موضوع: حمدى قنديل يكتب :أقوال مأثورة الإثنين 25 يناير 2010, 8:01 pm
حمدى قنديل يكتب :أقوال مأثورة
ماذا قالوا عن مصر وأحوالها؟
■ الرئيس يسأل محافظ الشرقية: بلدك إيه؟.. والمحافظ يرد: «اللى تأمر بيه يا ريس».. عنوان «المصرى اليوم».
■ اللى بيقولوا لأه خلصوا.. وزير الإسكان الأسبق حسب الله الكفراوى «الوفد».
■ الفترة المقبلة الأسوأ فى تاريخ مصر.. محمد حسنين هيكل «المصرى اليوم».
■ دولة بلا تحويلة ونظام بلا قضبان... أكرم القصاص «العربى».
■ مصر تحولت إلى متعهد تنظيم حفلات، ولا تأثير لها فى المؤتمرات.. عنوان «ميديل إيست تايمز».
■ نعيش فى نظام شبه رئاسى شبه برلمانى، وصحافة شبه حرة، وحكم شبه ديمقراطى.. يعنى إحنا شبه عايشين.. حسن الزوام «الميدان».
■ البلد خوَّخ.. حمدى رزق «المصرى اليوم».
■ مصر تحولت إلى مصرين.. مصر المنتجعات وملاعب الجولف.. ومصر التى يكاد أهلها يسدون رمقهم.. توماس فريدمان «نيويورك تايمز».
■ السلطة تزوجت الثروة فأنجبت «الفساد».. د. مصطفى الفقى «الخميس».
■ يا أيها المسؤولون المطرمخون القاعدون على قلب هذا الوطن.. اللى ياكل لوحده يزور.. وليد كساب «الدستور».
■ لما مصر اسمها المحروسة، آمال اتنهبت ليه؟.. إبراهيم هدهد «الغد».
■ سمى وزير الداخلية بالعادلى لأنه يقلب المواطن ويعدله؟ ثم يقلبه ويعدله، ثم يتركه بعد ذلك يمشى عدل.. د. نصار عبدالله «الفجر».
■ جاء اليوم الذى نحسد فيه موريتانيا أنها تخلصت من عهد ولد الطايع، بينما نحن ندخل فى عهد طايع الولد... بلال فضل «الدستور».
■ يا شعبى حبيبى، يا روحى يا بيبى، حاحطك فى جيبى، يا ابن الحلال.. وأمرمط سعادتك، واهزأ سيادتك، وأخللى كرامتك فى حالة هزال.. وتعيش قضية، وتصبح رزية، وباقى حياتك تعيش فى انعزال.. حتقبل حاحبك، حترفض حلبّك، حتطلع تنزل، حاجيب لك جمال.. الشاعر أحمد فؤاد نجم «البديل»
■ نطالب بالتوريث.. ابن التربى أحق بمهنة أبيه.. رئيس رابطة التربية فى مصر الحاج عبدالعزيز صالح «الميدان».
■ سكوت، حنزور... سليمان الحكيم «العربى».
مصر هى البلد الذى تجد فيه الحذاء فى الفاترينة والرغيف على الرصيف.. وجدى زين الدين «الوفد».
■ مصر ليست أمى.. دى مرات أبويا.. أسامة غريب «المصرى اليوم».
■ مصر رائدة فى الخير والشر.. فيها أحسن قارئ قرآن وأحسن أديب، وأحسن راقصة وأحسن فرعون... د. يوسف القرضاوى «قناة اليوم».
معظم الهاربين بفلوسنا كانوا يقيمون لنا موائد الرحمن، وأتارى إحنا اللى عازمينهم.. جلال عامر «البديل».
امل حياتى
الموقع : وسط احبابي تاريخ التسجيل : 25/11/2009
موضوع: رد: حمدى قنديل يكتب :أقوال مأثورة الثلاثاء 26 يناير 2010, 3:53 am
حلوة اوي فيها شوية اقوال جامده اوي وعجبتني زي الاخيرة ومصرليست امي هانعمل ايه دي حال مصر يلا ربنا معانا ويرحمنا برحمته شكرا ليكي الموضوع عجبني اوي
dof3et 2006
تاريخ التسجيل : 09/06/2009
موضوع: رد: حمدى قنديل يكتب :أقوال مأثورة الثلاثاء 26 يناير 2010, 6:29 am
اه والله فعلا عندك حق...على أد سخرية معظم الأقوال دى على أد ما الواحد بيحزن على حال البلد اوى....ربنا يصلح حالها وحالنا
موضوع: حمدى قنديل يكتب :أقوال مأثورة 
