا وهجوميه مع عدم مراعاه غيرك من الزملا ايوه فى بنات بتدلع لكن فى اللى بجد ساكنين بعييد
ومحاضر الغش اللى بتطالبى باقامتها هتبقى فرحانه قوى وزميله لكى حتى لو لم تعريفيها اتعملها محضر غش واتحرمت من الامتحانات ؟؟؟؟!!!!!!!!!!!!!!!!!!!!!!!!!!!!!!!!!!
وانا مش معنى كده برجح الغش لكن ممكن نمنعه بطريقه افضل من القسوة دى وزى ما ا / الفاضل قال ان المراقب بيراعى ولى الامر
فعلى كل الطالبات ايضا السيطرة على انفسهن وربنا يستر ومحدش يلجا للغش اصلا